Geh pfeiferle sei nit so feig !

Weil ans is a noch gånz gewiss, dåß da Frosch hot beim Årsch ka Gebiss !😉

Es lebe das Leben.
Und lustig sein muas ma dawal an nix wehtuat !!!

04.05.2018 18:55:
 muaß soll haßn

 Griaß eich !

@ fibi : Maaaahhhh, brauchst  jå nit so umatumzappln, dås Heisle ghört eh schon so guat wia dir !!!

@ martin: Weiterhin alles Gute !

@ pfeiferle: Ån dir is a großer Poet verlorengegangen!

Wås i üba die Frösche waß.

Die Frösche dås send greane Viecha,
oft send se braun, do bin i sicha.

Doch håst du einen Frosch im Håls,
dånn muaßt di räuspern ållenfålls.

Dånn gibt's då noch den Breitmaulfrosch,
Dås is der mit da großn Gosch.

Und nit vargessn 's Schmålmaulfröscherl,
dås is der mit'n klanen Göscherl.

Der Frosch als Prinz, der tatat gern,
von ana Frau gebuslt wern.

Da Wettafrosch, sågt wia sich's g'hört,
wia nächstn Tåg dås Wetta werd.

Jå und da Labfrosch huckt gonz grün,
versteckt unta die Blattlan drinn.

Weil wenn er nit vursichtig ist,
dånn kimmt da Sturch, der ihn donn frisst !!!

Wås i zu ållem Übadruß zu dir am Schluss noch sågn muss:

Es is traurig oba wåhr, dö Frösch håmb beim Årsch kane Håår !

A lustiges Wochenend für Ålle

s Wastale

 

 Ich frug ihn, ob das Pferd gesattelt sei ?
Und er antwortete mir, daß der Frosch keinen Schwanz hat !

 Griaß eich ålle miteinånd

Also   z nix  i muaß schon sågn, deine kryptischen Postings überråschen mi imma wieda und regen mei Phantasie ån.
Die gånze Zeit denk i schon nåch, wås du öpa im Schutze der Dämmerung für ane gscheitn Såchn måchst?
Mir fållt schon seit Jåhrn nit amol bei Tåg wås gscheit's ein  ;-) 

Übrigens:
Sich über Philosphie lustig zu machen, ist wiklich philosophieren!   ( Blaise Pascal )

@ fibi
Mit'n Wetta håst åba wohl recht !!!
Frisch geräucherte Forelle mit Oberskrenn..... då varsamst åba wås !
Åba da pfeiferle kånn bestimmt wås kochn, dås uns bade schmeckt. ;-)

@ pfeiferle
Morgn is Pfingste, dås Wetta passt a und wånn dei Leidn a wieda bessa is, dånn is lucky day!!!Å

@ Martin
I wünsch dir so sehr, dåß Ålls guat gångan is !

In Ålle noch a schöne Wochn

s Wastale

 Griaß eich ålle miteinånd !
I wünsch in Ålle, dö gesundheitlich nit so guat drauf send: Gute Besserung !!!
Dem pfeiferle sog i danke für die Einlådung.
I waß jo nit ob i jemols noch nåch Kanada kumm, åba wenn...... pfeiferle, nocha muaßt Fisch selchn  ;-)
A schöne Wochn noch für Ålle

s Wastale

 Grias eich 

@ fibi

Die Nervn send gånz feine Stränge,
Von ana ungeheuren Länge.

Dö durch dein gånzn Körpa gehnd
( sogår bis eine in die Zähnd)

Send's nit in Ordnung, wern'd se bös,
als Folge werst du dånn nervös!

Kriagst Kopfweh und noch åndre Schmerzn,
doch nimm dir dås nit z'viel zu Herzen !!!

Am Best'n is' - i was' von mir,
Du trinkst dånn an, zwa klane Bier....

Dånn bist zwår niama gånz so Gscheit,
doch's Kopfweh is Vergångenheit !  ;-)

@ pfeiferle: a håt's di eingschniebn ?

 @ martin: Alles Gute ( I versteh dås, vielleicht mehr åls du glabst)

@ Ålle Åndarn

A schöne Wochn! Und imma schön fröhlich bleibn !!!

 # me too

Mit' m Sepp geht dås Lisale ham durch'n Wåld
Finsta is gwesn und går a so kålt.

D'rum  hängt sich die Liesl beim Seppl fest ein,
wal sie går so viel Ångst håt, wonn finsta tuat sein.

Sie sågt dånn zan Seppl: Tua ma jå nix, i bitt,
wal wonnst mir tatast, i dawihr mi jå nit !

Na na, sågt da Seppl, håb bittgår-schean ka Ångst,
I tua dir gånz gwiß nix, wås nit extra varlångst.

Und sö gehnd durchn Wåld und sö gehnd und sö gehnd,
da Seppl tuat richte nix, merkt sie am End.

Gach sågt die Liesl: terfst ma richte nix tan,
wal i kånn nit davonlafn, i fürcht mi allan!

Na, na sågt da Seppl: I låß di eh in da Ruah,
A håst noch nit gmirkt, dåß i dir går nix tua ?

Und sö gehnd und sö gehnd und da Seppl tuat nix,
rein übahaupt går nix,... deswegn sågt dås Lisale fix:

Åba wenn'st mir wås tuan willst ( kimmt a Seifzarle drauf):
Dånn muaßt die schon tummln, - wal da Wåld hört glei auf !!!

Dås Gedichtle is von Wilhelm Rudnigger und schon Ur- Ålt......

In Ålle dö gern lustig send,
wünsch i a scheanes Wochnend

s Wastale

 Translation for pfeiferle
Da Goldregn is schon gånz tschaupat wal rundumatum ålls klumpa dirr is.
Ban Radlfåhrn tuat fest stabn und aufpassn muaßt, dåß da nit a Schuastakäfa ins Maul fliagt,wal dås Gfick is a schon untawöx.
Oba dås g'hert se so

Liebe Grüsse in Ålle
s Wastale

 Griaß eich !

Wal heint Monte is...
Im Gurktål sågnt se stått blau.... blåb !

Und warum öpa dö Åmasn in da Mittn so dinn send?

Wia da Himmlvata dö Viecha gmåcht håt, håt er die Åmasn gfråg, wia sie gern ausschaugn tat.
Drauf sågt die Åmasn: grean und blåb.
Oba der liebe Gott håt varståndn: "in da Mittn åb"
Und so håt er sie gmåcht.

Liebe Grüße in ålle Richtungen und a scheane Wochn

s Wastale

 Jo uhh nååre !
Oftamål is wohl a G'frett,
wal i so gern wås sågn tät.
Sollt lustig sein und a zan låchn,
a weane sollt's nåchdenklich måchn.
I möcht nit schimpfn und nit hetzn,
a mit die Wörta kan varletzn!
Stumpfsinnig sollt' es a nit sein,
då fållt mir heint rein går nix ein.
Wal ålls wås i zan sågn hätt',
schon irgendwo herinnan steht !.... (Im Intanet)

Und deswögn heint dås:

Zwischn Ostarn und Pfingstn is die scheanaste Zeit,
wonn dö Vogalan singant und da Gugge schean schreit !

Wal heint fångt die döge Zeit ån !!!
Ållsdånn schean "giatla" umgehn damit  !

PS 
jå uh nååre, håmb se frühra im Görtschitztål gsågt. (Ausdruck der Verwunderung) Soll haßn:  is oba wohl komisch;  oda:  da bin ich aber verwundert; oda: zan Teifl nochamol.

Giatla  = gütlich, liebevoll, zärtlich, werterhaltend, gefühlvoll,einfühlsam unvm.

Scheane Griaß in Ålle

s Wastale




02.04.2018 08:47:
 A jå, gestarn wår Ostasunntåg und 1. APRIL
Lei fålls ana ban Maibachl wår :-))))

 In Ålle wås då einaschaugnt:

FROHE OSTERN

s Wastale

 Märzenschnee und Jungfernpracht verschwinden oftmals über Nacht.
s Wastale

28.03.2018 08:38:
 Guatn Morgn in Ålle
Märzengrün und Aprilblut?
Då kennt si jå ka Hund nit aus.
Håb i lång nåchgedenkt!
Kinntat sein, dåß dås Märzengrün dås greane Bier is wås die Iren am St. Patrick's day trinken?
Und Aprilblut.... Althochdeutsch -  "Bluot" -  Aprilblüte haßt?
A manst kinntat dås sein ha?
s Wastale

 Guatn Morgn aufn Monte
Da Monte is  der Tåg, wo dö, dö wås noch årbatn müaßn, 3 Blattlan obareißn müaßn vom Kalenda im Biero!l

Am Monte denkst' da richte wåhr,
war lei dö Woch'n schon båld går.

Jå uhh, wås håb den i varbrochn,
dåß sie sich går so zahrt, die Wochn?

A kinntat nit schon Freite sein?
Wånn Freite war, dås warat fein!!!

Doch sicha bin i nit so recht,
ob dås is richte wåhr so schlecht?

Wal aufn Irte kennt passiern,
dåß dir wer Bluman tat spendiern!

Und auf'n Mitte kinntat sein,
dåß di wer låd't zan Essn ein.

Auf'n Pfingste, solltast a nit spiennan,
då könntast jo valleicht wås gwinnan! ;-)

Siehgst schau und  kehr um die Hånd,
is schon da Freite då im Lånd.

Drum bin i jed'n Tåg recht froh,
wal's Wochenend kimm'b sowieso !!!

s Wastale
Und a scheane Ostawochn!

 Guatn Morgn ålle miteinånda!

Jå wår i richte wåhr obn. I kånn enk sågn, dås is a Genuss der Extraklasse. 
Dås außagehn bei minus 2 Grad brrrrrrr...
Åba am Ostasunntåg fåhr i wieda aufi, wal då gibts gånz wås bsundars!
Dö håmb nämlich im Winta auf Dobratsch obn 600 Lita Lavendlöl aufgegossn.
Kånn ma sich går nit vurstölln, åba irgend so a Gscheida håt dås berechnet, dåß heia genau am Ostasunnte dos Maibachl und der gånze Gråbn durt nåch Lavendl duftn werd. Also fålls wer  (z'viel) Zeit håt, nix wia aufi !!! ;-)

A wer is den heite Pålmesl worn?
An schean Sunntåg noch!

s'Wastale




24.03.2018 09:02:
 In Gott's willn !!!
Hiatz hå'n i die Uhr um an gonzn Tåg vurgedraht :-)))))

 @ fibi
Jå wal i auf da Seitn von da Frau Eisnbeisarin ane Bildlan ångschaug håb.
Bua, Bua, Bua. Åba so ane scheanan. 
Bin heint noch gånz durchanånd  ;-)

In Ålle a scheans Wochenend !