|
|
|
| ruflo am 15.02.2013 08:31 (vua 4303 Tåg) |
jå, a stieckle turtn warat schon a gschiecht.... iess lei niet z'vül vurm schlåfngehn, druckt lei im wampalen. schmeiß gscheita her iebern teich - mir fången auf.
guate nåcht, pfeiferle, traam wås scheens und griaß die erika von uns.
an guatn morgen und an scheenen tåg eich ålln und unsra bea ålles guate.
martin - i bin aa brav und iess niet mehr, als wia i miet gwålt åbebrieng.
liabe griaß nåch fahrradelberg. |
| ruflo am 14.02.2013 18:25 (vua 4304 Tåg) |
seas fibile. tua deine ostahaslen scheen griaßn. bussale nåch wean!
und kuhle: mei professa laaft miet da erlaubtn höxtgischwiendigkeit von 30 km/h.
wientsch eich an scheenen åbnd. und buona nox - biest a rechta ox, wia da mozart sågn taatet. und nåachen sågg er noch: guat nacht, guat nacht, sch.... naa, sowås sågt man niet. in bin jå niet es wolferl amadee.
|
| ruflo am 14.02.2013 07:31 (vua 4304 Tåg) |
fibile, man kånn nia niet fruah ginug friehlingsgefiehle håbm. und aja kochn terfst schon, muaßt sie hålt vur ostern vaspeisn. oda hundert jåhr wårtn, nåachan håst küneschische aja.
im suppamårkt stehn jå wohl aa schon die schocko-ostahaslen ummanånda. håb i eh die kassierarin gfrågt, warum sie kaane weihnåchtsmannkalan håbm, de schmeckn mir vül beessa. ålladings - wenn man de vatülgt, kummt man siech vur wia a mäntschnfressa. a soginånnta kunnibahle.
dass in da villacher therme im wårmbåd wås giknickt ies, wundert mi går niet - des wår jå schon von giburt ån a so a wiendschiefe keischn. 
i wientsch eich an guatn morgen und an scheenen tåg und schieck den dirndlen aane valentiensbleamlen:farm9.staticflickr.com/8164/7525363806_e32361d965_b.jpg |
| ruflo am 13.02.2013 15:17 (vua 4305 Tåg) |
also mir håt da villacher fåsching im TV recht guat gfålln, wår flott, åbwexlungsreich und teilweis aa richtig lustig. gaaßpock bin i kaana, dass i die gånze zeit lei meckern tua. die zwaa stund seind wia im flug vagången. wenn man wüll, kånn man natierlich ån ållm wås fiendn, wås niet passt und gritisiern. åba zum untaschied vom fåsching ausm ORF-tiata in klafu wårn richtig lustige såchn dabei. zwaa sendungen "narrisch guat" - då muaßt bei aanige "fåschingskienstla" schon an guatn mågn håbm, dass d' des vatrågst - bis auf wenige beiträg seind des recht primitive schenklklopfa, ordinäre wietz und hiernlose schmäh ... nåjå: gschmäcka seind hålt vaschiedn. und des ies guat so.
es schneibt schon wieda a biessale, åba zsåmmkummen werd niet gårasovül. odawia.
i wientsch eich an scheenen nåchmittåg.
seas martin. jå, ån unsa beale denk i aa vül, åba werst sehgn , sie schåfft des, sie ies stårk und iebasteht aa de schwaare zeit guat. |
| ruflo am 12.02.2013 06:15 (vua 4306 Tåg) |
jå kuhle, geht, passwurt auf a zettale schreibm und so vasteckn, dass den lei mehr die åndern fiendn. *)
seas schnecki, håt mi richtig gfreit, dåmåls. åba wår fier di siehalieh a ånstrengenda tåg.
und fibile - bei uns håts (soweit i bei dera finstanus sehgn kånn) schon 20 cm oda mehr nei drauf gschniebm.
bea, dir wientsch i vül kråft und ålles guate und schaug, dass du båld wieda in unsara runde bist. i waaß, dass du es schåffst und mir denkn auf di.
und eich und ålln åndern freindn wientsch i an guatn morgen und an erfreilichn tåg.
_________________________________________________________
wenn i so aus mein' fensta schaug, muaß i sågn: es schneibt gånz scheen... (07:35)
www.flickr.com/photos/dueller
farm9.staticflickr.com/8236/8467617580_b2f1f6a245_b.jpg
12.02.2013 09:09:*) andale, håb dir a mehl gschickt. |
| ruflo am 11.02.2013 17:19 (vua 4307 Tåg) |
>>> "ruflo du host sicha a a passwort, wia tust denn du dos es nit vagisst?" <<<
wie i tua? jå i tua's mir hålt merkn.
und zum thema påpst: werd wohl wieda aana kummen. åba i glaab niet, dass unsre germanischn freind nåch'm 28. feber noch sågn werdn "wir sind papst". |
| ruflo am 11.02.2013 09:54 (vua 4307 Tåg) |
kuhle, des ies niet da ebnerwirt - den siehgst aufm büldl untn - sundern des ies aans von die gåsthäuser (seind 2) auf da windischn höh.
und in mein liabstn gåsthaus, beim ebnerwirt, gips heite - so wia ån jedem fåschingmontåg - die bestn fleischnudl mit sawakraut, wo du dir denkn kånnst.
Der "Ebnerwirt" (Staber) in Kreuzen bei Paternion - unsa liabstes Gåsthausfarm9.staticflickr.com/8225/8464705962_03acaebc1c_b.jpg |
| ruflo am 10.02.2013 22:17 (vua 4308 Tåg) |
seas niigataner, scheen dass d' zu uns gfundn håst. gfreit mi echt. dei blog ies a wucht und i lies ihn ållaweil mit vül intaresse. (oftamal zwaa oda dreimål, weil meine 77 jåhr åltn hiernwindungen schon a biessale desolat sein tuamt). dei våterle ies a braver v-nettla und i hoff, du werst uns aa die treue håltn.
goottzwülln, seimma mir intanatzionahl - von kanadium bis ins lånd der kirschblüah, vom allgäu bies nåch wernberg und wean...
i wientsch eich a guats nachtle und nåch kanadium ume und nåch niigata an guatn morgen.
11.02.2013 08:30:an guatn morgen, an scheenen wochnbeginn und winterlieche griaß von der windischn höh' www.flickr.com/photos/duellerfarm9.staticflickr.com/8090/8464570458_21080ca004_b.jpg |
| ruflo am 09.02.2013 16:51 (vua 4309 Tåg) |
vom sunnign wernberg aufa in die triabselige kreizn: mir håbm heit ka lustiges fåschingsåmstågweetta. es is triab, kålt und ungemiatlich. åba wenigstns schneibts niet - ies jå aa wås.
i wientsch eich noch an scheenen åbnd und da
Barbara: ålles guate zum geburtståg,
xundheit und vül sunnenschein im neichn lebensjåhr!
|
|
|
|
|
