seas frounz. håst scheen an stressign wochnplan, du årmer. åba wo bleibm die håsn, ha? lei robotn, saufn und dem scheffe aans aufn plutza klepfn - ies des ållas?
ies jå fåst wia bei mia: "då wår doch NOCH wås? oda?

haha, kuh, hearst wohl - tiramisu - des warat wås fier di - håt lei gåntz wenig kohlensteriene.

siehgstes, dåhåstes hiatzt. wer anderen eine gruhbe grept, ies hülfsårbeita.
des kummt davon, indehm dass du mie ållaweil miet meinen gepflägten wampen aufgezohgen håst.
åba i bien jå niet so - kein wurt niecht mehr ieber die kohlensteriene. vasprochn, und wird aa niet gibrochn. odawohl.

jå, da ebnerwirt ies unsa bestes (und aanziges - weil die åndern håmt ålle schon zuagedraht) gåsthaus in kreizn. haaßt aa staber, wennst wüllst.
und a hommpeitsch håmt de schon, schaug lei eine unta stabertrans.at, då ies da ebnerwirt aa dabei.
die sally håt eh schon mei hommpeitsch erobert, åba seind derwegn noch kaane
tausnd hundsvaehra aufgitaucht. lei es chrischtele und da frounz, de håmt uns wohl schon bisuacht.
åba hundling håmma eh an gånzn haufn bei uns då herobm auf da ebm: den bello, den tino, den yukon, die kiki - und wenn de ålle miet da sally auf da wiesn umanåndagamsn, nåachan gehtz rund, hearst.

von wegn vadauungsschlåf … bei so an sauweetta jågt man jå kaan hunt niet vur die tiere. lei den ruflo und sein gebieglten dalmatinadackl schon. de miaßn senare runde drahn. egal wås kummt. de huntling de.

06.10.2007 16:09:
wohl fleischnudl, fleischnudl, fleischnudl, und sawakraut, sawakraut.... mmmmmmmhm - suppaguat.
und des häggis, der degene gfüllte schofpeitl, ies jå lei fiern scheffe. fier mie ies des niex. då miaßat i schpeibm. jå pfuiteifl hearst. des schmäckt aa lei in de schotten.

iebrigens schotten: rahm und schottn (reim und schatten in da schreibespråch) ies aa wås guatz. wenn ma sunstn niex åndriges håbm tuat.

vadauungsschlåf.

mia wårn heit beim ebnerwirt fleischnudln miet sawakraut essn. då ies murgn schlåchtschmaus. miet schlåchtplåttn, maischalan, bluatwurscht, schweinsbråtn undsoweita.
mia håmma åba heite schon gikostet, weil mia murgn - wenn scheens weetta ies - auf die nockålmstråßn aufe wolln, noch amål, bivur wieda die wientasperre kummen tuat.

maaa, frounz, biest du ungeziechtigt.... tuat ma jå niet im gibüsch.... und wås nåacha, wenn da jaaga kummt, ha? nåacha gips an vareiba.
beim moppale.

a scheens wochnend - trotz saumäßiga weettalåge (åba murgn solls eh beessa sein!) - wientscht eich da ruflo.

06.10.2007 10:40:
irmele, wia gehtzdadenn? kumm wieda amål eina zu uns.

a so aane schuftwutzln, hearst, åba schon går niex vagunnen se aan.
warat am bestn, wenn ma mia ålle wia de vahungertn modells umasteign taatetn. waaßt eh, de bandagstölla, de man in de modeschauen siehgt.
bei dem ånblieck von de degenen figurn kriag i ållaweil z'erst an brechreiz und nåachan an låchånfåll, wenn i siehg, wia de durch die gegend schnaggln...

komisch ies lei, dass i noch nia niet an vahungertn dockta gsehgn håb. seind die maastn wohlginährt und kaane kostvaächta. åba bei de gips jå kaane kohlensteriene, de gips lei bei die patzjentnen, hihi.

wohl. im uhrlaup muaß man åbschåltn kennen, sunst ies ka uhrlaup.

gehtzdaguat, kuh?

falleicht wår er a biessale auf uhrlaup. odawia.

noch kaana håt heit es liacht eingschåltn? åba hiatzt brauchn mia eh kaans mehr. scheint jå schon die sunne. die sally huckt aufm fenstabrett (ieba mei bett aufegekraalt) und wärmt siech ihrn pöltz.

an guatn morgen und an scheenen tåg!

aha. wår nur a fröhlicher ausruf, dass unsa kuhli wieda då ies.

wer?

hupfdohle

ies a biessale spåt, åba trotzdem: an scheenen guatn morgen und an ånginehmen tåg!
i wår niex unterm gulter, sondern in feistritz göld vazarrn (einkaafn). und miet da sally wår i aa schon untawäx.