|
|
|
| ruflo am 29.03.2013 09:45 (vua 4261 Tåg) |
haha, martin, du aa a siaßa bua (so wia i). lei da årme kuhle, der muaß leidn ...
heit kummt unsa bua mit seine kinderlen und es mitzale måcht kaasnudln. dås wert a riechtiga fress- und ka fåsttåg. gfrei mi schon.
liabe griaß nåch k.i.v aus v.i.k. |
| ruflo am 29.03.2013 07:36 (vua 4261 Tåg) |
åams fibile - gehts da wohl schon wieda beessa? es mietzale und i, mir wientschn dir ålles guate.
bei uns håts in da nåcht schon wieda gschniebm. fåst 10 cm neischnee! derzeit schneibts niet, åba es is nebelig triab. richtiges kårfreitågsweetta. aanfåch wäääh.
ausgschlåfn bin i guat. eigntlich wollt i iebern ORF jå niamma schimpfm. lei mehr still "duldn", åba nåchdem in der scheiß-werbung der als robin hut vakleidate inda es neinte mål vom baam åbaghupft is und von sein årmen, rot ångepinsltn esale ieber an schauderliehn åbgrund a bruckn håt bauen låssn, zum fünftn mål in aana hålbm stund der hiesterische tee-nager mit aana plastik-tschreappm die kuchl malträtiert håt (ikea håltet des aus!) und die unsägliche taamische ixixixlatzfamülie aufm büldschierm umagetobt is, uns årme kariesvafolgte leit (wo i eh lei mehr purzellan und blastig in mein mund håb) zum tausendstn mål die richtige zåhnpasta und die total nei afundenen zåhnbierschtlen vurgstellt wurdn seind, und wo - wia imma und bei jedm fülm - da schluss aus zeitgründen aanfåch weckopariert wurdn is (damit mehr zeit bleibt fier die intarisante produktvurstellung) då håb i vur lauta wuht fluchtårtig es wohnziemma valåssn und bin in die kiestn gflüchtet.
nåachan håb i noch getraamt von dem fråtz, der miet seine schokoladepfotn den tisch, es fensta und sugår den flåchbüldschirm vadreckt håt. zu dem håt man "zu unsara zeit" xågg "tua des nit" und es håt gepasst. heitigntågs nimmt die mame an putzspray und sågt "reinigt schlierenfrei".
håb i åba trotzdem kaane ålpträume kriagt sundern gschlåfn wia a råtz und da ORF kånn mi. (gern håbm).
i wientsch eich an guatn morgen und an scheenen tåg und unserm fibile noch amål guate bessarung. |
| ruflo am 28.03.2013 10:29 (vua 4262 Tåg) |
gottseidånk kummt bei uns kaana auf die idee, aane ostabölla zum åbfajern. des måcht lei die katzlen und huntalan tamisch und is fier sunst nix guat. beim sülwesta-fajawerk is die sally - wås sie sunstn nia tuat - auf mein schoß aufaghupft und håt ihr köpfle unta mein årm vasteckt. åams luada...
und erst die viechalan im wåld ... åba valleicht tuat de da förster lockn und tröstn.
a reachl aufm linkn knia, a dåx aufm rechtn und a aachkatzl aufm schädl. da hürsch is a biessale z'groaß. |
| ruflo am 27.03.2013 22:29 (vua 4263 Tåg) |
bivur i mi in die kistn schleich - noch schnöll a liabs hallo nåch fahrradelberg zur sabine und zum jochen.
guate nåcht ållezsåmm!
28.03.2013 07:32:
irgend eppes geht mir heite åb. eppes, wås von obm åba kummt. so wås weißes. heit fuzzlts niex, gånz im gegntum: heit kralt hinterm åltnberg sowås gölbliches aufa. ob des eppa il sole is? werd jå nit dechta da auswårt kummen?
i wientsch eich an guatn morgen und an wunderscheenen spinattåg.
kuhle vursicht, tua nit går z'wülde eineschaufln, sunst kriagst die greane scheißarei |
| ruflo am 27.03.2013 17:32 (vua 4263 Tåg) |
seas sanne. dånkscheen dass du so liab bist und unsa seitn valinkt håst. dei regnbognseitn ies a gidiecht, gfållt ma unhaamlieh.
i wår heit in wårtestellung. håb von A1 an schrieb kriagt, dass de iergendeppes am netz ummatschatschln werdn und von åchte bies draje nåchmittåg es tellefohn und es intanetz ausfålln werd. valleicht oda aa niet. damiet dass es netz bessa funzt und schnellara werd.
und gschehgn ies: niiiiiex. nåjå mei intanetz fållt jå dafier sunstn oft ginua aus. hihi. und des ohne vurwarnung. kånnst niex måchn, ies hålt so. und auf da wölt bist, muaßt ebn lebm damit. ieberhaupt aufm berg harobm. muaßt froh sein, dass d' a biessale sörfn derfst und niet lei schnee schaufln, edlweiß brockn und gamsnen sekkiern. valleicht wår a es sauweetta schuld, dass de niex gitån håbm. oda håmtze wohl wås gitån und hån lei i niex gekneist.
und hiatzt wientsch i eich an scheenen rest vom miettwoch, bleibz xund und munta und kuhle - friess nit so vül du ålta kruschpla. an scheenen åbnd und a guats nachtle.
unsa freind in niigata werd jå schon schnårchn dass lei so hüldert und es pfeiferle werd gråd sei fruahstickssemmale vaniechtn. måhlzeit.
a so a gstöll hearst, niet amål ieba die tågeszeitnen können siech die leit auf da wölt einig werdn. und wenn hiatzt noch die summazeit kummt, bei dem wientaweetta.... naa, i hear auf und schleich mi.
pfiateich
_____________________________________________________________
@kuhle: mei WLAN ies meistns a wehwehlan und im aute sörfn tua i eh niet. ieberthaupt niet, wenn i an schendarm siehg, mei liaba. då hålt i mi schtuhr ån die vakehrsrägeln. jå.
_____________________________________________________________
27.03.2013 17:51:
du, sanne, eppes håst vageessn in deina kärnten-bischreibung dazähln: klafu am wertasee ies a vururt von villach. und werd demnäxt flåchgschobm, damiet dass die villacher an ånständign parkplåtz kriagn.
lei die suppamuderne eishalle vom KAC bleibt stehn und da lindwurben kummt nåch ljubljana, nåachan håmt de durtn zwaa von de viecha. valleicht gips nåchwux. de werdn geziechtet und aana kummt nåachan in unsriege bundeshauptstådt, damiet de aa wås scheens håbm zum ånschaugn.
und wenn da dörfla in wien im bundesråt sitzn werd, nåachan werd's des åba schaugn. schåd ies lei ummen dobernig. der årme teifl muaß hiatzt wårtn, bis da ragger eppes von ihm braucht, sei weisheit und so. åba gisetzt den fåll da strache und da ragger seind sölba schlau ginua - wås tuat der årme haascha nåachan, ha? ies jå noch so jung und kaa eisnbåhner (zwengs da friehbänsiohn) |
| ruflo am 26.03.2013 18:15 (vua 4264 Tåg) |
i bin bei A1 und recht z'friedn. lei da A1-WLAN-ruhta ies a schaaß. werd mir vielleicht a fritz-box zualegn oda sowås. schaun mer mål.
beim telering håt sich da inda zua an robin hut entwiecklt und hiatzt raaft er går mit an esale umanånda. schrecklieh sowås. fier wås brauch i an inda und an robin hut schon går niet. und a esl bin i sölba: nudl.
|
| ruflo am 26.03.2013 17:27 (vua 4264 Tåg) |
hahaha - "aus mit'm schneibm" ... des kostet mi an låcha. es fuzzlt weita und weita und weita ...
am greandunnaståg solls endlich a biessale würma werdn bei uns, åba dafier gips z'miettåg spinat. mit iglspei. odaso. und gröstate tschåmpa. a kataschtrofe jågt die näxte. åba lei die hiertn kummen durch. und mir werdn's ieberlebm. hoffentlieh. und aanige håmt siehalieh a freid mit dem greanen glumpp, sunstn taatets des niet gebm, denk i mir. da kuhle und i - mir gehn hålt vursiechtshålba schon heit in deckung.
i wer' murgn valleicht niex då sein, die telekom håt mir a mitteilung gschickt, dass de iergendwås am intanetz ummabastln tuamt und des daher åbgschåltet werd. soll nåachan schnella laafn. miendestns so schnell wia da eian-män. werdn mir sehgn obs stimmt. also pfiateich bis iebermurgn, wenn da spinat kummt. |
| ruflo am 26.03.2013 07:41 (vua 4264 Tåg) |
es schneibt ... und schneibt ... und schneibt ... und schneibt ... und schneibt ...
na sowås na, frau hollunda - jå spiennst ha? oda bist deppert? kummt jå schon båld da ostahasi und niet da nikelasi! hiatzt reichts åba echt schon. ginua is ginua. nudl.
i wientsch eich trotz ållm an guatn morgen und an scheenen tåg. und iebermurgn gips endliech wieda amål an spinat. i gfrei mi schon ...
|
| ruflo am 24.03.2013 18:59 (vua 4266 Tåg) |
recht håst frounz, låss di nit von da wååg terrorisirn. scheen, dass d' wieda amål bei uns einagschaugt håst.
25.03.2013 06:42:
-4,5° und schneibm tuats. då solln friehlingsgefiehle aufkummen? noch dazua wenn a eisiga wind aa noch waht? nåjå, wårtn mir åb und schaun mir amål.
auf ålle fälle wientsch i eich an guatn morgen, an scheenen tåg und a erfreiliehe (uhrlaubs???)kårwochn. |
| ruflo am 23.03.2013 17:23 (vua 4267 Tåg) |
kuhle - in dein ålta is leicht brav sein. hihi - i spriech aus afahrunk!håt schon da kaisa xågg: man muaß schon a biessale brav sein, gelle! |
| ruflo am 23.03.2013 09:58 (vua 4267 Tåg) |
können die polen fliagn und die weißrussn nit? weils an polen-flug-warndienst gips und an russn-flug-warndienst gips niet. die russn fiescht man jå ausm wååssa ausa, weil de schwiemmen. und nåachan werdn se in essig mit zwiefl einglegt. warum kriagt man von die polen an haischnupfn, von die ungarn åba niet, ha? waaßt du des? kuhle - kånnst du mir sågn, warum man mit die franzosn auf da wåssaleitung umaschraufn kånn, mit die englända åba niet? und warum kånn a parisa platzn, a weana åba niet? (der werd dafier früttirt - vasuach des amål mit an klågnfurta) a so a ausagibåchana weana schmeckt suppa mit an ertäpflsulåt. und wenn unsa-aans nit gånz ausgibåchn is, is des wieda wås åndriges. a amerikana werd mit ana schokoglasur valleicht beessa schmeckn als wia a nurwegischa låppn in familiensoß. warum gips in da püschiatrie so an haufn iren åba vül weniga serben und krawaten? håb i schon öftara nåchgidenkt, bin åba nit draufkummen. is hålt a gfrett mit die natzionlitättnen.
seas martin. und warum können die fahrradelberga ålle guat fåhrradl fåhrn - aanige kärntna können åba lei am sessl pickn?
23.03.2013 10:03:
hiatzt hearts ma lei auf mit dem wienta, håb i schon schnauzevoll. |
| ruflo am 22.03.2013 14:14 (vua 4268 Tåg) |
Kuhle - leida kånn i dir nix iebern wurznpåss sågn, mir sein schon lång niamma drieber gfåhrn. fråg beim öamtc nåch.
und die schneeglöcklen håbm sich aus an gårtn vasaat. wüld wåxn sie bei uns niet. åba die schneerosn kånnst åbmahn, wennst richtung windische höh fåhrst. lei dawischn låssn derfst di niet von da bergwåcht. |
|
|
|
|
