olle wieda wohlbehalten am ausgongsurt :)
i bin mittlaweila aa schon wieda a zeit long fleissig im biro am werkln, mei papa hot den uhrwaschldoktor guat ibastonden und i hob eahm donn "daham" aa noch schnöll des mittogessn geben kennen und bin donn wieda in de orbeit zruck.
a schräge vurstöllung honi heite aa schon kriagt von de sanitäta.
kummen eine ins zimma zum papa, frogn mi, ob er sölber gehn oder stehn konn, i sog, naa, konn er leida nit und er muass aa liegend transportiert werdn. weil se send mit so an sessl kummen, wo er aussegrutsch warat. olso holn se von unten wieda so a transportliege, und während se eahm do drauf hiefn frogt der ane sani: "und warum muass er mitn kronkntranspurt fohrn?"
i denk ma, er maant wieso ma iberhaupt ins smz-ost miassn,
drum sog i: "jo wegn de uhrn zur kontrolle!"
er: "na, i maan, warum fohrt er nit mit da strossnbohn, sondan mit uns?"
im endeffekt hot sich noch ana etwas längeren verwunderunssprachlospause meinerseits aussegstöllt, er wüll lei wissn, wos er fir a kronkheit hot, daas er nimma gehn konn.
des wurde donn durch a etwas lauta werdende obaschwesta ziemlich heftig mit demenz erklärt worauf da sani gmaant hot, des is oba kaa grund, warum er nit mit da strossnbohn fohrn konn.
noch a weilchen späta hot sich donn wiedarum aussegstöllt, er braucht a begründung zj eintrogn ins transportblattl, dos da transport gerechtfertigt is und aa von da kronknkasse gezohlt wert.
die schräge ort ollading losst mi noch imma a bissle vawunderlich guckn... ;)
i wer holt näxtn montog, weil do miass ma wieda zur kontrolle, dem papa anfoch an togesfohrschein in de hond druckn. is eh a busstation vur da haustir, a banane einpockn, a flaschal soft zum trinkn und eahm losschicken. oba uma fünfe muass er wieda daham sein, weil do is gittabettsperre
mah, galgenhumor nennt ma des, oda????
oba sunst hätt i jo eh nix zum dazöhln fir eich ;)
