Wia i dos mit da nåssn Pfat glesn håb, wollt i wås üba die Pfat schreibn.
Is ma åba nix eingfålln, dafür a åndara sehr sinnvoller Spruch ;-)

Auf da Wiesn sitzt a Heischreck,
doch auf amål werd er stad,
weil da Baua mit da Sensn
håt den Kopf ihm weckgmaht.  

 Griaß eich

Dås Wochenend wår wudabår,
weil auf da Ålm Kirchtåg wår.

In Ålle a schöne Wochn !
s Wastale

 @ fibi und znix
A manst werd a Schirm reichn ?

A åltes Kärntnerliad geht so:

Da Wind waht, da Håhne kraht, heit weita nit schean
Da Wind waht, muaß za mein Ackerlan geahn.

Da Hadn blüaht, a Wettarle kimmt
Wer waß ob da Schauer mir den Hadn nit nimmt ?

Liabs Våtarle im Himml, i bitt di schean ån
Geah låß mir mein Hadn, wal i eh sunst nix hån.

Gott Våter håt's ghert und da Wind håt si draht
Vergelts Gott im Himml, hiatz bin i schon stad.

Dazu gehört eine einfache aber sehr schöne Melodie!

Åba dö kånn i leida nit einasingen 

( a so a " Wettarle" kånn schon wås ånrichtn)

 Ja wenn das so ist,  ja wenn das so ist, dann : Prost !
Alles Gute zum Geburtstag Martin !

 @ pfeiferle 😀😀😀
jå so is dås mit da Dichtung nit imma gånz anfåch !

@ fibi:  dås is schon mei 4. Tronfolger und 3 Prinzessinnen håb i a noch 😀

@ znix : waß i nit, wer in nåchfrogn

@ Ålle:

Auf ana Taf muaß i darzöhln,
håt's Enkale wås wissn wölln.

So tuat es hålt den Opa frågn:
a könntast du mir bittschön sågn,
warum da Oma ihre Beine,
fåst gånz gleich dünn send, als wia meine ?

Da Opa mant zan Bua sei still,
los zua wås i dir sågn will:

Bevur da Sturch die Oma håt gebråcht,
håt sie mit eahm a Spielchen gmåcht.

Weil stått dem lången Umawårtn,
då spielt sie liaba mit die Kårtn.

Und håt - ( drauf håt die Oma gspunnan)
- die Füaß vom Sturch ban Schnåpsn gwunnan !!!

Und zwögn's den Blödsinn håb i schon zwa Tåg lei Bild und kan Ton😭😭😭

In Ålle då herinn' a fröhliche neie Wochn

s Wastale

 Juchuuuuuhhh !!!

Da znix håt recht, die Sonne scheint !
Weil mir håm jå a Taufe heint.

I gfrei mi schon und wünsch dem Kleinen,
für ihn soll oft die Sonne scheinen !

In ålle Åndarn då herinn' 
wünsche  i a  im selbn Sinn:

von die Åltn bis zu da Jingst'n
ane wundaschönan Pfingstn !!!

 Griaß di znix
Hoffentlich host recht !!!
Mir homa (haben) Taufe dos Wochenend.

Ät  pfeiferle
I muaß erst ane Kårtn kafn

 Ät  fibi
Kommt Zeit, kommt Rat.

Ät  Martin und Barbara
Ålls Guate

In Ålle Åndarn
be happy !!!

 Griaß eich

Es regnet schon seit a påår Tåg,
obwohl i den Reg'n går nit måg.
Für Feld und Wiesn is hingeg'n
dås nåsse Wetta schon a Seg'n.

s' Sophale mitn kålt'n Årsch
wia man  in Kärnt'n sågt
måcht ihrem Nåmen ålle Ehr,
uns mit da Költn plågt.

Lei neamma lång, dås waß i gwiss,
weil Pfingstn schon gånz nachna is.
Und dånn, so hoff i liabe Leit,
fångt ån die scheane, wårme Zeit !

A fröhliche scheane Wochn wünsch i in Ålle

s' Wastale

 Für's  pfeiferle
( wås gscheiteres is ma heit nit eingfålln)

Da Hülfstschagl 

A Hülfstschagl dås is a Månn,
der von da Såch' nix was,
doch fåst åll's kånn.

Åba lei, wonn wer danebnsteht
und eahm dånn sågt,
um wås es geht !

So kånn a Dokta, fållt ma ein,
von seina Frau da Tschagl sein.

Jå und da Hülfstschagl im im Gender- Sinne
dås is dånn die liabe Hülfsjacqueline !

Und so a Hülfstschagl tuat für sein Herrn,
den gånzn Tåg den Hof schön kehrn.

Mit sien klan Besn tuat er flitzn,
Tågein, Tågaus tuat er fest schwitzn.

Dås siehgt sei Chef und sågt zum Månnn,
a Lohnerhöhung stangat ån.

Da Hülfstschagl is grantig worn
und sågt zu seinem Boss im Zorn:

Ban Lohnerhöhen do måchst mit,
Oba an greaßarn Besn kafst ma nit !!!

Jå so send se oftamål, die Hülfstschagl.

 Griaß di Martin
Schön, dåß dir wieda bessa geht !
Weitahin ålls Guate !

 Guatn Morgn !

@ fibi
Waßt fibi, i håb lei gidenkt weil i mit meina "Prognose" so danebn wår, warat gscheida, wenn i a Zeit'l amål nit so goschat war!

Bin a ålt's Binkale,
stell mi in's Winkale,
wal i nix kånn,
fång i nix ån !

Oda so ähnlich 😀

Hiatz hätt i fåst gschriebn: I bin mir gånz sicha, dåß du båld wås Besseres findn werst !
Åba dås warat jå schon wieda a Prognose 🙊😀

I wünsch in Ålle a schönes långes Wochenend !

 @ fibi 
I glab für mi is bessa i såg heit amol nix !
Tuat mir echt lad für di zwögn's dem Heislan !!!

 Griaß di Michl !
A bist du der, der vor 11 Jåhr a schon amol då wår ?
Also i kenn nur den Ausdruck "Hülfstschagl" =
Jemand ohne besondere Fähigkeiten, welcher jedoch mit Anleitung durchaus in der Lage ist alle möglichen Arbeiten zu verrichten.
Togga tat i nit sågn, da ein "Hülfstschagl" nicht zwangsweise dumm sein muss !

Liebe Grüße
Vielleicht schaust öfta amål eina.
s' Wastale

 
Supa pfeiferle lei so weita!!!

 Griaß di Frounz !

Dås find åba wirklich toll,
du kennst mi nit, do i di wohl !
Du bist da Mopedfåhra aus Spittal,
dei greane Schrift wår genial !
Håst imma lustig einagschriebn,
i håb schon gfrågt wo bist gebliebn?
Die Phoebe mant du warst eh gsund,
lei zum Schreibn, war er z'faul der Hund !
Vielleicht kånnst - (zur Freude von uns Menschen) 
wieda öfta a wås einatschentschn !!!

Liebe Grüße
s' Wastale