|
|
|
| ruflo am 08.02.2013 09:26 (vua 4310 Tåg) |
jå pfeiferle, stimmt, mir lebm schon in an klaan paradies. lei paradiesische zuaständ håmma hålt leida kaane in unserm landle.
bei uns is es weetta wieda prächtig, a biessale kålt - åba soll jå so sein im wienta.
den wiena opa(und oma)ball (sågntze zwengs dem frackzwång fier die herrn a pinguinball dazua) håmma vurm fernseha und da kuhle vurm flåchbüld aa ieberståndn, inklusive zombie (glöökler als fantohm der opa) und an ballkleid um 150 000 euro. nåjå - wer håt, der håt.
bivur i's vagiess: an guatn morgen und an scheenen tåg eich ålln. wochnend in sicht! |
| ruflo am 07.02.2013 15:14 (vua 4311 Tåg) |
fibile, dånkscheen fiern bericht. ållas guate dein' vata und druck es beißerle aa vom mitzale, von da sally und von mir. und mir druckn ihr und dein papa die daumen. |
| ruflo am 07.02.2013 07:53 (vua 4311 Tåg) |
naa pfeiferle, schneeschaufl brauch i heit' kaane mehr, es ies wolknlos und die sunne werd glei hinterm åltnberg aufakriachn. åba an dickn wintamåntl den taatet i brauchn. oda an pölzgfuattatn anurack. und dem haansee seine munnputz aa noch dazua. saukålt ies es wurdn. die sally und da bello wårtn schon schwar - åba bivur die sunne niet volle åbascheint, bringen mi kaane zehn rössa ausm ståll. äääh - ausm haus. die pålmkatzlan bliahn ållaweil noch, de brauchn dir niet laad tuan. håmt jå a dickes, waaches föll.
liabe griaß und scheene traam nåch kanadium ume.
und ålln åndern auf dera seitn vom großn teich: an guatn morgen und an wundascheenen tåg!
bea, mir denkn auf di und wientschn dir vül kråft und ållas guate.
|
| ruflo am 06.02.2013 14:39 (vua 4312 Tåg) |
jå, es schneibt ållaweil noch. håmma schon leicht ieba 20 cm nei und wenn i ausm fensta schaug, då siehg i auf da stråßn an haufn leit, de wo beim kettn montiern seind. es bundesheer ies aa då gwesn mit fier oda fümpf haflinga, wo de årmen teixl håmt miassn es kettn ånlegn - åbatuan - wieda ånlegn träniern. miassntze hålt lernen, de von da maarwiesn. |
| ruflo am 05.02.2013 09:15 (vua 4313 Tåg) |
jå genau. so scheen wias gestern wår, so gräulich ies es heit. åba wenigstns ies es truckn, des ies jå aa wås.
an guatn morgen und an - mit sunne einwendig drienn - scheenen tåg wientsch i eich. |
| ruflo am 04.02.2013 18:15 (vua 4314 Tåg) |
des wår heit a stressiga tåg, åba scheen wårs. kumm erst hiatzt dazua, dass i mi möld und kånn eich gråd noch an scheenen åbnd wientschn und a guate nåcht.
siehgst, pfeiferle, suppa klåppt des mit deine büldln! liabe griaß nåch ottawa |
| ruflo am 03.02.2013 16:25 (vua 4315 Tåg) |
>>> " und da kota def krippl tuat schon wieda meine sochn obehaun." <<<
såchn oda sockn? und wenn sockn - seind då deine haxn aa drin? nåachan håt es katerle recht. weil mir seimma jå niet in amerika, die fiaß ghearn nit aufn tisch. naaa. pasta.
in die huntalan gehts guat, se werdn iemma fetta. vur ållm die sally. und wenn da bello vurm bett liegt und die sally natierlich drin im bett, håmtze an wettkåmpf. der haaßt wettfårzn. und die spülregln seind: wer kånn leisa, åba duftiga. a so aane schaaßkåchln hearst. und nåachan tua i als schiedzriechta die fauln aja zähln. so ies es. lei am wettkåmpf sölba tua i mi niet biteilign. i bin jå kaa hundling niet.
pfeiferle - der mit die zitrusfriechte , des ies da gärtner Ceron. und es ies echt a wunda, wås bei dem ållas wåxt. håst des aa gsehgn: aane von seine arantschnen schaugn aus wia kuahtuttn, hihi.
i maan, da kuhle denkt lei åns gekruschplwerch und håt kaa zeit niet zum lesn, weil du håst eh gestern schon ållas gschriebm, vom rahm und dass du den gschenkt kriagt håst.
gfreit mi, dass des mit die büldln hiatzt klåppn tuan tuat. liabe griaß nåch kanadium.
|
| ruflo am 02.02.2013 22:38 (vua 4316 Tåg) |
jå pfeiferle, passt. scheens büldl.
guate nåcht fier ålle und scheene träume.
und die dahmen werdn hiatzt natierlieh von munputz, von an senner bernenhund und von spatzelruther kasten traamen und i, i wår heit sowås von brav bei da hanseee-sendung. kein beeses wurt nicht håt mein schandmaul verlaassen. naa, echt niet. nietamål beim titsche-ötzi håt ma es mietzale a pflasterle iebern mund pieckn miassn. i wår ausgesprochn siettsam. und giböllt wia dem hanseee sei huntale håb i aa niet. mietzale håt xågg "nå siehgst, geht jå wohl!"
åba scheen ies schon in schladming und aufm dåchstaan. jå, echt.
pfiateich. |
| ruflo am 02.02.2013 09:13 (vua 4316 Tåg) |
da regn håt aufgheart. dafier schneibts hiatzt volle wäsch, in diecke flockn. ies schon wieda ållas weiß bei uns. und des ies scheen, weil a ålte weettaregl sågg: "wenns zu liachtmess stürmt und schneit, ies da frühling niamma weit."
haha, martin, i bin aa a siaßa tüpp. fier wuchtln mit familiensoß, fier an reisauflauf oda aane obstkneedl låss i sugår des häggis stehn und grestate nierndln oda rieppalan zum åbnågn (i bin jå kaa hund niet odawia) de terf da kuhle kruschpln.
liabe griaß nåch fahrradelberg.
|
| ruflo am 02.02.2013 07:43 (vua 4316 Tåg) |
niesln tuats, schneibm werds. åba ies jå wurscht: mit sunne im herzn werd des siehalieh a scheens wochnend. und a settenes wientsch i eich. |
| ruflo am 01.02.2013 18:42 (vua 4317 Tåg) |
@pfeiferlei måch des so:
1) büldl im flickr aussuachn
2) mit da linkn maustastn aufs büldl klickn
3) jetzt is es büldl größer und gånz obm rechts steht "alle größen anzeigen" (bei dir werds hålt auf inglitsch stehn). Und då klickst wieda mit da linkn maustastn drauf.
4) hiatzt ies es büldl vielleicht wieda a biessale klaana, åbo oberm büldl is a listn mit verschiedene größnångåbm.
5) des kånn dir åba tutal wurscht sein, weil hiatzt klickst mit da RECHTN maustastn ins büldl und då steht im menü iergendwo "Copy Image Location"
6) des klickst mit da linkn maustastn ån und schon håst den link.
7) hiatzt kånnst im villacha-nett weitamåchn.
suach in da obern zeiln den klaaanen blauen globus mit da kettn drunter (link einfügen/editieren)
8) ånklickn und bei URL dein' link mit "STRG+V" einfügn, bestätign mit OK
farm9.staticflickr.com/8375/8435959310_3ee096cd75_b.jpg
9) hiatzt steht da link fiers büldl im v-net.
10) hiatzt druckst mit da linkn maustasten auf des klaane viereggerte büldl in da obern zeile (gölb mit zwaa bergspitzn und da sunne) und fügst bei URL mit "STRG+V" nochamål dein link ein. in da drittn zeile bei BREITE (width oda so) gibst die zåhl 500 ein. bei da höhe brauchst nix tuan, de kummt autematisch.
11) lei mehr OK druckn
12) es büldl im villacher.net bewundern
so måchs hålt i und es funzt ållaweil prächtig. warum aanfåch mit "STRG+C" und "STRG+V", wenn gumpliziert aa geht.
und wenns trotzdem nit funzt: såg mir bescheid, wölches büld du veröffentlichn wüllst, und i måchs fier di.
i wientsch ålln an guatn åbnd und a geruhsåme nåcht und såg pfiateich bis murgn in da fruah ("wenn gott will, wirst du wieder geweckt")
01.02.2013 18:56:hiatzt fållt mir gråd ein - könnt sein, dass bei breite die zåhl "500" bei dir nit stimmen muaß. waaßt eh, die inglitsch mit senare eggstramåße und mit senern pfundign linksvakehr ...
muaßt hålt a biessale brupiern, gaxt werd schon passn. |
| ruflo am 01.02.2013 16:22 (vua 4317 Tåg) |
kuhle, warat des scheen, wenn deine enkalan katzlen waratn? des warat a gaude.
 i bin froh, das unsre liabn enkalan enkalan sein tuamt.
__________________________________
mit >strg+c< und >strg+v< kånnst hextens büldln ausm net fladern, åba kaane eigenen (z.b. aus flickr) einfügen. |
|
|
|
|
