DANKE eich olln fir die liabn Glickwinsch!
I winschat ma, dass' ma nie schlechta geht als wia jetzt, donn tatet schon passn. Jo, und dass IHR ma olle gsund und munta bleibts!

I geh jetzt donn a bissale faian, den Versionsupdate auf 4.0.
Schaun, wia's ma murgn noch'm Reboot geht Hehe. Imma de Ei Ti la.

Pfiatenk, bleibts xund!
enka Wuhte

Von mir und meina bessaren Hölfte natirlich a des olla Beste zum Feste! Weast noch an draufmochn gehn oda lei mehr gmiatlich mit deim Lenale? Wie a imma, mochs guat, häftig oba nit z'oft! :-)

Olles liabe, mei Wödmasta!
da Wuhte

Wie geht's enk olle zoman, ha? Tuabts mi lei schimpfn, dass i so long mi niama gmöldet hob. Oba, eh scho wissn, da Tåg håt holt lei 24 Stund und deswegn muaß i in da Nåcht a noch gach amål schäpfn. Ka Schaß, seit ende Oktoba gehts rund bei mia dass ma niama wuascht is. Hob valauta gemma-gemma vagessn, dass mei Autole mit die Summaigl auf Schnee goa nit so guat kånn, deswegn håb i imma noch kane Wintarafn, weil ausvakaft. Jetzt tingl i hålt mit die Öffi umma, wås in Wean jå eh ka Problem is - und schont die Umwölt plus die Nervn. Natialich wennst nit gråd 2 Stund in da U4 im Tunnöl stehst :-) Då hätts mi eh um a Hoa dawischt... warat i umgstiegn, so wie i eigentlich wollt, warat i genau in dem Zug gsessn. Oba i håb eh imma glick, deswegn is ma des a nit passiat.
Lei ans is deppat, am Wochnend warat i gern in mei Heisl gfoan, oba des konn i ma mit Summarafn glei obschminkn. Aussekumman tat i wohl, oba aus mein Parkplotz durt vurm Haus sihalih nie wieda weg!
Also, mia reichts jetz mit da weißn Pråcht a schon wieda. Aus. Schluss. Ende. Da Frihling und da Summa solln wieda her!

Ha. Heit is da erste Obnd seit longam, wo i amol nix hackl! Jetz wer i ma unsare Ö ES VAU Mädalan und Burman onschaugn, ob se wohl am schnöllstn in Higl obe brettan. Bin gsponnt, bis zu wölcha Startnumma i durchholt, bevur i wegpfeiff. Zzzzzzzz. (fongt schon on :)

Mochts as guat (oba nit z'oft!)
enka Wuhte

Rudi, muaßt ka Müllionär sein. Die Wochn kostet, mit Flug, Vollpension und olles tutto-kompletti ca. 1.500,- - also nit dass ana glabt, i het an Göldscheißa :)

Ahoi!!
Bin wieda zruck, håt eich da Ruflo eh schon gsågt.
Noch imma a bissale ångschlågn, åba des weat schon wieda. Långsåm åba siha heat die Låndschåft rund um mi auf, hin und her zum wåckln, meine Uhrwaschln låssn wieda a bissl ane Geräusche durch und die restlichn 15 Lita Sålzwåssa wean a noch aus'm Plutza rinnan. Fest traurig bin i hålt, weil's schon vurbei is. Woa echt a Traum - a Wochn am Schiff, 18 Tauchgäng' zu Wracks und die schenstn Korallngärten, de ma sich vurstölln kånn. Des is anfåch a Wahnsinn, wennst die mit da Strömung quer durch a Aquarium treibn låssest - vurbei bei Papageien-, Doktor-, Lipp-, Kugel-, Napoleon-, ... -fisch, Muränen, Mantas, Delfinen, wundaschene Korallen und olles, wås ma sunst nur von "Universum" kennt.
Die Tåge woan echt supa. Um 6e aufstehn, Tauchn, Frühstück, Åbhängen, Tauchn, Mittågessn, Åbhängen, Tauchn, Jausnen, Åbhängen, Tauchn, Åbndessn, Åbhängen, Schlåfn. Und am nächstn Tåg: wieda des sölbe.
Und des woa des Schiffanakl, auf dem i de Wochn woa: http://www.seawolf-safari.com/de/my-seawolf-soul.html

Jetzt muaß i leida meine Mails von da Firma durchgehn... wääää... schiach... oba es hüft nix.
I winsch eich olles liabe! Nächste Wochn werd i leida nit dabei sein kennan, des in Amstadam kånn i nit åbsågn, is leida wichtig :-(( I wea oba fest on eich denkn!

Pfiatenk!
da Wuhte

Griaßeich Leitln!
Ma, brauch eich eh nix dazöhln, geht wieda mål rund bei mia. Oba geht ma guat, bin xund und sozialvasichat. Wås wüll ma mehr?

Asowåsbledes heast - am 2. Oktoba wea i nit kennan. Då muaß i nåch Amschtadam zu an Termin... nit hez on a Kaffeschop denkn, jå... in da Fiama! Unsa Europazentrale is durt (deswegn samma jå ålle so lustig). Vüleicht kånn i mi iagendwia noch davur druckn, schau ma amål.

Åba die Wochn davur bin i in Kerntn, bei unsare Heiländ-Geims! I håb eich eh gråd a Einlådung gschickt. Wer kane kriagt håt: www.dieschotten.com - då steht olles!
Warat schen, wenn a poa von eich an Sprung vabei schaugatn bei uns olte Kittlbrunza, tat mi total gfrein!

I knotz mi jetz auf die Kautsch und wea an klanen Fuaßbållschlåf einlegn

t nåcht, måchtsas guat!
_{liacht aus}

salute meine liabn leit!
nana, ka ångst, i hon scho nit vagessn auf eich, oba es is so, wie da ruflo sågt, a murds stress. oba nit dass i jamman tat, es is holt so, håb i ma a sölba so ausgsuacht. mia homma in da firma aniges umgstöllt (olles, außa di mebl) und i bin jetz fir wås åndares zuaständig. haßt oba: zruck zum start und olles neich! des håt den vurteil, dass ma nit långweilig weat. wås tat i denn a tuan mit stundnlånga freizeit? dånn hett i zeit zum ummaraunzn und des wa a a schaß :)
oba sunst gehts ma supa! gsund bin i und mei bessare hölfte, und des is di hauptsåch! und in a poa jahlen geh i eh in pension (de 40 joa oda so sitz i auf ana oaschbåckn ob)!
eich gehts a guat - waß i olles, i schaug wohl imma wieda an sprung vabei, håb oba oft nit den kopf, wås zum schreibn (nåch 400 mails, 15 besprechungen und 3 vuaträg am tåg gehts lei mehr bzzzzzz in meina birn) - oba i wea schon wieda mehr zeit håm, so båld i in meina neichn funzion a bissale fita bin. oda måch i dånn scho wieda wås åndas? wer waß?

sodale. jetzt kummt glab i a regn daher. eh recht, woa eh schon olls so trockn

pfiatenk und hålz die uhrwaschl steif!
da wuhte

Schnecki - da Computa oabeitet mit vaschiedn große Zåhln. Fia Zåhln ohne Kommastölln (Ganze Zahlen) vawendet ma "Integer" Zåhln. Und då gibts a vaschiedane: Short, Long, Double, undsoweita. I håb on ana Stöll "Short" vawendat und de geht lei bis 32767, dånn is aus. Und beim 32768. Einträg håts gspunnan. Jetzt håb i durt auf "Long" umgstöllt und des geht bis iba 2 Milliardn.
Compri?
de.wikipedia.org/wiki/Integer_%28Datentyp%29

håb schon gfundn, den bock! solltat wieda olles gehn!
folls nit, bittschen möldn!
(des kummt davon, dass ihr so vül do einaschreibtz! då håt a intetscha-wert niama getån, der is bei 32767 aus! jetzt gehts bis 2147483647, des reicht a weil!)
WEITA SO!

DÅNKSCHEEN
eich liabn Leit fir die vüln Glickwinsche!!
Bledaweis is gråd heit bei mir wieda mål da volle oabeitsstress ausgebrochn, deswegn håb i mi no nit fria möldn kennan. Oba wås solls, meine Kundn kennan hålt kan ånstånd und nehman ibahaupst ka richsicht auf mein buaztåg. Sauarei, heast!
Oba jetzt muaß i eh zaus und mit'm Hund amål a runde gehn, des braucht da Hund und a da Wuhte. Feian tua i so wie jedes joa, nämlich nix. Näxtes joa måch i vielleicht wås greßares, weil is jå a Runda, oba woascheinlich nit im Jänna sondan 6 Monat späta... weil då is summa, die Sun scheint bis am Åbnd und man kånn Grülln und im Freien tschechan - is jå vüüül gscheita! Då låd i eich noachan eh olle ein... es weat hålt woascheinlich in Wien sein, oba des is jå a nit aus da Wölt!
Pfiateich und noch an schenen Åbnd!
da Wuhte

woa, pfeifale, des schaut oba lecka aus!
måchst ma bittschen an hocka saschimi?
mmmmmmmmmm...

"wenn die KACler besser seind, nåachan solln se aa gwiennen"

ruflo, des sieg i sunst a so,
oba nit beim DARBY!

då is ma wuascht wer gwinnt, oba hauptsåch da VSV!

Sodawassa, die Sosn fias Fodü san featig, jetz geh i mi noch sauba måchn, weil so kånn i nit ins neie Joa ummesiffln...

Eich ålln an guatn Rutsch, passts auf enk auf, seids a amål a bissl brav und vur ållm, bleibts xund - i mecht eich näxte Sülwesta a wieda ålle då håm!

da Wuhte