jåpfuiteixlnoamål, hearst, so a sauweetta...
die sally huckt am fenstabrett und schaugt so bitropfetzt ause, wia da regn eina schaugt.
und i måg går niet auseschaugn. taatet am liabstn die vurhäng zuaziahgn und schlåfn...
åba wås tua i nåachan in da nåcht, wenn i hiatzt schon schlåf? waaßt du des, kuh? najå, lesn, des geht - åba wår då niet nochwås?
wenn aana wia i ållaweil sågt "werd schon wieda", nåacha soll er aa drån glaabn.
ålsdånn: werd schon wieda! kummen noch ginua scheene hierbesttåg. indian summer - indische sumsara. ha? wia sågst kuh? a so.... ålsdånn hålt indijanasumma.

26.09.2007 17:22:
mia håmma heit a schweinsgullasch ghåbt. håb i an haufn jalapeno-riengelen eineghaut. auweh, des wår guat. åba schårf... brennt zwaamål. miendestns. nåjå, derf i hålt niet sovül fårznen.

griaßeich. seimma wieda dahaam. guat, dass es weetta gestern niet so wår, wias heite ies. mia seimma (OHNE autebåhn!) ieber san daniele und pordenone nåch grado gfåhrn und ieber latisana und udine wieda haam. scheen wårs. die sally håt es erste mål es meer gsehgn, de wår falleicht taamiesch, hihi!
da große rumml untn ån da adria ies vurbei, diereckt scheen, am strånd spaziern gehn. und a påår lukahle håmt sugår noch offn, wo man wås guatz essn kånn.

heite håt ma da postla a scheene kårtn vom chrischtele gibråcht. a kuh, waaßt schon, dass es chrischtele in türkiestan ies? :)

an guaten morgen und an scheenen tåg wintsch ma eich und bisunders unsara irmi.
gehtzeichguat? nåacha solls so bleibm, wenn niet, solls beessa werdn.

so, i muaß .... unsa hundling wårtet .... gips hauswierschtl und limo ... bivur die gånze bischerung im gårtn låndet ...

chrieschtele ies in türkistan und plätschert.

jåjå, hupfest wia a junga. und wenn a giwietta kummt, schlågt da plietz ein. nåacha håst deine eisnknia. bin i falleicht a plietzåbleita odawia?

so, seimma wieda då.
wohl, kuh, håmma ginua kriagt, seimma ålle sått wurdn.

seas fibi. holzpfeilchen seind niet so guat, weil de beim hientagehnen ållaweil in die vakehrte riechtung zaagn tuamt. hihi.

åba hiatzt muaß i echt..... pfiateich. sunst gips gaxt kaane kuhteletten mehr.

hihihihi, vom BLED in da wohnung umasietznen muaß man noch lång niet in BLED in sluwenien sein. åba krehmschniettnen gips siecha in wean aa, gölt pao lee?

sodala, i wer' hiatztn meine siebmtschwetschkn zsåmmklaubn und mietn mietzale nåch patanjon reitn. (niet aufm gaul, kuh, sundern miet unsriegen fordfusion).
i gfrei mi schon auf die kuhtelettz...
bleed (nit bled) ies lei, dass ma kaane bierlen dazuazipfl kånn, sunstn schnappt da iergendasoa greans mannkale wumöglich dei rosa popierle weck, nåachan håst die bischärung.
åba aans terf man falleicht schon. und da rest ies hålt münneralwåssa. mehra fiellaha gips dånn, wenn ma dahaam sein, beim staber.

jåjå de degenen weißn fegl, de amöben, des seind schon aane hund, hearst, wås de fier a gezwielle måchn tuamt... des ies die riechtige musiek fie meine uhrwascheln. derwegn wer' i näxte wochn aa amål zum adriatischn åbefåhrn. nåch tschaorle oda nåch tschesolo oda sunstwohin. oda triest odawåswaaßi.
hoffentlich kriag i ka amöbenruhr. åba basta tschuhta kriag i siecha.

pfiateich.

an scheenen guatn morgen und an wunderscheenen sunntåg!

äcktschn håmma heit ginua bei uns: erntedånkfest, patanjona gemeindewåndertåg (von da kreizn zum baua in bodn), rotary-fest in patanjon und grüllfest beim patanjona eishuckeiklub. då seimma einglådn und då gehn mia aa hien, ies am wenigstn ånstrengend. hihi. und am wohlschmeckendstn.
pfiateich bies auf d'nåcht und måchtzes guat.

fier die irmi daumendruck.

seas, griaßeich und an scheenen tåg!
wieda wolknlos, åba hålt a biessale friesch.

fibi, wennst es näxte mål in wåld gehst, muaßt so tuan wia da henselundgrätel: broatmunggalen straan, damiet dass du wieda hienta fiendest. hihi. und aufpassn, wennst bei an knuspahäuslan vurbeikummst, då drienn wohnt da herr obaförsta miet sein waldi und der schiaßt. gaxtamål schårf.

scheen ies, kålt ies, åba es soll würmer werdn. wernma sehgn. falleicht håt er recht, da urf.

jå, fibi, nurmal ies des bei mia niet. i geh nåchm tefau sunst ållaweil so uma zehne, hålba ölfe ins bett und tua noch lesn - bies mia die augn zufålln, åba gestern wår mei enttäuschung iebern vau-es-vau doch recht groß, de håb i miassn los werdn und håb mi derwegn im fiellaha-net noch amål gmöldet.

gehtzeichguat?
irmele, wia gehtz denn dir? i hoff, unsa daumendruckn hülft.

an guatn morgen und an scheenen tåg eich ålln!
mei tåg werd heit siecha scheen. mia möchtn an traumhåftn hierbesttåg auf da nockålmstråßn vabriengen, es mietzale, die sally und i. pfiateich bies auf d' nåcht.

21.09.2007 17:02:
seimma wieda då. åba niex nockålm, sondern mölltål - heilignbluat - apriach - winklern - iselsberg - oberdrauburg - greifenburg - kreuzberg - weißnsee - gitschtål - hermagor - windische höhe - haam. aus. (240 km)
weetta wår a traum, herrliche sicht.
gebüldlt håb i aa a biessale. falleicht wer' i mi aufraffn und a påår fote auf die hommpeitsch stelln. wernma sehgn.

auwehauweh, blauweißa ådla, håmt da heite die roatn riendviecha åba sauba die fliegelen gstutzt... (red bulls salzburg : VSV 5 : 1)
åba måcht niex, werd schon beessa werdn und da starkbaum wår eh suppa, sunstn warat es ergebnis zwaastellig gwesn.
so, i håb mi vom tefau vaåbschiedet, und hiatzt hau i mi in die kiestn, mein frust weckschlåfn. wenn geht. pfiateich bis murgn.

... des gips im gåsthaus kuhlatschnig, åba de håmt wegn uhrlaup gischlossen...
;)))

ahaaa --- seimma jå doch noch niet ausgstorbm. a påår zaasalan måchn mia noch im fiellaha-net. lei schweinsstölznen, bråtn, tschwetschknkneedl undsoweita gips erst wieda, wenn da kuh aus krawatien zruckkummt. hoffntliech iebersteht er ålle hei-attacknen und kwalln-ångrieffe...
als ålta speläologe (hihi, kånnst höllnfurscha aa sågn) ies er jå mehra miet grottnolm und flåttamäuslen vatraut als wia mit dem kfährliechn sålzwåssazeigs.
åba er wertz schon dapackn - lei die hårtn kummen durch.
chrischtele werd in da tierkei weniga brupläme håbm, weil de ies jå ka speläologin niet.

aa jå - damiet dass i niet vagiess: an guatn morgen und an scheenen tåg!

auweh, bei uns håtz an fådn - 1,5°
åba dafier ies wieda wolknlos, ies jå aa scheen.

scheen ies aa, dass dein hasle wieda bessa geht, fibi, siehgstes, håb da jå xågt "werd schon wieda".
dånkda, frounz, fier de tschoggelare, åba i håb sie niet aufmåchn können. wås waaß i, falleicht schpiennt mei petze wieda.
kuh pass auf, dass da niet beim fiaßwaakn a heifiesch die zeachnt ånknappat.
chrischtele ies auf uhrlaup in an tierkieschn plantschpeckn - hoffentlich gehtz ihrn guat?

irmi - i hålt da die daumen, mia denkn ån di und hoffn miet dir!!!

lei da årme schneck und i, mia huckn dahaam und mia håmt kan uhrlaup. zagglzimenntnoamål....
da wåldschneck kånn jå noch hoffn, åba iiiiiii.... - oda håst schon amål gheart, dass a åams ålts renntnamanndl uhrlaup håbm tuat? ha?

an scheenen tåg und måchtzes guat und bleibz xund.... :))))

19.09.2007 10:19:
auf unserm heutign murgnspaziergång håb i schnöll a påår büldlen gikniepst und de håb i gråd hiatztn auf unsa hommpeitsch gstöllt. wår eh schon zeit, dass es ålte glumpp ausakummt und wieda amål wås neichs zan sehgn ies. a wenn niet vül zum sehgn ies, weil: nebl, nebl, nebl.... ;)))