|
|
|
| ruflo am 25.06.2013 11:42 (vua 4172 Tåg) |
Ui - dei Petzi ies aa Naturwiessnschåftla und Eggsbärimentator - pass auf, dass er dir niet dei Häusle in die Lufft jågt.
Und graucht håmma mir als Berschn aa. Wåldrebn hålt, weil wås åndares håmma mir niet ghåbt.
Und zur Krammatik: Mir håmma uns gidåcht, da Dativ is dem Genitiv sei Tod und håmma an Haufn settene Fälle umgibråcht, erdrosslt, dawierget.
Steno håt mir Spaß gmåcht und i schreibs heite noch, wenns bsunders schnöll gehn soll. |
| ruflo am 25.06.2013 10:55 (vua 4172 Tåg) |
Beim Bådn brauchst kaan Scherm, weil då werst sowiaso nåss. Und wennst kaane Herrnpülz håst, niemm hålt a Packlsuppm von Unilewa (åba pass auf, dass d' niet Wåschpulfa oda a Deospräh von dera Fierma dawieschest!). Heitigntågs ies hålt ållas Unilewa odawås.
Und hiatzt ies die Sunne då. SENSATZIOHN!!!
Schåfsköltn??? I håb mi gestern wieda gschorn (bei meina "Frisuhr" scher i mi schon jåhrelång sölba) und hiatzt schaug i wieda aus wia neich.
Kuhle, du Lumpale du, wårst a festa Schlanggl? Ha?
Åba Schläg maan i, kriagt heitigntågs eh kaana mehr.
Außa de, wo durch a Haustetschn gscheita werdn. Åba de seind lei wenig. (Da Uwe waaß, wo man settene findn tuat)
|
| ruflo am 25.06.2013 07:55 (vua 4172 Tåg) |
Noch regnts niet bei uns. Åba: 9° am 25. Juni - wås soll denn des, ha? Seind de då obm (oba de Wolknen) schon so vakålkt, dass sie niamma wiessn, wås "Summa" haaßt? "Ies lei nurmahl" sågnt die Metolololognen "ies frieher amål aa schon so gwesn". Kånn schon sein.
"Hab Sonne im Herzen, obs stürmt oder schneit ..." sågn mir. Und wås die Frau Hollunda, da Petrus und Ginossen då obm treibm, des ies uns fåstbinåhe wurscht. Und des Azorenhoch werd schon gaxt kummen, wenns wüll.
Drum wientsch i eich an guatn Morgen und an fröhliechn Tåg. |
| ruflo am 22.06.2013 09:50 (vua 4175 Tåg) |
Sugår wenn er vom im Geiltål entsprungenen Kenngaruh redet, denkt da Kuhle ållaweil åns Fressn. :)
Valleicht kummt des Viech von St. Stefan her ieber die Windische Höh zua uns in die Kreizn? Nåachan gips in Austria aa Kenngurus, niet lei in Australia. Hihi. |
| ruflo am 22.06.2013 09:22 (vua 4175 Tåg) |
Jå, Martin, i maan - es Villacher.Net ies wia da friehe Wurm. Es håt gachamål an Vogl. Spiennt bei mir aa öfters. Åba aana spiennt hålt ållaweil :)
Liabe Griaß nåch K.i.V. |
| ruflo am 21.06.2013 15:41 (vua 4176 Tåg) |
Jå uuuuh - Andale - wås soll denn des? Heite, sågst, fångt da Summa ån? (Seit 11.6., seit 10 Tåg, is bei uns aa Tåg scheena und wärma wia da ândare. Bis zu 30° håts ghåbt und druntn im Tål wårs bistiemmt noch wärmer!)
Laad tuan mir die Leit, de mit'm grauslichn Hochwåssa kämpfn håbm miassn. Åba mia in Kärntn sein davon vaschont gebliebm. I maan, da Summa håt wohl schon gezaagt, wås er kånn und der fångt niet erst heit' oda murgn ån. |
| ruflo am 20.06.2013 10:22 (vua 4177 Tåg) |
I wår schon um sexe miet die Huntalan untawex und wennst dei kuahles Platzle gfundn håst, kummt di bistiemmt wer bisuachn: die liabn klaan Würmalan. Hihi.
Wenn i a Sgilett bin, werd' i miet meine Baana kleappern dass lei so a Freid ies. Um Miettanåcht werd' i ummaspucknen, dass lei so hüldert. Brauch i niet amål a Leilach, lei die nåckertn Baanda. Und "HUHUUUU" werd' i jauln, wia da Bello wenn die Kierchnglocknen läutn tuamt. Lei wenn i aus Villach, ausm Gremmatoriuhm kummen werd', nåachan geht des niet, weil då bin i jå nåachan pulfarisirt. Und eingesperrt in aana Uhrne. Valleicht kånn i ause, wenn aana drauf reibm tuat, so wia da Aladiehn auf seina Wundalåmpm. HIHI und HUUUHUUUUUUUUU!
Dein Åpflkombutta tua lei wem ånders vaerbn, weil als Gispenst kånn i damiet eh niex ånfången und sowås eggsklusifes ies sowiaso niex fier mi.
|
| ruflo am 20.06.2013 09:22 (vua 4177 Tåg) |
Kuhle, tua lei wias d' maanst. Bei mir funzt da Bleistift ållaweil. Åba i håb hålt lei an Mongolenschrot. Wia des bei die ångibiessenen Apfelen ies, waaß i niet.
Jå, ginau de 5 Wiedaholungen maan i. Davon werd des Zåhnwuwa von dein Lenalen aa niet bessa.
A haaßa Tåg steht uns bivur und i wientsch Eich ållas Guate und Scheene.
Martin dånkscheen fiern Tüpp, åba i håb dein Buam sei Seitn eh abonniert und kriag ållaweil die neiestn Möldungen. Åba trotzdem dånkscheen, dass du denkst auf mi. Liabe Griaß nåch Fahrradelberg. |
| ruflo am 19.06.2013 11:12 (vua 4178 Tåg) |
Kuhle - dos cervezas låss i mir gfålln. Åba warum is "mucho trabajo" so wichtig, wenn man in Espana Urlaub måcht? Wås tuast denn du då årbeitn? Maravillosas vacaciones seind mir då vül liaba. |
| ruflo am 19.06.2013 07:22 (vua 4178 Tåg) |
Hallo Barbara, hallo Martin! Scheen dass des wieda (xund?) dahaam seibbes. Wundascheen is die Gegend in Spanien. I kenn lei die Costa del Sol um Marbella, Algeciras und Tarifa, Sevilla, Ronda, Granada und Malaga. Mei Mitzale und i wårn ålladings von da spanischn Küche niet so begeistert wia da Kuhle - åba wås solls: Gschmäcka seind hålt ebn vaschiedn. Und nix gegen den Serrano.
Gfreit mi echt, dass des an scheenen Urlaub ghåbt håbbes.
Bei uns håts heit in da Nåcht a årges Giwietta g'gebm. Unsa Sally wår gånz vaschreckt. Åba passiert ies nix und hiatzt is es wieda wolknlos und des werd siehalieh a herrlieha Tåg.
I wientsch eich an guatn Morgen und an wunderbårn Mittig. |
|
|
|
|
