|
|
|
| ruflo am 08.04.2013 09:35 (vua 4251 Tåg) |
so, und wo is die vasprochane sunn? ha? des luada vasteckt siech iemma noch und waaß noch ållaweil niet, dass seit mehr als 14 tåg friehling sein sollet. oda kummt schon da näxte wienta? warat jå aa meegliech. und ållas lei zwengs der sugenånntn "glimmer-erwärmung"
i wientsch eich trotzdem an guatn morgen, an scheenen tåg und a erfreilieche wochn. |
| ruflo am 07.04.2013 09:33 (vua 4252 Tåg) |
wientsch eich an guatn morgen und an scheenen sunntåg.
jå kuhle, sågg man niet umsunst "unsa herrgott håt hålt vaschiedene kostgänga".
i håb wohl noch a åndare mehlpocks, is fier mi niet so schlimm. und mein petzeh håb i safurt auf wieren und wiermer und drohjaner und ruhtkitts und sunstiges krafl von mein wirrenprogramm untasuachn låssn: ies ållas sauba und okeh. |
| ruflo am 06.04.2013 18:16 (vua 4253 Tåg) |
W A R N U N G!!!iergend so a komika håt mir 5800 spam-mails gschickt, ålle mit dem gleichen inhålt. i håb sie natierlieh niet aufgmåcht, sundern ålle ratzeputz ausa glöscht.
åba: hiatzt ies mei mail-adress gsperrt, bis i sie wieda einrichtn låss.
de degene mail håt mir mei e-mail-firma gschickt:E-Mail-Versand gesperrt Leider besteht der begründete Verdacht, dass Ihr Postfach von Dritten zum Versand von Spam E-Mails missbraucht wurde. Zu Ihrem eigenen Schutz ist der E-Mail-Versand vorübergehend gesperrt.
fålls ihr von "mir" a mail kriagts (von gestern bis etwa näxtn montåg), bitte NIT aufmåchn, sundern sufurt löschn. i håb ån niemåndn von eich seit die ostern a mail gschickt und werd aa damit wårtn, bis in mein postkastl wieda ållas in puta ies.
wientsch eich an scheenen åbnd und a guats nachtle.
(mir gehts noch nit so richtig guat, åba werd schon)
|
| ruflo am 04.04.2013 16:04 (vua 4255 Tåg) |
bin a biessale tschaupert. måg amål gårnix, lei im bett liegn.
ållas guate fier eich und pfiateich bis båld.
jå die sunne scheint volle hienta die wolkn und dem hochnebl und man kånn sugår åhnen, wo sie beileifig steht.
pfiateich.
|
| ruflo am 03.04.2013 17:16 (vua 4256 Tåg) |
kuhle, du blitzgneiser, i wüll an niggelasi und kaan ostahasi. åba aan, der beim essn NIT kruschplt, weil vur kruschpln grausts mi. bin jå kaa hund niet, dass i kruschpln friess. |
| ruflo am 02.04.2013 09:40 (vua 4257 Tåg) |
maaaa - i bin so glieckliech - håb mi sooo gfreit auf an schnee und hiatzt is er då. es schneibt schon wieda. i wår schon im drautål mei rente holn bei da bank und a biessale davon glei wieda vawixn. und nåachan schnell mit die huntalan a runde drahn, bivur's unsern rundgång um die schottagruabm zuaschneibt. und hiatzt bin i putt, weils d' bei jedem schritt aufm bruchhårsch einsinkst.
wientsch eich an guatn morgen und an scheenen tåg.
@martin: dånkscheen fier die aufklärung, werd des sprüchl bei näxta gilegnheit ån unsern nåchbårn weitaleitn.
ies bei uns aa so im untagråbm: zu martini vaåbschiedet sich die sunne bis zum liachtmesståg. valleicht können mir amål an satillitnen mit an riesign spiagl aufeschiaßn, damiet dass de årmen leitln då untn im wienta aa a sunne sehgn... |
| ruflo am 01.04.2013 10:57 (vua 4258 Tåg) |
@martin: a nåchbårin von uns håt xågg, dass es in bleiberg an åltn weetta-spruch gibt. sie kånn sich niet ariennern, wia der ausgeht. valleicht waaßt du des noch? es fångt ån mit "wenn in pfårra sei gartle die sunne einescheint, dånn ..." und hiatzt wiessn mir niamma weita, wås nåachan ies. tuat da pfårra sunne liegn, oda gfreit sich sei köchin, oda ... valleicht kånnst uns hölfn. wenn niet - måcht aa nix, ies nit so wichtig. liabe griaß nåch k.i.v, aa ån barbara, sabine, jochen und nåchwuchs. |
| ruflo am 01.04.2013 08:28 (vua 4258 Tåg) |
01.04.2013 08:34:
es fuzzlt wohl schon wieda, a biessale gliachta werds åba. man soll jå die hoffnung nianiet aufgebm...
i wientsch eich an guatn morgen und an scheenen ostermontåg.
wia recht du håst, schnecki, i ieberleg mir aa die gånze zeit, wohin i meine uhrn umstelln soll. soll i ma die årmbånduhr valleicht wia a fuaßfessl umman hax bindn? scheen umständlich mit mein dickn bauch nåachan schaugn wia spåt dass es ies. åba i könnet jå aa den fuaß aufhebn und es mietzale frågn "wia spåt ies denn hiatzt, ha?"
frieher amål håt man xågg "hoch das bein, die liebe winkt" und hiatzt haaßts hålt nåachen "uåtts se taim plies?"
|
| ruflo am 31.03.2013 07:48 (vua 4259 Tåg) |
a wundascheens ruhiges oda åbntajaliehes, a erholsåmes oda ereignisreiches (je nåchdem, wia's aana håbm wüll) ostafest wientsch i eich.
vur ållm xund solltets sein.
bei uns håt es ostahasi ka tschanze durch die gegend zan hoppln. von dem siehgst häxtens die löffl wachtln. in da nåcht håts wieda fåst 30 cm gschniebm und: ES SCHNEIBT ÅLLAWEIL NOCH. na - es schneibt niet, es fetzt so riechtig åba. die ålte wabitza då obm, die frau hollunda oda wia se haaßt, ies echt schon recht säniehl und gheart auf an ålterssietz åbgschobm. sowås naa. des ies jå niamma nurmahl.
und weil bei uns die gånze nåcht da schneepfluag gwerklt håt, ies da bello heit schon um hålba fümpfe vur unsra haustiere glegn und då wårs erst hålba viere. die zeit håmtze jå aa umstölln miassn, weils schon so riechtig summa ies, derwegn håmma mir hiatzt die summazeit. a so a schaaß, hearst.
friehlingsbleamlen kånn i eich kaane åbfotegrafiern, schick i hålt aans vom vurign jåhr. ies eh ziemlieh frisch gebliebm und går niex vawölkt odawia. und aja legn kånn i aa niet, bin jå ka hehne niet.www.flickr.com/photos/duellerfarm9.staticflickr.com/8302/7862121392_d3f4100869_b.jpg |
| ruflo am 30.03.2013 10:50 (vua 4260 Tåg) |
he kuhle: der mäntsch lebt nicht von brot allein...
und so a nebl is aa wås scheenes, schärft die nåhsicht.
an guatn morgen und an scheenen kårsåmståg eich ålln! |
| ruflo am 29.03.2013 15:42 (vua 4261 Tåg) |
richtig, japana, i bleib aa wo i bin. schimml gips då aa, und råppn und åndare pülze.
då dahaam bin i dahaam. und zwengs'n kochn und de bleedn fisch auswåndern? jå hee, i iss jå kaasnudln eh vül liaba und wenn schon die åndern nit kochn können, nåachan måchn mir's hålt sölba. nudl.
ållaweil 29° (wia es maibacherl) ies jå nit es wåhre. und wenns schiache tåg gibt, des werd schon wieda, des bleibt nit so. |
|
|
|
|
