|
|
|
| ruflo am 20.03.2013 15:56 (vua 4270 Tåg) |
kuhle, DIE sunne is lei bei uns a weible. bei unsre nåchbårn is IL sole a mannkale. also is die (der) sunne valleicht a zwietta odaso. und bei uns gschiecht gråd des, wås se brufezeiht håbm: es kummt wieda schlechtes wetta. a eisiga wind blåst ieber die berg und es håt lei mehr 4,8° |
| ruflo am 19.03.2013 15:24 (vua 4271 Tåg) |
hallo pfeiferle und ålle åndern.
8° (plus!!!) håts, die sunne scheint und da schnee ies schon um die hälfte oda mehr wieda zsåmmgsessn. is hålt doch, wia man so sågg "keischlamist".
an scheenen nåchmittåg und åbnd wientsch i eich. |
| ruflo am 19.03.2013 09:24 (vua 4271 Tåg) |
ålln josefs, josefinen, sepperln, joschis, pepperln undsoweita an scheenen nåmenståg. und ieberhaupt ålln freindInnen då hariennen an guatn morgen und an wunderbårn tåg.
bei uns scheint die sunne, es werd würmer und die erstn schneepatzlen fålln schon wieda von unsra sat-schiessl åba.
i maan, i brauch går niet aufesteign und putzn, werd eh in die näxtn tåg oda wochnen wieda von sölba sauba, nåachan laaft da flåchbüldschierm wieda von allaane. wohin waaß i niet - des bestiemmen ORF und konsorten
åba schnee håmma ginua kriagt gestern. kuhle, maanst, des reicht? und niet wieda sågn, i tua lei ångebm ...
www.flickr.com/photos/duellerfarm9.staticflickr.com/8507/8570398933_d641fac80e_b.jpg |
| ruflo am 18.03.2013 22:14 (vua 4272 Tåg) |
wohl, schnecki, håmma noch riserwen. und wenn går nix ånders mehr ies - a plentn*) geht sich schon noch aus. und des måg die sally aa gånz gern.
jåjå kuhle, a flåchbüldschirm und a volle schiessl passn niet so guat z'såmm.
åba mei flåchmånn wår heit aa fiensta, weil bei uns aa die schiessl ... egal, mitzale håt ihrn fülm auf mein petzeh (via leifstriehm vom ZDF) gschaugt und ies aa z'friedn. und murgn werd i durt hin aufe kraln, wo unsa schiessl ies, mit an bårtwiesch und nåachan geht wieda. hoffentlich.
und es schneibt ållaweil noch, schon wieda, wieda grauslich heftig, ... seit meina letztn schneeschauflaktziohn um hålba åchte seind schon wieda a påår zentimeta dazuakummen. mir wurscht. i geh hiatzt in die kistn und murgn schaugn mir weita.
wientsch eich a guate nåcht und ånginehmes flohbeißn mit siaße traamareien.
_______________________________________________________
*) plentn: polenta, tierggnsterz, die "gölbe gifåhr" |
| ruflo am 18.03.2013 09:20 (vua 4272 Tåg) |
schneibm tuats, fest aa noch dazua. werd wohl da keischlamist sein. und hoffentlich ies nåachan båld a ruah mit dem weißn glumpp. fier den wienta reichts schon.
i wientsch eich an guatn morgen und an scheenen tåg, sowia a guate neiche wochn.
und den kadutschngråbm kenn i aa, bin von mittewåld aus eine. håmma als persch durtn scheene staana (molybdän, wulfenit) gsuacht auf da haldn.
schnecki, gehts dir schon wieda bessa? |
| ruflo am 17.03.2013 08:31 (vua 4273 Tåg) |
die sunne scheint und danebm tånzn die schneeflockalan durch die lüfte. es weetta waaß niet, wås es wüll. bei uns "auf da ebn" håts -1° und untn in da schottagruabm waaht da blåse, dass man maant es hättet minus 25°. jå ies denn schon aprül odawia? aufm kulenda steht hålt sunntåg, 17. märz. wåhrscheinliech måcht da wienta seine letztn zaasa und wüll noch amål zaagn, wås er kånn.
i wientsch eich an guatn morgen und an scheenen tåg! |
| ruflo am 16.03.2013 10:40 (vua 4274 Tåg) |
jå, so is die mäntschheit und sie werd ållaweil kränker. durch feißpuck und åndare quatsch- und tratschseitnen werds aa ållaweil leichta, die åndern ån de åbårtigkeitn teilhåbm zan låssn.
und - wohl, kuhle, - da ruflo läbt noch, der wår heit schon im drautål einkaafn. ies jå sunntåg murgn und då bisteht vahungarungsgifåhr, wenn niet a gscheite jausn dahaam ies. und wo er gestern wår, håt er eh gschriebm im villacher net. mit da sally untawegs wår er heit aa schon.
heit in da fruah håmma -10° ghåbt, und im gråbm wårs noch költara. åba es is wolknlos und er staht vur da tier, da auswårt. håb eich a påår bleamlan gbrockt und wientsch an scheenen såmståg.www.flickr.com/photos/duellerfarm9.staticflickr.com/8230/8561941594_6de9c93ecf_b.jpg |
| ruflo am 15.03.2013 06:53 (vua 4275 Tåg) |
die wolknen seind weg, åba kålt is es imma noch (-5°), es ångekündigte schnee-kaos is ausgebliebm. neischneehöhe: kaum 1 mm.
pfeiferle - dei brot duftet bis då her. maa, warat des a gschicht, a stieckle ofnwårmes, sölba gebåchenes brot ...
liabe griaß nåch kanadium und schlåfts guat!
an guatn morgen und an scheenen tåg wientsch i eich ålln und dem schnecki a guate bessarung!
fier uns werd des siehalieh a scheena tåg. unsa tochta håt heit an rundn geburtståg. vierzg ies sie leida niamma, åba sechzg aa noch niet. und weil mir heit zu ihr nåch villach fåhrn, seimma nix dahaam und i såg hiatzt schon pfiateich bis murgn. |
| ruflo am 14.03.2013 16:12 (vua 4276 Tåg) |
auwehauweh - ziagl - jå, de håts frieha schon gebm. hiatzt niamma, seimma tutal suliede wurdn. odaso.
und a nudlsuppm håmma mir heit aa ghåbt. håt mi åba kaa nudlaug nit ångschaugt, weil wårnt lei suppmnudl in da nudlsuppm und de håmt fåst går kaane nudlaugn. und wuchtln und familiensoß hientaher. mmmh. åba ohne murmelade drien.
kuhle, wår bei enk in die höhlnen barbitrieb, dass d' mit an ziagl haamkummen bist? wumögliech aane flottn diandlen aa noch dabei. i bin lei a påårmål als persch im eggaloch ummagekralt. beim haamgehn håb i ausgschaugt wia a wultschka. volla gatsch. und in postojna wår i aa, då wårnt kaane bardahmen, sundern lei grottnolm.
und jå - da franz d., mei onkl wår mei großonkl. der håt sugår die ährenbiergerschåft von villach kriagt. mit aana uhrkunde. håb i die koppie dahaam.
mindestens ginau so wichtig wia "habemus papam" is "habemus pappalem", damiet dass mir niet vahungern miassn. kuhle, wennst wüllst kånnst aa sågn "habemus kruschpalum" |
| ruflo am 14.03.2013 15:48 (vua 4276 Tåg) |
wia schaugt bei uns da friehling aus? es ies saukålt. da eiswind waaht iebern kowesnock her ausm koflachgråbm aufa. die bieratenflagge von kreizn flaggt in ihre letztn zuckungen. hiatzt um hålbaviere fångtz ån zum schneibm. und die låcknen vom gschmolzanen schnee kriagn wieda a eishaute. die ålte liendn wachtlt mit ihre dierrn astlen. de schaugn aus wia totnfinga de nåch die leitlen greifn wolln, de sich bei dem grauslichn weetta ause traun. i håb mi mit da sally ause gitraut, weil es huntale håt schon die gånze zeit gmufflt wia a faules aale.
und då håb i gsehgn: unta aana latschn, scheen gschitzt, im beet vurm fensta, vasteckn sich die nahziessnen. seind schon zehn zentimetta hoch. obs eppa aane fernziessnen aa gips? håb i kane gsehgn. und die schneeglöcklen, die tulipane, die hüah-zintnen seind aa schon då. håmt schon knospalan, glei båld zum aufplatzn. de sågn "lei noch a biessale giduld. lei a biessale noch wårtn!" er kummt schon, da auswårt. is schon aufm sprung. da wienta tuat hålt noch a wenig ummabossln. åba vül bringt er aa niamma z'stånd.
i wientsch eich an scheenen rest vom pfingsti. |
|
|
|
|
