|
|
|
| wastale am 30.07.2018 08:33 (vua 2307 Tåg) |
@ pfeiferle siehgst schau geht jå wohl ! Du muaßt nur deine pic auf dropbox uploadn, dånn mit da rechtn Maustastn draufklickn, dånn Bildadresse kopieren und schon geht dås mitn einfügen im VN  30.07.2018 09:12: A so a Glumpat a blödes ! I håb dås am PC gmåcht, håt supa funktioniert !!! Bildle wår då, scheinbår ålls Ok. Oba wia i hiatz am Tablet gschaut håb, wår es wiede weck, a so a Dreck. Tuat mi åba wohl harbn ! Tuat ma lad pfeiferle. I waß nur nit warum die Giraffe, dö i dås letzte Mål einagstellt håb, wohl noch då is ??? |
| wastale am 29.07.2018 10:59 (vua 2308 Tåg) |
Griaß Gott ålle miteinånda !
Huuuuh pfeiferle bist gånz allan då ?
Dås is åba ka Gschtöll !
Dos mit de pic is leida nit gonz anfoch, weil du a URL brauchst und damit du dö kriagst muaßt dei Bildle erst amol ins Internet uploadn.
Und dos is leida a bisl nervig !!!
Unsa Urlaub in Istrien wår gonz supa, do hot wirklich ålls gepasst.
Håbt's wohl Ålle den schönen Mond gsehgn, so a Konstellation mit'm Mars kummt ångeblich erst in 105 000 Jåhr wieda !!!
Nit zan glabn, ha ?
I wünsch in Ålle umatum
von Wien bis nåch Canadium
an schönen Tåg, a guates Wetta
Und an zwa Bierlan für die Löta
An Aperol gschpritzt für die Damen
Amen !
|
| wastale am 16.07.2018 18:24 (vua 2321 Tåg) |
@ fibi
Dånkschean !
Hiatz muaß i dås anfåch amål sågn:
Bist wohl so a tåpfers Råwasle wal da ållewal wås einaschreibst !
Is nit so selbstvarständlich in da heitign Zeit.
I hån jedesmål a Freid, wånn i wås lies von dir !
Da Monte is vorbei und dö påår Tåg bis zan Freite sollt'nt a lustig sein !
In ålle Åndarn då herinn wüsch i a, a scheane Wochn
s wastale |
| wastale am 12.07.2018 13:31 (vua 2325 Tåg) |
Gratuliere pfeiferle !!! Immerhin håst du es gschåfft då herinn' wås zum Schreibn ! Gfreit mi ! Is nit gånz so anfåch mitn 10a Weil dås tuat oftamål anfåch irgendwås, dås ma går nit will ! Vor åll'm mit dö Bildlan. Schean Pfingste noch ! 12.07.2018 18:22: |
| wastale am 11.07.2018 08:17 (vua 2326 Tåg) |
Griaß eich !
Wal heint Regntåg is, bei uns då.
Regn, Regn tropfatzn
die Buabnan muaß ma tschopfatzn,
die Dirndlan kriagn't die Ruatn
die Buaman kriagnt die Turtn !
Übrigens aus :
Himbeerblätter, Kamille, Erdbeerblätter, Qendel (wilder Thymian),
Lindenblüten, Schafgarbe, Tausendguldenkkraut, Taubennessel,
Spitzwegerich, Johanniskraut, Königskerze und Hollunderblüten
(dås wåxt ålls im Wåld und auf da Wiesn)
A bisl Eibisch g'hört a dazua.
Und Honig und Zitrone a !
Kånn ma an gånz an guatn Tee måchn.
Der hülft gegen fåst Ålls im Winta.
I glab sogår gegn schlechte Laune a !
In Ålle an schönan Mittwoch und a fröhliche Wochn
s' wastale
|
| wastale am 04.07.2018 06:04 (vua 2333 Tåg) |
Guatn Morgn
Jå håt a bisale gschpunan, haitz geht wieda.
@ znix:
Peter Rosegger håb i schon als Kind gern glesn.
"Als ich noch ein Waldbauernbub war"
Wås dås Dirndle ånbelångt fållt ma ein:
"Wer lång frågt geht lång irr", sågn't se ba uns då.
Außerdem glab i, dåß ma bei vielen Situationen besser sei Herz frågt oder nåch dem Bauchgefühl geht.
Gråd' in da heitign Zeit, wo imma irgendwo so a Psychofritze sitzt, der dir sågt, wås richtig und wås fålsch is.
Bis Ålle gleichgschåltn send und Ålle den gleichn Sch... red'nt
Nix für unguat !
Und nit vargessn
Immer schön fröhlich bleibn !!!
s wastale
|
| wastale am 02.07.2018 07:19 (vua 2335 Tåg) |
Guatn Morgn !
Dås is åba wohl Gemein !
Hiatz tua i mi schon seit Wochn mit mein Hüftspeck umaplågn
Geh i schwimman, måch i Ginastik, und tua fest umatscherfln im Berg drinn!
Såg i heint zu meina Prinzessin:
Gell hiatz schau i åba wohl aus wia a Griechischer Gott ?
Såg sie:
Jå fralle, lei da Buddha is ka griechischer Gott !
fibi: wie wår's Wochenend?
pfeiferle: pass auf, dåß da nit darschwitzt !
martin: alles Gute nach Voradlberg
znix: imma schön fröhlich bleibn !
A schöne Wochn noch
s Wastale
|
| wastale am 29.06.2018 17:32 (vua 2338 Tåg) |
Griaß eich !
In Zell- Pfarre, dås is hinta Ferlach drinn
werd ana Frau dö Eckbånk hin.
Sie sågt zan Ernst - dås is ihr Bua
hiatz håb i åba richtig gnua.
Mir werma gschwind auf Ferlach lafn
und durt a naie Eckbånk kafn.
Dem Ernst, dem wår dås åba z'weit,
drum sågt er : " i hån haint kan Zait."
Den Bruada Sepp tuat sie dånn frågn,
doch den tuat schiach dö Költn plågn.
I hån kan Kåppn, es is saukålt
und wait auf Ferlach durch dås Wåld.
Måcht nix, mant dånn die Muatta drauf,
setz hålt vom Ernst dås Kåppn auf.
So send se dånn nåch Ferlach eine,
Då wårn't se dånn drinn um hålba neine.
Durt auf an Gschäft tuat Volksbank stehn,
då müaßn't sö gschwind einigehn.
Wo's Volksbänk gibt, dö wern't nit liagn,
wer ma bestimmt a, a Eckbånk kriagn.
So gehn't sö in die Bank dånn eine
in Ferlach drinn um holba neine.
Durt drinnan red't sie sodånn
den Bankkbeåmt'n freindlich ån.
A naies Eckbånk warat recht,
dås i bai ihnen kafn mecht.
"Ist das ihr Ernst" - frågt er die Frau,
Naa naa sågt sie, i waß genau:
"Dås is da Sepp" mant sie noch drauf,
hot lai vom Ernst dås Kåppn auf !
Schönes Wochenend in Ålle !
s wastale
|
| wastale am 28.06.2018 09:13 (vua 2339 Tåg) |
Grüß Tag
Jå uhh schaug amål ån, die fibi is unta die Dichta gångan !
Bravo, dås gfållt ma !
Bei uns is dås Wetta a nix bessa😨
Und dabei warat heint Vollmond !
Nix is mit'n Mondspaziergång.
Oba dafür woxnt die Schwammlan wia daTeifl .
Is a fir wås nutz.
Oba wånn i aufdenk, dåß gestarn da Siebenschläfertåg wår und dås Wetta hiatz 7 Wochn so bleibn soll.......... ha ?
Trotzdem an schean Pfingste in Ålle !
s' wastale |
| wastale am 18.06.2018 08:22 (vua 2349 Tåg) |
Guatn Morgn !
Hiatz is sie wieda ångebrochn
a niglnåglneie Woch'n.
Sie soll vor ållen åndern Dingen
Gesundheit, Glick und Freid eich bringen !
s Wastale
|
| Wastale am 13.06.2018 14:10 (vua 2354 Tåg) |
Griaß eich !
Summa is, saure Gurkn Zeit
Zan Schreibn håm's ka Lust dö Leit
Deswegn, so håb i's im Gfühl
Is då herinnen a gånz still.
Da znix geht auf da Ålm umma,
dem martin gfållt da Kärntna Summa.
Dem pfeiferle, dem plågt sei Gicht,
Und von da fibi, hör ma går nix nicht !!!
Und mir fållt a nix Gscheites ein
Drum låss i heit dås Dichtn sein.
I wünsch in Ålle ausgesprochn
A wundascheane Summawochn
s Wastale |
| Wastale am 04.06.2018 20:48 (vua 2363 Tåg) |
Griaß eich !
Da Pfeiferle håt wohl recht,
klan is unsa Landle schon.
Åba:
Da Herrgott håt glåcht,
wia er dås Landle håt gmåcht.
Klein aber fein
Oda wia da Pfeiferle sågn tat
Small is beautiful
Oda wia da Lateina sågt
PARVE PULCHRUM EST
Und wås mir ålls håbn !!!
Schwårzbar, Grantn, Ålmrausch,
blauen Himml Wolknbausch.
Königskerzn, Enzian,
Dome, Kirchn, Martalan.
Eiaschwammlan, Kirchtågsuppn,
Xångsvarein und Trochtngruppn.
Tamtegl ins Glås getån,
då werd da Zirbnschnåps davon.
Glundnan Kas, Luftgselchtn Speck,
an guatn Most, da Durscht is weck.
Und heifte Schnee in Wintazeitn
zum Schifåhrn üba die stale Leitn.
Groaße Seen und klane Teich
den höchsten Berg von Österreich.
Bachlan Flüsse
04.06.2018 21:03:
Bachlan, Flüsse Wåssafåll,
Da sege rauscht vom Berg ins Tål.
An Herzogstuhl und groaße Felda
greane Wiesn, scheane Wälda.
Prongan geahn mit Jungfernkrånz
Blåsmusik und Polkatånz.
Kasnudl und Reingalan
Grantnschleck zan drübaschtran.
Schlösser Burgen ållgemein
mit ihrem Ånblick uns erfreun.
In Klågnfurt da Lindwurm is,
der håt a schaudabåres Gfries
In Villach måchn's Chips hauchdünn,
dö send dånn im Computa drinn.
Es gabat noch so viel zan sågn,
doch will i eich nit länga plågn.
Zan End kimmt mir noch ans in Sinn
Dås i gånz gern a Kärntna bin
A scheane Wochn in Ålle
s Wastale |
|
|
|
|
