|
|
|
| Phoebe am 12.10.2011 09:32 (vua 5333 Tåg) |
grias eich!
@ruflo: des mit de bankn, wie weit muass ma sich do surgn mochn?? mei mama hot mi nämlich schon vurher völlig aufgeregt ongruafn und hot gmaant, se wert des göld obheben. i vasuach sie schon de gonze zeit zu beruhign, oba....hmmm....!?!?
mah, voll scheen australien. des tat ma aa gfolln amol. wenn lei des longe fliagn nit warat.....
|
| ruflo am 12.10.2011 06:28 (vua 5333 Tåg) |
seas pfeiferle, schlåf guat und traam wås scheens!
=========================================================
nå bravo - des ies a gschicht: 800 millionen valust bei da ...-bank, nåchdem sie erst vur kurzm a milliardnhülfe vom stååt (von uns) kassiert håbm. då werdn siech gråd noch aanige müllionen erfolgsprämie fiern vurstånd ausgehn. odawia. åndraseitz håb i mir vurgnummen, dass i då heriennen niamma ummameckern wüll: also ruflo håltz maul. wientsch gscheita ålln, de då noch eina schaugn
an guatn morgen und an nettn mittwoch! |
| smokedinpeace am 12.10.2011 05:13 (vua 5333 Tåg) |
@cooli streit a is dås dei dokta oda host di gstrittn mit ihm. so dos du ås nebn on worst? geht`s wohl guat,noch da schweren operation,konn jå sein dos der streit an vegetaria aus dir mocht,gråd heite homma sowås zum essn ghobt a spanisch tortilla,is a gonz guat zur åbwechelung,jeden tåg sunntåg is a nix,und jedesmol gwinnan is a nix.(oba heite hob i scheen gwuunan gnua fir an flochschirm.) ODER A PARAPLII
@ruflo es schon wieda di zeit wo i guate nocht sog,und zu eich villacher an guaten morgen grias eich miteinoder es pfeifere |
| coolati am 11.10.2011 12:16 (vua 5334 Tåg) |
oparazion gelungen, pazient läbt noch. wor nit sooooo schliemm de näht kummemn nextn freutog aussa.
11.10.2011 14:42:
hmmmmmmmmmh des wor wieda guat, de herrnpüze mit de nudln und rahmsoss.
hots lenale suuuuupa gmocht.
11.10.2011 15:27:
i wor nit beim streit, i wor beim laske glei danebn. der hot die schärfaren messa.
und i geh hiza fuassboll schaugn und sog eichGn8 bis murgn noacha |
| coolati am 11.10.2011 09:07 (vua 5334 Tåg) |
guatn morgn!
i muass heite zua an chirurgn gehn mir wert a so a schworza fleck aussagschnittn der so vadächtig ausschasschchaugt.i möld mi wieda wenn is ibalebt hob. so ca uma 12h. |
| ruflo am 11.10.2011 08:04 (vua 5334 Tåg) |
dir aa irmi, an wunderscheenen tåg und an intarisantn ausflug.
ålln då hariennen an guatn morgen
und an erfreulichen tåg.
unsa enkale fliagt heit' fier zwaa monat nåch australien. z'erscht als physiotherapeutische betreuerin bei da "crocodile trophy" und ånschliaßend als rucksåcktouristin kreuz und quer durch downunder bis nåch tasmanien. mir hoffn, dass es ihr guat geht und sie xunda wieda hienta kummt. guate reise, diandle und schaug auf di! schutzengale ies aufm weg und werd di bigleitn. |
| coolati am 10.10.2011 16:49 (vua 5335 Tåg) |
is bessa wia in da fruah, do hots lei so 6 gräda ghobt und hot gregnet a noch dazua. mir taugts so wia hiaza.
10.10.2011 17:28:
dedegn radfohra konn i a nit leidn, noch untn tretn, noch obn puckln
ds sen olle sog. möchtegern chefs! oba dos wern se nia wern,.
i geh mein oa..... aus rostn er is schon wieda gonz floch.
bis noacha wieda. da kuh...........lee
ka radlpforra! i terfs eh neama weil i kan fuiraschein mehr hob. hobn wohl, oba er is ungiltig.
10.10.2011 19:12:
bin wieda do. gjausnet und den oa...... obgrundet. wias sichs ghert.
10.10.2011 20:09:
so leitln i wer hiaza obhaun is eh nix los do im net. da ferseha is sicha sponnenda.
sewas und Gn8 da kuh.............lee bis murgn wieda. |
| ruflo am 10.10.2011 16:28 (vua 5335 Tåg) |
nåjå -von wegn wårm - es håt 7,2°. und die sunne scheint.
@Fibile, tuat mir laad, dass dei aufruaf niet mehr erfolg ghåbt håt, åba du håst schon recht: die leitln seind großnteils ignorantn.
i håb mir aa vurgnummen, dass i då nix mehr einaschreib, wås mir auf da sööl druckt und mi bilåstet. außer uns påår eifrige villachernettler, de då mehr oda weniga reglmäßig wås eina schreibm - wen intarissirt des schon? und man kånn jå aa von kierchtågssuppm, schweinsbraatl und rieppelen guat läben.
"za wås soll des guat sein?". da ehemålige bundeskånzler håt in dem fåll recht ghåbt, wenn er xågg håt "hände falten - goschen halten!". man kånn aa sågn: "wia gott wüll, i hålt stüll"
ignoranz, duckmausertum, radlfåhramentalität (nåch obm duckn und nåch untn tretn) und vawåndte gesinnungen seind bei uns leida weit vabreitet. "wås geht des mi ån. de då obm wern's (sich) schon riechtn" und dass de des ålles so guat können, de då drobm, siehgt man jå hiatzt bei de unschuldsvamuhtetn skandale.
i bin sowås von ångfressn, dass i dir des går niet sågn kånn. i maan, a treffendes sprichwurt is då aa "lei die dümmstn kälber wähln ihre schlåchter selber!"
also scheen brav sein und maul håltn. es nutzt eh åls nix:
"ihr da OHM macht WATT ihr VOLT!" haaßt da ilektrikaspruch bei unsre nördlichn nåchbårn, denen gehtz ånscheinend gleich wia uns. und kaana regt siech auf. und kaana håt a kurasche und haut aufn tiesch. tuat jå lei weh da eigenen faust, wenn ma fest ginua zuadriescht. und den tiesch schert des an dreck. "wås kümmert's die eiche, wenn a hund zuawebrunzt?"
|
| Phoebe am 10.10.2011 13:36 (vua 5335 Tåg) |
grias eich on em koltn grauen tog!
hob schon wieda am wochnend nix einaschreiben kennen. is schon wieda mit da menüleistn wos gwesn. kaa ohnung, warum des imma wieda mol is. und so wie es kummt, gehts aa wieda. sehr, sehr söltsom!
bitte, ich bin so sauer auf die menschheit. sovül ignoranz hob i schon long neama erlebt. ihr wissts jo von dem link, den i do eingschriebn hob "Zeit für Menschlichkeit". des sölbe hob i aa im facebook gmoch und heite bei uns in da orbeit. i bin echt entteischt, wie wenige eigentlich unterschreibn. i hob echt gidocht, do werdn voll vül untaschriftn zommenkummen, weil es echt um wos geht, wos an jedn ongeht und jeder irgendwonn mol brauchn konn. oba na, vüle sogn, des is ma wurscht, i bin eh xund, oda i hob jo kaan in an pflegeheim oda kronknhaus, oda anfoch nur es intressiert mi nit.
stimmt schon, es is nit so wirklich guat vamorktet wurdn, oba wenn sich a jeda a bissle interessiert und lei de seitn durchliest und de videos onschaugt, e auf der seitn send, donn is glaab i a jeda im bilde und waß gonz genau, worums geht und wos gmaant is.
drum mei meinung zum großteil der leit: IGNORATEN!
so, des honi ma hitzand ausredn miassn :)
eich ibrigens danke firs untaschreiben!!! und dickes BUSSALE! |
|
|
|
|
