bin heit' a biessale wehmiatig. 1785 håts in unsara gegend, bei da glåshiettn in tscherniheim die erste volksschual fier die kinda der glåsbläser g'gebm. 1836 ies da schulbetrieb in die ålte kreizner volksschul iebersiedelt (då wårn in aana klass ieber 80 kinda und zum sietzn håmtze senare eigenen schamelen miassn mietbringen), 1934 is die "naje" kreizna schul gebaut wurdn und heite ies da erste tåg in an neichn schuljåhr, wo's in kreizn kaa schul mehr gibt.
es dörfle stierbt. ka gschäft mehr, ka eigenens pfårråmt, von ålle gåsthäusa ies uns lei mehr aans gebliebm, hiatzt ies mit da schul aa schluss ... rekwieskat in patsche. åba so ies da läben. dafier nimmt da autevakehr ieber die windische höh' ållaweil mehr zua. es rumplt und pumplt und kwietscht und röhrt und hüldert den gånzn tåg... anno schnee seind auf unserm straßlen im tåg so 3 bis 4 aute gfåhrn, und håmma miet die kinderlen noch auf da stråßn völkabåll gspült ... vurbei. tembura muh tantur. vurbei.
