Mecht ålln noch kuaz guatn Åbnd winschn und enk trestn wal de Teitschn gwunnan homb. Is jo lei Fuassboll, nit Schifoan! Heint wor mei Monn aa ban Weissnfölsa Sea und hot aa Büldlan gmocht - i hon de von ruflo ban flickr schoan gsegn ... is anfoch a scheana Fleck durt! Etlane Onsichtn homb bade gmocht, so a Zuafoll!
Wonns mitn Weta so weitageaht, nocha passts.
Schlofts guat.

scheen wors heite. und a bissle in de sunn hob i aa wida sitzn kennen. herz wos wüllst du mehr ;-)

<<heite kummt die rache fir de deitscn, heite fliagn se ausse! >>
jo wennst di do nur nit teischt. daweil stehts schon 2:1 fir de pie.... ähm. fir unsre lieblingsnochborn. owa hoff ma noch weita. da scheene ronaldo konn doch nit goooor a so vasogn heite..... *hoffdaumendrück*
schau ma mol, a poor minutaln homse jo noch zum gwinnen.

19.06.2008 22:20:
*schluchz-heul* 3:1

19.06.2008 22:40:
und mit 3:2 is aus :-(
mah, hiatzand wernse wieda ongebn.......

i geh schlofn. guate nocht

@kuh: unta wölchm titl - hund oda kåtz: naa, då niet, åba då:
http://flickr.com/photos/dueller/sets/72157605705166505/

Jo des wor heite echt a suppa Wettale. Mitn Hund spaziern gehn is imma scheen in da Fria. Und donn hob I bis um sexe Zaun gstrichn beim Nochba. Den Zaun hon I schon fua zwa Johr amol gstrichn. Scheen, so viel Leit de do fuabei gehn und mit mir ratschn, taugt ma. So und weils so scheen wor, geh I glei noch amol mitn Hund um ochte. Oba mitn ondan. Hon jo zwa zum spaziern gehn. Bis späta vielleicht. Mei Gluckhehn wert warscheinlich wieda epes ausprobiern wolln am PeCe, hot a jo schon long nieama.

unta wölch titel sedenn de?
hund und kotz?

19.06.2008 18:33:
hobs schon gsegn is klass wurn.

sodala, mia sein wieda dahaam. des wår a tåg wia ausm büldabiachl. mia wårn in tafis, håbm dem weißnfelser see an bisuch åbgståttet, sein durt umasputzirt (dabei seind ieber 100 - wia i maan - tolle fotos entståndn, a påår davon gips auf www.flickr.com/photos/dueller zum sehgn), nåachan seimma ieber die grenz nåch slo gfåhrn, håmma a påår tschachtelen tschick fiers mietzale gschmugglt, håmtze uns åba gårniex dawiescht, weil ma eh niet mehr gnummen håbm alswiadassmanterf.
haam iebers gailtål und die windische höh. durtn håmma noch herrlich gspeist beim enzianwirt. åb in die kreizn, eine in die kiestn und die miadn banda ausråstn - des wårs. und hiatzt bien i wieda då.
nudl. (pasta)

i hons gschoffn trotz dera hitzn ma hot de "domina" gmaatat is jo fost nit zan glabn dos i noch soo frisch bin. heite kummt die rache fir de deitscn, heite fliagn se ausse! hoffntlich werts a schenes spül.

grias eich,
heint bin i fost z'faul zan schreibn. es weta is a procht! enk an schean tog!

guatn morgähn! uaaaaaah
jo schenes wetta is hob i jo gsogt.
und de schwedn hom gegn de russn valorn.
oba heite kummen de deitschn dron!
de hund, de uns ausseghaut hom. i möld mi wieda am nochmittog.

juchheee ... scheen ies es ... sunne grienst åba, brav, petrus!
an guatn morgen und an wundascheenen tåg eich ålln.

19.06.2008 08:20:
bei so an weetta is direkt a gaude, in ålla fruah mietm hund a runde ziahgn. des håb i hiatzt gmåcht und meine bronchalien a biessale mit frieschlufft aufgitankt.

@inge und @feiferle: nåjå, gånz unrächt håbbes jå niet. åba ies schon nein jåhr her, dass i (fåst vierz'g jåhr lång) in stocknboi und in da kreizn (då in aana aanklassign schul als dorfschualmasterle) tätig wår, åba dersebm håb i noch niet "ruflo" ghaaßn, den nåmen håmtze mia erst vur sex oda siebm jåhr då hariennen im fiellahanet vapasst. wohl, so lång gips schon es fiellahanet und sugår noch länga.

@feiferle: måch da niex draus, dass d' in da schul niet gråd da beste wårst,
i aa niet. und siehgst eh sölba: es ies trotzdem wås gscheits wurdn aus dia. und sugår bies kanadium biest kummen. i bien zwår aa bies kaliphornium kummen, åba lei als uhrlauba.
es seind niet imma die vurzugschuala dejenign, wo siech im läbm am bestn durchsetzn.
und zum temma schreibm: mia schreibm so, wias uns rächt ies, derwegn haaßt des a rächtschreibung.
pasta (nudl)
i wientsch da a guate nåcht und traam wås scheens.

so, und i bien fier heite furt. weil bei dem weetta miaßn mia, meine zwa weiberlen (es mietzale und die sally) und i ause beim templ. und wenn schon sunstn niex - zum mindestns a biessale schmuggln iebern wurznpåss.
wernmia sehgn, wås draus werd.

Jo, guatn Morgn! Suun is noch nix do. Kiemt oba hobm se gsogt. Wäsch hängt schon drausn zum trocknen. Hund wortet a schon. Olso donn konns los gehn oda so. Wer wert denn gwienen heite beim Fuaßboll ?? Ha, I waas es: Da bessare !!!! Bis späta norcha.

@ ruflo grod hob i beim flickr einegschaut do sig i an droohthor foxl ,host wohl bei deinen reisen getroffen? sog amol warst du a lehrer?donn muas i glei beichtn,in the schul bin i mehr sizen gebliebn als wie weiterkumen,dafiehr gfallt mirdi villacher dialekt seitn,do brauch i wegenstis aufpassn mit der gramatic also an scheenan guaten morgen an ållen