|
|
|
| ruflo am 18.06.2013 10:06 (vua 4179 Tåg) |
Andale, a Bliendschleicher ies jå kaa Schlången niet, des ies a Reappale (Eidaxle). Und gieftig is der schon går nit. Und Ångst braucht man vur de Viecha ieberhaupts niet håbm, weil vur lauta Schiess gsturbm ies aa hienig.
Fråg lei amål die Frau Happ in Klafutz. |
| ruflo am 18.06.2013 09:42 (vua 4179 Tåg) |
Von mir aa an guatn Morgen und an scheenen Tåg.
Haaß werds wieda,wolknlos ies es - åba a biessale dunstig.
Sågntse, des ies Sahara-Staab. Wås der eppa bei uns valurn håt, ha? Hoffntliech seind kaane Wüstenspringmäus oda Såndfleach dabei, mir reichn die Hundsfleach, de nurmalen. (Die Sally håt kaane. Oda lei söltn. De Luadan maanent jå, die Huntalan seind wia a Eisnbåhn. "Alles umsteigen, bitte!" - als wia bei da ÖBEBE). So aane Hund, de Fleach. Bei de vüln Freind wo unsa Sally håt (Huntalan und Katzlen) ies se jå völlig wia a Eisnbåhnknotnpunckt. So a Årt "Minivillach". Und die Zecknen erst ...
Ållas wüll zuzzln und tuttln und saugn, dabei seind die Zecknen, Fleach und Gölsnen jå går kaane Säugetiere nit. Oda doch? Muaß i amål nåchschlågn im Lecksikohn. Oda in da Wickipädija. Wenn i Zeit håb.
Åba wånn håt denn a Renntnamanndl schon Zeit, ha? Bei uns fliagn die Minutnen wie dia Sekundn, die Tåg wia Stundn, Wochn wia Tåg dahin und fluxx ist schon wieda a Jahrle furt. Wia da Wind aus da Sahra.
Jå, echt.
Kuhle, ålta Kruschpla, håst du aa schon amål Fleach ghåbt?
Bei uns, wia i noch a Buzzale wår, håts vurm groaßn Kriag sugår noch Bettwånzn gebm. Åba des wårnt gimeine Luadan hearst.
Und Läus håmma aa ghåbt. Håmtze uns wås aufn Schädl gschiettet. Naa - niet Bärocksied, i maan des wår Bitrohläum. Håmma gstunkn wia die Saubärn - und die Lauselen håmt lei glåcht. Fülzläus wårn des åba niet, fier sowås wårn mir dersebm noch z'jung.
Bua - i muaß aufhearn vom Dazähln, mi jucktz schon ieberåll, wenn i lei drauf denkn tua. |
| ruflo am 15.06.2013 06:11 (vua 4182 Tåg) |
Jå ginau. Kastrierte (oda haaßt des gekastlte oda karierte?) und gipunktlte (in inglitsch "dottet snail") gips aa noch.
Und flåchgidruckte Posthornschnecknen im Wååssa. De seind fier die Fiesch.
De mit Häusl seind eh liab und scheen. Die Frantschoschn essn de. I niet.
In Ka Ohrle und in Tschesolo laafn Schnecknhäuslen mit Haxn umanånda - då seind klaane Einsiedlakrebslen drien, sugenånnte Hausbesetza.
Und nåachan gips noch settene mit ohne Häusl, also häusllose, unbehauste, åba de seind grausliech. Seind so riechtige Schlatzwutzl. De brauchn a Mietwohnung. De håmt Zähnt auf da Zungen (sågntze "Radula") und niet wia bei uns aanige Weibaleit Håår auf die Zähnt. In Rot und Schwårz gips de. Wenn se braun seind, schaugnt se aus wia a Hundsdrutzl. Uäääääääääääh - so aane schleimign Luadan.
Lei guat, dass unsa Nåchbårin küneschische Laufantnen håt: Schnapp - schmatz - und furt seind die Schleima.
Könnet man aa vasuachn, Frantschoschnen bei uns ånsiedln und prubiern, ob de die nåckertn Nåcktschnecknen aa aufm Tella mögn. Wenn die Micklleitna des zualåsst. Åba de Strachejünga taatetn nåachan eh glei wieda schrajen "Auslända raus!"
Jå, so ies des miet die Schnecknen.
I wientsch eich an guatn Morgen und a scheenes Wochnend.Diandlen, wo seibbes denn? I hätt aane Bleamlen fier Eich!
www.flickr.com/photos/duellerfarm4.staticflickr.com/3804/9040515548_091e6eefe8_h.jpg |
| ruflo am 13.06.2013 10:31 (vua 4184 Tåg) |
An guatn Morgen wientsch i eich.
I wår heit' schon fleißig: in Zlan am Friedhof giaßn, in Spittal tankn und Aute wåschn, beim Doc und in da Apothekn, einkaafn und so weita. Und die Hunderunde håmma mir Huntalan aa schon hienta uns.
Is a prächtiga Tåg und den wientsch i eich aa. |
| ruflo am 10.06.2013 09:54 (vua 4187 Tåg) |
Jå, Kierchtåg wår scheen, aa ohne mi (Gruftie, Kompostie, ålta Klaachl ...) und des mietm Schweinsbråtn werdn mir heit, am Kirchmontåg nåchholn. Valleicht håmtze sugår noch a Kierchtågssuppm? Schaun mir amål, nåachan kummen mir schon drauf.
Fibile - des mit dein' Gynäck tuat mir laad. Warat scheen, wennst echt a Kur in Wårmbåd vaschriebm kriagn taatest.
I wientsch eich an scheenen Montåg und a erfreiliche neiche Wochn |
| ruflo am 09.06.2013 10:12 (vua 4188 Tåg) |
Jå, Schneck, es tuat guat, wenn wenigstns aana amål die freiwillign Leistungen von Fajawehr, Rotem Kreuz, Wåssarettung, Bergwåcht ... ånerkennt. Wenn de Frauen und Männa aamål niamma in ihrer Freizeit gratis hölfn taatetn und da Stååt ållas zåhln miassat ... Auweh, då wüll i nietamål drån denkn.
Bei uns vaånståltet heit' die Fajawehr den Kreizna Kierchtåg und eigentlieh miassat i jå aa mei Galaunifurm ånziahgn - åba i kånn leida niamma so lång stehn und bei da Prozession mitgehn. Des wår amål.
Åba z'Miettåg uns a Schweinsbratl vagunnen - des werdn mir schon. Und dabei werd i ån di denkn. Und natierlich ån unsern Kuhle in Porec. Der årme Hundling muaß heit' in Kroatien gebråtane Gummirienglen (Tintnfisch) oda so a Krafl vaspeisn. Ob des wohl ånständig "kruschplt"? Wenn er siech dabei a Blastig-Zahndle ausbeißt, werd' i ihm mein Suppakleba burgn.
I wientsch eich ålln an scheenen Sunntåg!
Wenn des niet zu unserm Kierchtåg kummen könnts, werd i a Hefale fier eich mittrinkn. Jå, echt.
|
|
|
|
|
Jåjå - mir lebm in gfährliche Zeitnen.
