nå gootzeidånk kriagt der årme hascha eeeendlich sei kirchtågssuppm. i håb mi schon gfrågt, wia er des so lång ohne aushåltet?
6° håtz. - aa ies des niet a biessale wenig odawia? die haazung ies ångsprungen und im ziemma ies es gimiatlich. åba durt, wo i hiatzt hinmuaß (hunderunde in da schottagruabm), då wer' i heit wohl an dieckn buloba brauchn. åba falleicht trieff i durtn die schotta-mietzi, då kånn i mi nåachan eh in die hietzn redn.
lei dass i so tzimmliech bleed bin, waaß i eh, weil i kånn des niet vastehn, dass bei uns in eestarreich aanige so gschmiert dahin flitzn auf da autebåhn korrupti, de uns auslåchn und siech ins fäustchen, während mir auf unsre letztn luckertn schlapfn årmselig dahien haatschn aufm årmsiendaweglen. vasteh i niet - weil i hålt wia xågg bleed bin. und unseraana, der zumbeischpül a semmale bei sein årbeitgeba klaut weil er gråd an hunga håt, oda aaneirodreievierzg aus da bortokasse, der werd friestlos entlåssn und valiert sein tschop.
marantana - hiatzt hättet i lei båld vageessn sågn, dass fier de noblen herrschåftn aus da bessern gsöllschåft natierlich die unschuldigkeitz-vamuhtigung gelten tuat...
gehtzeichguat? meine gibeine und gilenke håmt siech aa wieda a biessale biruhigt weil da lufftdruck wieda aufe geht. oda büld i mir des lei ein? es weetta ies jå ån ållahånd saachalan schult, warum solltet's ån mein wuwa niet schult sein, fråg i mi oftamål.
an guatn morgen und an scheenen tåg wientsch i eich und såg pfiateich bis späta.
bis noacha wieda!!
