|
|
|
| ruflo am 02.08.2013 16:18 (vua 4134 Tåg) |
Ohne wås zum sågn wüll i mi niet davonschleichn und drum: pfiateich, seas www.kruschpl.net, i maan - des wårs.
I wientsch eich ållas Guate. Andale, richt dir a Feißpuck-Konto ein oda kumm zum Zwitschern. Meine Büldln seind wia imma auf www.flickr.com/photos/dueller.
Wia håt da ålte Kaisa xågg? "Es war sehr schön, es hat mich sehr gefreut!"
Åba wenns aus is, is aus. Und i maan, bei uns is es so weit. Mir stehts nit zua, es Villacher.net zan schliaßn, åba mi vaåbschiedn und Adiöh sågn, des derf i schon.
Vielleicht hülft a klaane Nåchdenkpause? Schaun mir amål in a påår Tåg, ob des noch wås werd.
Die gånzn Jåhre, wås mir uns då herinnen getroffn håbm, de möcht i nit missn und i denk noch gern ån unsere Treffn auf da Genottehöhe, im Brauhof oda beim Fruhmann zruck. Es is scheen, dass ma so liabe Freind håt. Åba wenns hålt niamma geht, ies bessa man måcht a End.
I denk noch vül und gern ån unsa liabs Irmile z'ruck, de sogår jedes Mål aus Köln zu unsere Treffn ångreist is. Unsa Pfeiferle aus Kanadium, da Wåldschneck ausm Allgäu (Christian - es wår a Riesnfreid, dass i di persönlich håb kennen lernen dierfn), da Martin und sei Barbara aus Fahrradelberg, unsa Chrischtale und da Frounz aus Schpittl-Tschitty, unsre Weana Diandlen Fibile und Beißerle, last not liest unsa Weartabuach-Wöltmaasta und Kruschpl-Eggsbärte aus Wernberg und åll die åndern, de ieber kierzare oda längare Zeit unsre Begleita wårn - i denk auf eich.
Und gånz bisunders möcht i aa Dånkscheen sågn unserm @wuhte, unserm Scheffe, der unsa Runde ins Lebn gruafn håt.
Und so, wia i es Irmile imma noch im Herzn håb, möcht i a eich ålle gern als Freind behåltn. Vielleicht trifft man sich auf Feißpuck oda in da Wirklichkeit? Mei e-mail-Addi håbts jå und i taatet mi riesig gfrein, wenn i wås von eich hear.
Wia schon xågg: Schaun mir amål, ob des noch wås werd mit unserm villachernett. I denk ån eich und såg daweil amål hålt "PFIATEICH!"
Zaacherlan aus die Guggerlen ausagwischt und "Seas!" |
| ruflo am 30.07.2013 16:05 (vua 4137 Tåg) |
@wuhte: gratulier dir zu dein' tolln neichn schliettn! maa, is der suppa!
@fibile: pass auf dei årmes gynäck auf und i wientsch dir guate bessarung, sowia an scheenen tåg am see.
|
| ruflo am 27.07.2013 15:59 (vua 4140 Tåg) |
Dånkscheen fier die Beleerung, Herr Brufesa. Wås a Kruschplspitz ies, waaß i - sunst hätt i's niet xågg. I håb ållaweil gidåcht, i bin da Obaleerer - åba es gips settene, de seind noch oberer. Jå. Wåhrscheinliech seind des Obastudienrähte. |
| ruflo am 27.07.2013 10:28 (vua 4140 Tåg) |
I hoff' dass du's dalebst - niet, dass es Lenale umasunst kruschpln tuat, du ålta Kruschplspitz.
Mei Mitzale kruschplt niet, de kocht. Heit gips zwengs der Hitzn lei wås aanfåches: Ertäpfl miet Butta und Buttamülch. Und als Nåchspeis a Eis mit Schlåg. (Wennst niet waaßt, wås des ies, Herr Brufesa: Leckeres Gefrorenes mit Sahne)
Mi gfreit des so, dass i heit' in Schpittltschittie unsern Frounz getroffn håb. Mir håbm uns schon a gånze Weil' niamma gsehgn.
Gestern håt's sugår bei uns aufm Berg, in 1000 m, 30 Gräder ghåbt. Wias eppa heite werd? Bessa auf kaan Fåll. Siehalieh niet. |
| ruflo am 25.07.2013 09:44 (vua 4142 Tåg) |
Da Villacher Kirchtåg ies mir nit so wurscht, wia da Dschordschie. A so a Tiaata, wås då mit dem klaan Tschwutschkalen aufgfiehrt werd, naa, ... und zu dem wunzign Hosnscheißa muaßt "Königliche Hochheit!" oda so aa noch sågn. Årg, hearst. "Haben Königliche Hoheit wieder die Pämpas vollgekackt?"
Und wås den ORF ånbilångt: der kånn mi Bugglfünfern. Wia du waaßt bin i hörbehindert und muaß beim ORF-Schaugn Kopfheara trågn, damiet dass i wås vasteh. Åba wås de ORFler mit senara grauslichn "Musik" zwischn zwa Brugramme, oda Werbeblöck und oft amål ålle påår Minutnen auffiehrn, des Gepiepse, Geschmurgl, Geröchel, Maschinengiwährgeknåtta und so weita, des ies so årg, dass es dir sugår mit die bestn Kopfheara bis ins Hiern eine fåhrt.
Då gehts die gånze Zeit lei mehr "Pieppiep-gåggåg-pengpengpeng", sugår während die Nåchriechtn. Und wenn dånn beim Zippfläsch im Aansa noch der schöne Månn so affektiert ausagrienst und die gegrudlete Weettafee uns eppes vursetzt, wås "Weettavurschau" haaßt - jå, nåachan reichts mir und i fråg mi, fier wås dass mir die hoachn Tefaugibiehrn zåhln miassn. Im Aansa reckt dir a Brumminenta a Runklruabm entgegn und schreit "Eins", und im Zwaara fåhrt aana von de Zwilling in Hiemml und da zweite direkt åbe zan Beelzebuam. Pieppiep.
Und die "härrliehe" Untamålungsmusik ist maastns so laut und gruselig, dass man von dem, wås man vastehn soll, eh niex vasteht. Danke ORF - es gips åndare Sender. Und sugår gratis.
Wenn da ORF amål a ächt guate Sendung håt, muaß de zwengs de Spårmåßnåhmen demnäxt eingstöllt werdn. Jå, so ies es.
|
| ruflo am 25.07.2013 06:15 (vua 4142 Tåg) |
Auweh - warat des hiatzt guat, an dieckn Göldpeitl håbm, mit an Haufn Nötsch drienn: A Festiwitätt jågt die åndara. Kirchtäge, Sänga- und Musiekfeste, in Klafu kummt wieda es "Pitsch-Wolle-Ball", am Wertasee die "Fette Plantsch" und, då wår jå noch wås - oda niet? Ginau, da
Villacher Kirchtag
der haja sei 70. Jubeläum fajert.
Marantana, ieberåll warat guat hingehn und dabei sein. Åba dazua brauchst a biessale mehr in da Bortokahse als wia da meinige håbm tuat. Und im Wertasee miassn hålt åndare ummaplantschn, ob fett oda niet.
Wientsch eich an guatn Morgen und an scheenen Pfingsti! |
|
|
|
|
