@kuh: unta wölchm titl - hund oda kåtz: naa, då niet, åba då:
http://flickr.com/photos/dueller/sets/72157605705166505/

sodala, mia sein wieda dahaam. des wår a tåg wia ausm büldabiachl. mia wårn in tafis, håbm dem weißnfelser see an bisuch åbgståttet, sein durt umasputzirt (dabei seind ieber 100 - wia i maan - tolle fotos entståndn, a påår davon gips auf www.flickr.com/photos/dueller zum sehgn), nåachan seimma ieber die grenz nåch slo gfåhrn, håmma a påår tschachtelen tschick fiers mietzale gschmugglt, håmtze uns åba gårniex dawiescht, weil ma eh niet mehr gnummen håbm alswiadassmanterf.
haam iebers gailtål und die windische höh. durtn håmma noch herrlich gspeist beim enzianwirt. åb in die kreizn, eine in die kiestn und die miadn banda ausråstn - des wårs. und hiatzt bien i wieda då.
nudl. (pasta)

juchheee ... scheen ies es ... sunne grienst åba, brav, petrus!
an guatn morgen und an wundascheenen tåg eich ålln.

19.06.2008 08:20:
bei so an weetta is direkt a gaude, in ålla fruah mietm hund a runde ziahgn. des håb i hiatzt gmåcht und meine bronchalien a biessale mit frieschlufft aufgitankt.

@inge und @feiferle: nåjå, gånz unrächt håbbes jå niet. åba ies schon nein jåhr her, dass i (fåst vierz'g jåhr lång) in stocknboi und in da kreizn (då in aana aanklassign schul als dorfschualmasterle) tätig wår, åba dersebm håb i noch niet "ruflo" ghaaßn, den nåmen håmtze mia erst vur sex oda siebm jåhr då hariennen im fiellahanet vapasst. wohl, so lång gips schon es fiellahanet und sugår noch länga.

@feiferle: måch da niex draus, dass d' in da schul niet gråd da beste wårst,
i aa niet. und siehgst eh sölba: es ies trotzdem wås gscheits wurdn aus dia. und sugår bies kanadium biest kummen. i bien zwår aa bies kaliphornium kummen, åba lei als uhrlauba.
es seind niet imma die vurzugschuala dejenign, wo siech im läbm am bestn durchsetzn.
und zum temma schreibm: mia schreibm so, wias uns rächt ies, derwegn haaßt des a rächtschreibung.
pasta (nudl)
i wientsch da a guate nåcht und traam wås scheens.

so, und i bien fier heite furt. weil bei dem weetta miaßn mia, meine zwa weiberlen (es mietzale und die sally) und i ause beim templ. und wenn schon sunstn niex - zum mindestns a biessale schmuggln iebern wurznpåss.
wernmia sehgn, wås draus werd.

i håb aa an kohldåmpf, wia die sally und de friesst a fåstbinåhe wia a wolf. drum ies sie so dieck. und i aa.

settene tatschga gips åba bei de mäntschen aa. de håmt åba kaa lufft niet einegeblåsn sundern süllükohn. håmt aanige so aan süllükohnballkohn, dass se umbidingt a glanda rundumadum brauchnt, damiet dass se niet schwiendelig wer'n beim åbeschaugn.
und i wunda mi offt, dass settene tatschgern niet an vurfåll kriagn und dånn taatnse aufm ballkohn liegn. auwehauweh.
und aanige låssnt siech vom dockta a lebmsmiettlvagifftung unta de fåltnen sprietzn, damiet dass die fåltnen hien werdn. hihi, wietzig, sågntze botox dazua und schaugnt aus danåch wia a barbiepuppm.
und lüppen aa. håmt aanige gåntz diecke.
i håb a guate idee: taatetn de stått süllükohn a helium in die tuttelen einefülln låssn, könnetn se fliagn aa. wia des eirofaita-gischwada vom bundesherrn. lei bessa und in da nåcht aa.

jå, ginau, lufftmatråtzn, weil se sooo aufgiblåsn sein.

fibile, brauchst niet bileidigt sein, des wo i gschriebm håb ieber die dieckn fettn aufgiblåsenen weiberlen des gültet jå fåst iemma lei fier de tatschga. åba wenn a mäntsch a tatschga ies, dånn gültet schon. hihi.

inge, hihi, brauchst di niet wundern, wennst fier unsa wertabiachle kaane neichn werta mehr fiendn tuast, håt da jå unsriega wöltmaasta, herr, schon ålle weckgschnappt.
i maan, da kuhlattnick ies wia a tatschga*), der wo unta aana plotschn huckt und wenn a fliagn daherkummt, schmeißt er sein lecka ause und - pflatsch - håtihmschon. hihi.
__________________________________________________
*) fiers wertabuach, wenn niet schon driennen steht: des seind de schlutzign fiecha, miet warznen, wo man kiessen muaß, nåachan werntze a brienzessin oda a brienz. eppes aus da hai-soßaietie hålt.
oftamål kiesst aana an tatschga und maant, er kriagt hiatzt a brienzessin - jå, schneckn, kummt lei a mannkale ausa und nåachan muaßt schwühl sein.
also: bivur dass du miet an frosch schmuhsen tuast - iemma zerscht ginau schaugn ob frosch oda fröschin, vastehst, sunst gehtoftamåldanebm.
bei de tatschga ies umvakehrt: die dickn, fettn, schiachn seind de weiblan, de zierlichn, klaanen, liabn und gratziöhsen seind de manndlen. fåst wia bei uns mäntschn. åba hålt lei a biessale umvakehrt.

jåjå, summa ies då. und werd niex dauan, wer'n mia sågn "da summa ies umma". so vageht hålt die zeit und die jahrlen fliagn dahin. und je ölta dass man werd, desto schnölla fliagntze, de hundling. z'erscht flåttern se wia a metaschling, nåachan wia a spåtz und hiatzt - bei mia gehts schon miet 150 såchn dahien wia a mauspussart im sturzflug. oda a habiechtle.
und schwammalan? håb i aa schon gsehgn. hausschwammalen und fuaßpültz. schmecknt baade niet so guat. und de ajaschwammalan vom hoffapilaliedl de kumment ausm ostblock und leichtn, wenn fiensta werd.

a påår büldln von da st. leonharder kirchn (taufe) und von da fellach (mittågessn beim jedermann) seind im flickr.

wenn aana den Firefox als brauser vawendet: niet vagessn, die neiche wersion 3.0 ies seit gestern fertig und kånn gratis åbaglådn werdn. ies a tolle gschiecht, då kånn siech da billie geiz miet sein' intanett iggsblora vasteckn gehn.
und wer den fajafocks vawendet, kånn aa des brugramm "piclens" als add-on åbalådn, damiet seind die bülda in flickr echt a schow! und kostn tuatz aa niex.

an guatn morgen eich ålln. und an scheenen tåg aa noch dazua. gehtzeichguat? weetta werd beessa, ållas in puta.

@" å " i schreib des gringlte a ållweil mit da tastatur, geht meina meinung nåch schnella (sunst muaßt ållweil die maus nehmen, auf des "å" druckn, maus wieda wecktuan, aufs kiehbord greifn....)

ALT-Tastn (die linke, niet die "ALT Gr") festhåltn und aufm Ziffernblock 0 2 2 9 eingebm, dånn håst es å ållaweil durt, wo'sd es brauchst. und die ALT-Tastn kånnst aa wieda loslåssn.
so håt hålt a jeda seine schmäh.

i wer' heit noch amål brupiern beim doc ånruafn. falleicht håmtze går schon ålle meine befunde, auf de i seit MÄRZ wårtn tua. wenns niet so ärgaliech warat, warat des direkt zan låchn. warat scheen, wenns mietm wårtn aufn bandajåckl aa so lång dauern taatet....

seas inge. aha. unsa wöltmaasta håt di då zu uns eina glaxlt. a so a hundling, hearst. åba scheen ies, dass du då bist. und kumm lei båld und oft wieda.
dånkscheen, wöltmaasta. herr.

an scheenen gutan morgen und an erfreulichn tåg wientsch i eich. gehtzeichguat?
kuhle, håst di vom fuaßbållschock schon erholt?

måch da niex draus, es gips aa noch a lebm außerhålb der ledawuchtl - und sooo schlecht håmt unsriege jå aa wieda niet gspült. låss lei obm die fahndlen am aute, schåmen miaßn mia uns niet. und die deitschn håmt endliech wieda amål wås zum ångebm und großgoschert sein. ies jå aa scheen.
stöll da lei amål vur, wia vül piefkes siech wås ångetån hättetn, wenn da ballack die wuchtl niet in unsrieges gihäuse einegeballackt hättet.
a cordoba numma zwaa warat da tod fier etlieche årme haascherlen aus dem benåchbårtn nordn gwesn. låssn mia se hålt siech frein und mauln, und gfrein mia uns miet, dass wieda amål "deitschlånd, deitschlånd ieber alles, ieber alles in der wölt" ies. hallelluja. luja håb i xågt.

mannomann, da haben die dösis aber wieder mal dösig aus der wäsche geguckt. wer uns die hosen ausziehen will, der muss erst geboren werden.
zwodreivier.

hallo, fibi, håtz dei hasale guat ieberståndn? daumen gidruckt håb i fest.

griaßeich und an scheenen tåg.
naa, bin nix mehr aufn kirchtåg gången, wår ma z'spåt und i wår z'miad. settene festiwitätn seind hålt niex mehr fier so a åltes simessta. wer' i wohl näxtes jåhr falleicht aufn kirchtåg gehn, wenn i niet då schon mit de klaan teifelen tarockirn tua. haha.

kommando z'ruck: niex regn, sunne ies då!
åba hiatzt muaß i mi fertig måchn: fiellah fåhrn, poppalan taafn, beim "jedermånn" speisn undsoweita. pfiateich.