seas ållezsåmm.
solång se da niex weckschneidn im ope ies eeh klaas.

griaßeich und an scheenen tåg.
haaß werds werdn, au weh!
heite werst eppa wohl in schottateich in föderlach einehupfm, kuh? odaniet?
in stocknboi beim friedbert kerschbaumer (panflötnartist) gips aa an schwiemmingpuhl. wo man einehupfn könntet. de håbm durtn in unserm nåchbårgråbm dees wochnend a rockfestiwall.
a, wås soll i denn dazähln, schaugtz sölba eine auf www.woodstockenboi.com

so, då huck i vurm petzeh, da windelata blåst ma ins knack (wert murgn wohl steif sein, wenigstns eepes...) schwietze riennt, sally huckt auf meine haxnen und hächlt. da temparametta zaagt auf dreißg grad.
und wiaso des ållas? brauchat jå lei zum see fåhrn und eine hupfnen. oda in pöllana teich. naa, åba dahaam muaß er umahuckn und jammern. sölba schult.
a jâ.... griaßeich!

goottzwülln, wo soll denn des noch hinfiehrn? a so a hietznen, hearst. bei uns am berg in 1000 metta håtz 30°. und wenn da URF rächt håt, weerds murgn noch würmer.

18.07.2007 18:17:
ka wunda, dass siech sugår unsa herr låndesjörgi pflanznen låsst und miet dem hupfschrauber ins lesachtål rotirt, weil er maant, da påpst kummt nåch maria luggauu. hihi.
jåjå, die hietznen....

18.07.2007 18:19:
åba so haaß kånns går niet sein, dass i niet hiatztn wås zum jausnen brauch....
pfiateich bies båld, bleibtz xund des hund und passtz auf, dass des kaan hietzekoller niet kriagn tuabtz.

maaa, hund, heeh, håst wenigstns beim habern auf mi gedenkt? marüllnkneedl..... mmmmmhm, --- lebakaassemml .... mmhmm....
då soll i noch beim petzteh sietzn können? niet amål denkn. i geh aa wås jausnen.
pfiateich

jå kuh, spiennst? wås biest denn du nåacha fier a eestarreicha, dass du den hanse hintateicha oda vurdaseer oda umvakehrt niet kennen tuast? der wo niet går so a guata schifåhra wår (da ahsinga ahmin wår beessa), der åba dafier niet siengen und niet amål gscheit redn kånn weil er a påår schpeckchckneedl im håls steckn håt? der wo so scheen und so blond ies, dass ålle (fåst binåhe) weibaleit taamisch wernt, wenn se ihn sehgn? fråg lei amål dei lenale... werst sehgn, de wert sågn "da hanseeee ies a schtar!"

mei mietzale, die sally und i mia wårn heit aufm dobratsch. maaa, a traum, so scheen! vur lauta hietzn wår die siecht a biessale diesig, åba trotzdem herrlich.
åba hiatztn seimma wieda dådedå

17.07.2007 17:16:
>>> "i wer hiaza ins wossa gehn. weildurtn gips a a bier." <<<
aa wås saufst denn du fier a suppm, ha? oda wås ies denn des fier a tumpf?
i sauf fiellaha (håb åba niet so vül, dass i drien bådn kunnt) und i båd gachamål im pöllaner teich (åba den kånnst wieda niet saufn.)
ent oda weder. baades z'gleich geht bei uns niet. i maan , i wer' iebasiedln.

bei da hietzn kånnst niex ånziehgn, des stiemmt. åba ållahånd ausziahgn...

i geh hiatztn mei hungaluckn auffülln. falleicht gips friesche ertäpfl und butta. und a saware mielach dazua...

pfiateich und bleibtz sauba.

waaßt eh, wia da werbespruch geht: "raunz niet, sauf!"

16.07.2007 17:24:
heite ies sogår zu uns die hietzn aufagikrochn. 27,8° in 1000 metta seehöhe ies aa ka schaaß....

hai. mei neim ies ruflo.

tuabtz lei weitaschlåfn, ies noch fruah. åba i bien schon volle då, weil mia bisuch kriagt håbm tuamt. bessa xågt die sally. unsa nåchbår, da yukon ies fier aan tåg wieda då. seine leit måchn a scheene bergtuhr.
und i wer' hiatztn miet de zwaa hundling a runde måchn, bivur dass es wieda z'haaß werd.

jå, åba wås wüllst måchn, mir brauchen den turiesmus hålt aa.
lei a biessale aufpaassn miaßn mia schon, damiet dass uns des glumpp, da "fremdnvakehr", niet ållas hienmåcht.
a jedes scheene platzle werd vascherblt und vabaut.
da wertasee is so a beispül. probier du då als nurmala (seimma des noch?) mäntsch und kärntna bierga a plaatzle fiendn, wo du di hiensetzn und die scheenheit giniaßn kånnst. då wientsch i da vül glieck dazua.
lei grean und gegn ållas sein briengtz hålt aa niet.

rheinmarsch is guat, durchmarsch weniga, jungfräulichkeit valiern - häxte zeit. und so weita.
auf ålle fälle: des werd a sunntåg wia er im biachl steht. eich ålln an guatn morgen (heite niex murrgähn) und an wundascheenen tåg.
mia könnetn jå an draumarsch måchn. ies zwår niet da rhein, åba dafier ies se rein.

iebrigns: pao lee, gestern bin i durch dei haamat gfåhrn. pattagåssn låsst griaßn. mia seimma ieber kleinkirchheim, eb.reichenau auf die turrach gfåhrn, åbe ins steirische und ieber die flattnitz wieda haam.
die saureggn liegt noch iemma so hoch drobm, åba auf da turracha höh håt siech ållahånd getån.
scheen fiern turiesmus, åba niamma gånz mei bier. wenn i auf frieher denk, de herrlichn wånderungen aufn schoberriegl, iebern lattasteig, ...
åba de zeitn seind fier mi eh vurbei. falleicht späta wieda amål, wenn i's dalebn tua und wenn i settene eisnknia håbm wer' wia da kuhflattschnig. åba då muaßt hålt im hochgibierge wieda aufpassn, dass di niet da plietz dawiescht.

so, andale, i geh hiatztn niet zum gråbnwirt, sondern in die kuchl, då waaß i aa wås i kriag.
pfiateich bies murgn falleicht odawia.

jå ginau. so lång, bies es ungiheua kummt, nåacha werntze sölba gfressn.
ausa aana hebt es kiltkiettele auf, nåacha daschrickt des viech und haut åb, nåacha siehgt ma's wieda jåhrelång niamma.
a håst du gwusst, dass a so a årmes schottnzumpfale derårtige wierkungen håbn tutat?

jå, beim see, åba beim baikalsee. oda beim eriesee. oda beim loch ness und tuat häggis habern.
und i kumm häxtens zum fårchtnsee. oda zum vassacher see.

13.07.2007 17:17:
åba ies jå aa scheen durtn.

jåjå, paasst ållas. summa paasst, schweinsbråtn paasst, kneedl paasst undsoweita paasst.

13.07.2007 17:01:
aa bien i da so åbgången, dass d' mi glei dreimål ruafn tuast, ha? brauchst jå niet plärrn, bien eh schon då.