Jå griaßenk ollezom!
Schen, dass wieda so vüle sich auf'n oltn Stommtisch vairrn! I kriag jo nix mehr mit, seit i vua iba 1 Joa mei aktive Fesbook-Karriere beendet hob. Der Schmorrn hot ma die Zeit gfressn - und davo hob i eh nie gnua.
Wosn los mittm Coolatling? Mias ma uns suagn mochn? Ah, i hob ihm a Meil gschriebn, dass ma ihn vamissn tuan. Er soll vom Kruschpln beim Hupfn wieda amol a Pause mochn und wos einaschreibn.
@Ruflo - schen zum hean, dass da wieda bessa geht! Homma di olle schon vamisst! Ohne den Grandseigneur is des holt anfoch nix!
Und natialich a dem Pfeifale, dem Martin, da Brigitte und da Inge olles Liebe von mia!

Pfiateich, und a amol a bissale brav sein!
da Wuhte

Dånkscheen, Martin fier die Nåchricht. Ållas Liabe nåch Japan!
Bei uns håts gestern auf d'Nåcht ångfången schneibm. Heit is fingadick weiß und wieda stråhlend blauer Himml. Da Schnee passt zum Loståg Liachtmess - is hålt an Tåg späta passiert. Åba mia håmma jå Zeit zum Wårtn.
Pfiateich bis båld wieda.

04.02.2016 22:42:
Wenn Opaball ies im Fernsähn, håb i Wohnziemmavabot, weil i iemma so depperte Kuhmentahre måchn tua. Då muaß i mi schleichn. Åba ies eh lei Wurscht.
Heite åba håb i mi getraut gånz kurz ins Wohnziemma eineschaugn, wo mei Mausale vurm Tefau huckt (dås haaßt - eigntliech liegt sie auf da Kautsch und blinzlt gachamål a biessale aufn Büldschierm) und Opaball schaugt. Hättet i gleibåld an Pieschntegl aufn Plutza kriagt, weil i gfrågt håb: "A tånzt då die Spanische Hoffreitschuhl?"

Griaß eich und vor olln in Ruflo griaß i gonz herzlich. Freit mi echt dos du di a widda möldest. Sig di jo wohl im Facebook oba dos is holt net es V-Net.
Unsa Bua is imma noch in Japan und i glab er werd durtn bleibn. Is jo scho 4 Johr durt. Heija werd er im Summa vielleicht kummen und wen nit fliagn mir widda umme-
Wos is mitn Coole??? Waret schean wenn der sich a widda amol möldet.
Bei uns gibts nix neiches.
Wetta is zur Zeit nix bsundrigs. Regn und graußlich.
 http://fk123ab.blogspot.co.at/ dos waret da Blog von unsern Bua folls die Brigitte amol eineschugn möcht.
Eich olln an scheanen Tog und liabe Griaß aussn Ländle
Martin und Barbara aus K.i.V.

 Jå åba hallo ... !!! Då tuat sich jå wieda ållahånd ... muaß i aa wieda öfta einaschaugn. Griaß eich ålle mitanånda. Dånkscheen Pfeiferle, dass du mi im Fetzpuck auf den Eintråg von da Brigitte aufmerksåm gmåcht håst. Die grawen Windungen seind aa niamma des, wås sie amål wårn!
Åba die Brigitte aus Feistritz - mein Gott - des wår a Freid! Håb inzwischn schon aanige Kombutter iebern Jordan gschickt und leida dei Adress total valurn. Gfrei mi echt, dass i wieda wås von Dir gheart håb. Kånn mi noch guat ån Dein Besuch mitm Rupert in da Kreizn erinnern. Und aa ån unsare Tschätts, wo i beim Nåchtmåhl Gailtåla Speck und Hauswürschtlen ghabert håb und Du fier Dei Mannkerle håst Ertäpfl kochn gehn miassn zum Mittågessn. Haha. Und dabei håmma mir zwaa går kaan Tschettläg 'kriagt.
Dånk da Nåchfråg. Mir gehts derzeit - dem Ålta entsprechend ziemlich besch....eidn. A Åchtzgjahriga is hålt kaa D-Zug. Da Lack bröcklt åb und a påår Schraufn seind locka - i werd åba von mein Dokta richtig guat vasurgt und so muaß i sågn: Passt schon! Bin z'friedn.
Wås mit unserm Kuhli los is, waaß i leida nit. Ob er epa kruschpln tuat? Valleicht is er bees auf uns? Vur ållm auf mi - weil i es Håndtuach gschmissn håb? ­Åba i vasprich (echt) dass i mi wieda gachamål möldn werd.
Ålsdånn: Bis zum näxtn Mål - gånz liabe Griaß, bleibz scheen xund und måchtz uns ka Schånd (!!!)

Brigitte: Mei Adress is dueller@gmx.at

03.02.2016 23:08:
Martin - Dei Bua is noch imma in Japan? gehts ihm guat? Liabe Griaß nåch Hinta-Arlberg. 

Griaß eich im V-Net.
Gfreit mi dos noch a bissele gschriebn werd. Brigitte i kim aus Bad Bleiberg wohn oba schon 42 Johr in Vorarlberg.
Ollen an scheanen Tog und liabe Griaß von Kärntn iba Canada noch Wean und zan Bua noch Japan.
Martin und Barbara aus K.i.V. 

@ Brigitte serwas,bist du a im facebook? du host recht, karntnerisch wern ma nie fergessn,und schon gor nit wenn man im dialekt schreibt.i bin schon iber 60 johr in Canada
griasti martin u. babara und olle villacher wos holt so monchmol eineschaun
@ COOLI, wo bleibst den du?
pfirt eich es pfeiferle

 Martin und smokedinpeace:   Donk schean fuer den nettn Eintrog und de Grueass aus Estarreich!  Mei Eintrog wor fuer den Ruflo gmant, i hoff dass er mir amol ontwortet.  Jo, i bin schon 52 Johr in Canada und konn noch imma kaerntnarisch, dos valernt man nia, aussa doss man dos will.  Bin aus Feistritz on da Drau und wohn jetz in da Naehe von Toronto.   Canada is a a scheans Lond, man muass lei iberall wo man hinkommt dos Scheane segn.  Es is bei und do ondas schean.   Grueass Eich olle recht schean aus Canada!!

Aussn Ländle widda amol liabe Griaß in olle im V-Net. Gonz liabe Griaß iban Teich noch Canada.
Martin und Barbara aus K.i.V. 

grist di Brigitte,scheen dos do bist hiaz seima zwa in Canada im villacher,i bin in Ottawa on, L, G. pfirti

 Schon so viel Johr hob i nix mehr von Dir ghoert.  Mei Bruada Gert hot mir den link zum kaerntna weatabuach gschickt und so hob idi gfundn.  Tuat mir lad doss es dir nit so guat geht, oda gehts schon wieda bessa?  Bei uns gehts soso.  Servus von da Brigitte aus Canada.

liaba Ruflo, gfreit mi doss du wieda wos einagschriebn host ... i winsch da olls olls Guate!

 Es werd Zeit, dass i mi wieda amål möld. Åba - wia - xågg, derzeit gehts mir nit gråd so guat. Håb fest åbgspeckt, då wo frieha es Wampale wår is hiatzt fåstbeinåhe a Sickspäck. Oda sowås hålt. Bin von 93 Kilo auf 67 åba "entwässert" wurdn und kånn hiatzt schon recht guat des måchn, wås i späta um Mittanåcht tuan werd (die Diandln als Gispenst daschreckn!): mit die Banda kleappern. Schaugt fåst so aus, dass de aus mir a Trocknfleisch måchn wolln. Nåachan noch a biessale sölchn und i bin håltbår fier die Eeewigkeit. Ånfång Dizemba håmtze mi dem Bandajåckl von da Schaufl åba gholt und so hålbwex im LKH Villach wieda auf Zack gebråcht. Und es Lebm geht weita.
Nåchträglich wientsch i ålln Freindinnen und Freindn då hariennen, von Wien bis Hinta-Arlberg, vom Allgäu bis Kanadium und noch weita ins Lånd der aufgehenden Sunn, von Spittal bis Klafu zua de Neblkinda (Gottschuchen, ...), ins Liesatål eine und so weita a guats Neiches Jåhr, mit vül Xundheit und Sunnenschein und ållm, wås des enk wintschn tuabbes. Bei mir pumpert da Åchtzga ån die Tür - schaun mer amål, ob des wås werd.
Ållas Liabe und Guate fier Eich und i denk vül åns Villacha Nett und ån die scheenen Stundn, de mir im Brauhof und auf da Genottehöh mitanånda vabråcht håbm. 
Dånkscheen Pfeiferle, Beißerle und Fibile, dass des gachamål im Fetzpuck auf mi denkn tuabbes. Und an Haufn Büldln von mir seind auf www.flickr.com/photos/dueller - åba hålt ållaweil von da sölbm Gegend, de da ålte Ruflo niamma valåssn tuat. Pfiateich, valleicht bis båld wieda.

08.01.2016 03:46:
Seas Volte - scheen, dass Du aa zu uns kummen bist. 

Auch wir wünsche allen ein gutes Neues Jahr!!
Die Gsiberger Barbara und Martin. 

2016,i bin wohl da erste im neuen yahr,dos es villacher wieda in bewegung bringt oder? set`s net so faul und gibst eiren senf dazua.

@ cooli,wos wert den mit`n maibachln wenn ihr kan schnee hobt?

WHUTE, CHRISTELE, WALDSCHNECK,PAu OLI,RUDI is jo im FB,i jo a.wo set`s den olle??
guaten morgen, bo jorno,good morning,es pfeiferle winscht eich ollen a gsundes gluckliches neues yahr (smokedinpeace)

.

Griass enk olle mitanonda .... seawas Andi, schen doss du wieda do bist!
Nocha winsch i enk a guats neies Joahr!