@ pfeiferle
Oba geh, tua di nit selba åbemåchn !
Is gånz anfåch:
"Geld regiert die Welt"

Liabe Grüsse in Ålle und a scheane Wochn

s  wastale

 @ znix
Huch, då bin i åba går nit deina Meinung !
Richtig soll haßn: zuständig wäre die Politik !
Kånn sie åba nit, weil sie sich in da Geislhåft von a påår % Globalplayers befindet !
Und dås mit'm Nåchdenkn is a so a Gschicht....
Då kimmt gånz drauf ån wer, üba wås und vor åll'm wia laut nåchdenkt.
Weil wånn da dem System znachna kimmst nåcha kånn dås åba sehr, sehr ungsund wern !!!

I wer åba außn Vn bestimmt ka Poltikforum måchn, åba dås håb i sågn müaßn.

In Ålle a scheans Wochenend
Und imma schön fröhlich bleiben!

 @ z nix

A und is dås hiatz nåcha guat oda schlecht ?
Wal i kenn mi då nit so recht aus !
Is nit Kuba a a Republik ?
Und muaß ma nit in ana Repulik die Stimm åbgebn ? ( Dås Recht geht vom Volk aus......... am Wåhltåg)
Dås will i åba a nit, weil dås kenn i schon und nåcha håb i jå går nix meh zan sågn.
Mir håm'se imma gsågt so a "mir sein mir" denkn is schlecht !!!
Åba als Europäer warat dås dånn wieda guat. Wia hiatz ?

                                @ fibi
           
                             

         🌻 Åll's Guate zan Geburtståg 🌻

An Geburtståg ohne Schmerzen,
den wünsch i dir von gånzen Herzen.
A, dåß du imma glücklich bist
und auf dås VN nit vargisst.
Åll's wås du planst soll dir gelingen,
es soll dir Glick und Freid a bringen.
Tua recht schean feiarn, trinkn, essn
und a auf's tånzn nit vargess'n !
So wia da Sunntåg heint voll Sonnenschein,
Soll's imma in dein Leb'n sein !!!

 Griaß eich !

Jo uhhh wia kånn den dås sein ?
So a scheans Wetta und die Wiena und die Graza gfriernt fåst ein ?

Jå und z nix wia gibt's den dås ?
270.000 !!! -  in Worten zwahundartsiebzigtausend Einwohner håt Graz !
Und då waratat nit Ana(e) dabei der 
(dö) mit dirTennis spieln tatat ?  Ha ???
Is jå nit zan glabn !

@ Martin und Barbara
I glab die kurze Hosn kennt's einpåckn, wal die Nächt wern'd imma länga.

@ fibi
A guata Schnåps zur rechtn Zeit, hatzt ein und sorgt für Heiterkeit !

@ pfeiferle
I hoff' du bist wohl xund!
Bist a weane seltsåm momentan !?
Gestarn wår i Wiesnmårkt !
Håb går nit gwißt, dåß so viel Leit gibt auf da Welt !

@ eisnbeisa
Håb i lång gibraucht zan übasetzn !
A "pfatsch" haßt niesen ?
( dås geht eh noch)
åba, dåß "tutschn" schlåfn haßt, hån i nit gwißt.
Dås åba oftamål wer zwögn's dö blåbn Kigalan, oda so wås Ähnlichem siaß werd, 
kånni mir vurstelln.
Und dås in oft Ana da  Gauna lieaba is wia der Polizist a !
Wås åba die Kern ånbilångt..... mit dem kånn i går nix ånfångan.
Manst du, die Kern, oda den Kern ?
Bei  " die Kern" fålln mir die Kernbuamn ein!
Åba für dö bist du noch z'jung.
Und bei dem "Kern" fållt mir Kettenreaktion und Krümml ein !
I was nit du bringst mi gånz durcheinånda !

I hoff' es nimmt dås kana Ernst,
weil du im Lauf ds Lebens lernst,
wås auf da Welt so umhergeht,
jå sowieso ka Mensch versteht !

s wastale

 Guatn Morgn

@ eisnbeisa
Hiatz håst mi åba in Varlegnheit gebråcht !
Üba dås kollektive oda individuelle Denk'n von dö Schlehdornkigalan hob i noch går nia nåchgidenkt.
Dö årman Hund dö. I reiß se anfåch zomb'n Stängl von da Staudn åba.
A manst send se deswögn so hantig?
Oba warum send den nåcha die Kirschn nit hantig?
Vielleicht gfriert sönan åba ban 1. Frost dås Hirn ein und sö vargessn zum Hantigsein?
I kenn mi går nemma aus!
Tåtsåche  is, wonn se aus da Trugn kömmant send se ginau so unhantig wia nåch'n 1. Frost.
I glab sö gfreint sich nåch da Kält'n anfåch aufn Schnåps.

An schean Sunnti

 Guatn Morgn

Hiatz muaß i, (bivor i auf'n  Wiesnmorkt geh) noch gschwind wås sågn.

@ eisnbeisa:
So glåcht håb i schon lång neamma !
Dås gfållt mir wia du schreibst !!!
Du bist richte wåhr a wåschechte Kärntnarin. A bist du aus'm Gailtål oda Mölltål?

Zu deina Fråg:
Jå bei uns då håt's vurgestarn minus 1Grad g'håbt, is oba nit so wichtig, weil i tua die Schlehdorn 
üba die Nåcht in die Tiefkühltrugn.
Und wonn ihr zwa Wiena - "Kärntnadirndlan" schean brav seibs schick i eich zan Nigalå a Flaschle zan kostn.

Dås mit die Bildlan einfügn funzt leida neamma do herinn.
I glab da Chef då kümmert sich neamma går so viel um die Seitn.

@ fibi: Krone auf dei Haupt, wal du die eisnbeisa mitgebråcht håst !!!

So und hiatz geh i mit meina Prinzessin Wiesnmårktumzug schaugn, a Bråtwurscht schnabln und an "Pfiff" Bier trinkn.

Pfüat eich dawal

 Jå uhhh nåre, schaug amål on !!!
Is jå fåst so wia Weinachtn un Oastarn gleichzeitig.
Es gfreit mi åba richte wår, dåß wieda "Ålle" då send !

In pfeiferle und seina Erika an schean Hochzeitståg ohne Rossschwånz und ohne Orkan !  (åba a leichtes Frühlingslüfterl auf'd Nåcht  kånn nit schådn)
In da fibi an wårman Janga, oba an lången damit nix obgfriert !!!  (Jagatee hülft a)
In da eisnbeisa, dås ihr die Zeit nit davonlaft ...(I bin aus St. Veit oba Wölfnitz kenn i a gånz guat. A bist nåch da Schul immaramål furtgångan a ?)
In Martin und seina Barbara viel Xundheit und Kråft !
Und last but not least in z nix, den Boris Becker oder Ähnliches 

Bei uns då is sooo a scheans Wetta und so wår i heint Schlehdornkigalan klaubn. Mit dö måch i an Likör an guat'n.
Bis zum Krampustog is er nåcha firte.

Und zan End

Sei wia sei
stirbt's Ross, bleibt's Hei

A scheans Wochnend in Ålle !

s wastale

 Griaß di eisnbeissa(rin)

Wonn die fibi mit ana Turtn kömman is...... nihm i ån.....
Also: 
Ålls Guate zan Geburtståg, hintn nåch !!!

I bin jå lei da Neie, åba trotzdem gfreit mi, dåß du nåch 6 Jåhr wieda amål do einaschaugst.
Is a bisale so als wonn die Sunn aufgehn tat.
Går so viel send jå niama, dö då schreibnt.
Irgenwie schåd'
Vielleicht schaust hiatz wieda öfta amål vorbei.
Tatat mi gfrein!

 Wollte jemand vor 1961, mit der Tramway in Klagenfurt , von Annabichl zum Bahnhof, mußte er-sie am Heiligengeistplatz umsteigen.
Dås Gedichtle von Wilhelm Rudnigger ståmmt aus der Zeit danåch.

Da Plentnbauer mit viel Gschnauf
steigt auf sein åltn Esl auf.

Dås er's darpåckt es eh a Glick
an zweitn Esl, håt er am Strick.

Dås is in Annabichl gwesn,
i bin beim "Blumanstöckl" gsessn,
siehg dås, laf hin und tua den Baua frågn,
warum loßt di den vom Esl trågn ?

Er gibt zur Åntwort: "Waß jå eh !
Ka Tramway mehr ! Und bei dem Schnee
wer i nit z'Fuaß zan Båhnhof wåndarn
I bin hålt g'scheida wia di Åndarn.

Den brauch i åba nit bedauern,
denk i - und såg zan Plentnbauarn:
" No tuast hålt mit'm Esl reitn !
Åba såg:  zu wås brauchst du den Zweit'n ?"

D'rauf sågt er: "Fråg nit går so tumm,
am Heiligengeistplåtz steig i um !"

Liebe Grüße in Ålle

@ pfeiferle
never give up
gach werd die fibi schon wieda einaschaugn, werst sehgn!




22.09.2018 19:47:
 @ pfeiferle

I måch mir wiklich Sorgn um di !!!
Hoffentlich is dir bei dem Sturm nix passiert ?
I pray for you

 Grüß Tag

17.09.2018 17:07:
 Wånn zan båd'n z'kålt werd,
man kan Vogl im Wåld heart,
die Lärchn sich in's gelbe vafärbn,
die Strangalan und a dö Buschbohnan sterbn,

wånn die Weintraubn reif send
und die Kinda zur Schul gehnd,
die Felda gånz laar und dö Spinnwebn fliagn
dö Äpf'l am Bam rote Wangalan kriagn,

wonn aus is mit Blitz und Donnargrolln
die Köstn vom Åst auf die Er'n åbefålln

Wånn Wiesnmårkt is - und er is dir einerlei,
dånn waßt gånz genau:

Hiatz is da Summa vorbei !

Liebe Grüße in Ålle

s'wastale  

 Bravo znix !!!
Gfollt mir !

 Griaß eich !

24.08.2018 19:09:
 Viel Spass fibi !!!

24.08.2018 19:42:
 Und weil heia so a haßa Summa wår is mir folgender Blödsinn eingfålln:

Im Summa bei da groaßn Hitz'n,
kimmt  a Hochwürden leicht ins Schwitzn.

Und auf an Tåg, an richtig haßn,
då denkt da Pfårra: "Heint tat passn"

I geh in Wåld zum klanan Teich,
der is für mi dås Himmlreich.

Durt is er dånn, mit viel bedåcht, 
in's Wåssa, so wie Gott eahm gmåcht.

Lei auf'n Kopf håt er sein Huat,
der vor da Hitz eahm schützn tuat.

Nåch ana Wal steigt als a nåssa
da Pfårra aussa aus'm Wåssa.

Er steht dånn då auf seina Deckn
und tuat sich gach gånz schiach daschreckn.

Er håt wås raschln ghert und tuat,
sei Glump varsteckn mit'm Huat.

Drei Dirndlan kömmant hiatz daher
dö håmb noch weniger ån als er.

Schaun't auf sein Huat in Gottes Nåman
Hochwürden tuat sich richtig schåman.

Tuat schnell die Händ'  vor sein Gesicht
Und siehe da:

Der Hut fiel nicht !!!

Liebe Grüße in Ålle

s wastale

 @ pfeiferle
Då könntast schon recht håbn.
Wås du noch ålls waßt !!!

 Griaß eich

Wonn ma auf so an haßn Tåg, bei an klan See, (wo kane Leit send) unta an Bam liegt, oda a bisale schwimmt,
hört ma fåst auf zan lebn und fångt ån zan sein !

An schean Summa in Ålle