|
|
|
| ruflo am 31.12.2012 15:48 (vua 4350 Tåg) |
jå, andale so ies es, oft briennt da wåld, gaxt briennt da huat - und auf dem foto briennt da hiemml.
UNSERM FRÅNZ ÅLLAS GUATE ZUM GEBURTSTÅG! HOCH SOLL ER LEBEN!
|
| ruflo am 30.12.2012 08:26 (vua 4351 Tåg) |
so, da letzte sunntåg im jåhr ies ausgebrochn. wolknlos, a biessale kålt (so wia siches gheart), åba wundascheen. i wientsch eich an guatn morgen und an erfreulichn tåg, bivur i hiatzt mit da sally den täglichn morgnspaziergång ângeh.
@pfeiferle: da "unschuldige-kinder-tåg" ies imma am 28. dezemba, zur erinnerung ån die kinderlen, de da könig herodes umbringen håt låssn. liabe griaß nåch kanadium!
|
| ruflo am 29.12.2012 08:44 (vua 4352 Tåg) |
>>> "bei uns wornt kane do, denen gehts wohl z`guat?" <<< hihi, vielleicht håst åba lei du z'grantig gschaugg und es håt sich kaana einegetraut?
"... und es jåhr kriagt a gwicht ..." haaßt's in an kärntna liadlen und ginau so ies es. heit' und zwaa tåg noch, nåachan ies 2012 histerie. und des ies da grund, dass am sülwesta so vül leit histerisch werdn, bölla schiaßn, rakettnen åbfajern, sich zuasaufn bis zum geht niet mehr und am erstn jänna schleichn die schwårzn kåtern umma und sekkiern die leit.
des grausliche geballare geht nit lei mir, sundern aa in die årmen viechalan årg auf die nerfnen. mir tuan die huntalan und die katzlen und es åndare viechazeigs (im wåld!) laad, de jå niet wiessn, warums die hålbe nåcht hüldert und rumplt und glietzert und leichtet. de maanent valleicht, es geht die wölt unta. und es rehlein vatiaft siech in sei letztes gebetle, bivur dass es jiengste giricht ausbricht. und wenn aana sågg, da riechta ies eh lei "eine kröte" - der werd vascheucht.
wåhrscheinliech bien i jå lei a bleeda, ålta - wia da kuhle ållaweil sågg - nussnsåck, åba i håb noch nia in mein lebm an bölla oda a leichtrakettn ångegrieffn und trotzderwegn scheene und lustige jåhreswexl ghåbt. und aa musik-antnstådl brauch i kaan dazua.
håt er fier heit' ginua getschentscht, da ruflo? i maan wohl. drum finito und aus.
i wientsch eich an scheenen såmståg und a suppa-wochnend. |
| ruflo am 28.12.2012 12:03 (vua 4353 Tåg) |
i wår bis hiatzt bischäftigt, drum kånn i eich erst hiatzt an guatn tåg wientschn. guatn morgen geht niet, wenn schon die kneedl auf de tella rolln, wo es sawakraut wårtet.
piessna wårnt aa an haufn då. ies a scheena brauch, dass aan die kindalan xundheit und ållas guate fiers neiche jåhr wientschn tuamt.
und i wientsch eich aa wås:
frisch und xund
frisch und xund
beißt di ka floh, ka hund
xund bleibm und lång lebm
niet klunzn und gern gebm
a guats neiches jåhr
und an buam mit gekrauste håår...
undsoweita
kuhle, frisch und xund haaßt nit "friess umsunst"
|
| ruflo am 27.12.2012 11:18 (vua 4354 Tåg) |
jåjå, "lekka" ies echt karntnarisch. ies bei da kuah oda beim ox es gegnieber vom åasch, also niet hientn sundern vurn. und kånnst draus rinnzzungen, gsölchte, oda an oxnmaulsalåt måchn wennst wüllst. weil hientn warats jå oxnschwånz. i friess kaan lekka niet. håt schon a åndara in sein' maul ghåbt.
und geh lei wieda die fecktamizzi betackln, werst schon sehgn wås du hast davon. werdn bistemmt a påår trafick-antnen in estarreich vahungern. jå. werst schon sehgn.
i brauch seit 10 jåhr kaane tschick mehr. håt ma da dockta bei da augn-op xågg, i soll aufpassn beim huastn, dass mir niet die neiche linsn ausahupft ausm äugl, då håb aufgheart vom rauchn. åba vom huastn niet, des geht ållaweil noch recht guat. jå.
|
| ruflo am 27.12.2012 08:45 (vua 4354 Tåg) |
åams pfeiferle, gånz zuagschniebm ... bei uns håtz gestern am åbnd a fest schneeflöcklen åbagetaudlt. aan håmma z'såmmgebråcht. naa - niet meta, zehntimeta. aan zehntimeta. åba reicht schon, damiet dass da ruflo beim hundsspaziergång heit' in da fruah auf seina bessarn hälfte durch die gegend gseglt ies. autsch! åba es aufstehn wår ierger als wia es umfålln. seind mir ållaweil die haxlen drunta weg grutscht. bin i mir vurkummen wia a schüldkroht. de wo aufm rucknpånza liegn tuat. jå. und fråg mi niet, ob i hiatzt blaue fleckn håb. eh wurscht, de werdn späta grean und gölb und nåachan seindse furt.
an guatn morgen und an scheenen tåg wientsch i eich.
goottzwülln: ies schon wieda pfingsti heit' und niex werds dauern, ies wieda a wochn umma. und murgn kummen die piesner (schapper). håb i schon an hogga kreizerlen gsåmmlt. ies da tåg der "unschuldign kinder". jå, sowås gips aa noch.
|
| ruflo am 26.12.2012 22:11 (vua 4355 Tåg) |
... und wia gehts unserm beißerle? gidåcht håb i vül ån di und daumelen gedruckt aa. wünsch dir ållas guate! aa vom mietzale.
und eich ålln wientsch i a guate nåcht. meine werd dånk arthritis und musklkrämpf niet die beste werdn (håb eh schon magnesium gschluckt, åba då kriagst hålt wieda die scheißarei), nåjå geht schon. es gips schlimmares.
pfiateich bis murgn und schlåftz guat!
|
| ruflo am 26.12.2012 07:33 (vua 4355 Tåg) |
i håb nit gschätzt, andale, i håbs gwusst - weil deine drillings-enkalan zur gleichn zeit auf die wölt kummen sein, wia unsare zwillings-enkalan.
i wientsch eich an guatn morgen und an scheenen stefanitåg. |
| ruflo am 25.12.2012 12:04 (vua 4356 Tåg) |
jå heeee, kuhle, deine zwaa drielling seind hiatzt båld fümpf jåhr ålt, då werdn se eppa wohl schon gehn können? håst du aa so lång gibraucht, bies du's dalernt håst??? |
| ruflo am 25.12.2012 09:31 (vua 4356 Tåg) |
jåjå, pfeiferle, kristkindle wår då. und brav ies es gwesn, sowås von brav... håb mi eh schon jedes jåhr gfrågg, fier wås so a ålta krabbla noch so vül gischenke brauchn tuat. und des fråg i mi haja aa wieda. åba gfrein tuatz aan derwegn. håb mir aa sölba a scheens gischenk gmåcht: an sony-vaio läptopp. und weil meine påtschertn finger, de niex mehr dagreifn tuamt, niet auf die tastatuhr aufepaassn und miet dem viereggertn wieschföld niet z'rechtkummen tuamt, håb i mei åltes kiehboard und die funkmaus ieber an usb-schtieck ångschlossn. funzt klaass.
schlåf guat, traam wås scheens und griaß dei erika scheen und aa den fiam.
i wientsch eich ålln an guatn morgen und an prächtign christtåg!
und a tschudlhaubm håb i von mein mietzalen aa kriagt, damiet dass mir beim morgenspaziergång miet die huntalan niamma so kålt ies in die uhrwaschln. jå. terf i hlt niet vagessn aufsetzn, sunst nutzt sie niex, wenn vom koflachgråbm da eisblåse aufawaaht.
|
| ruflo am 24.12.2012 10:04 (vua 4357 Tåg) |
in unsra latern vur da haustier briennt a große kierzn, so a årt "ewiges liacht" schon seit monatn (ållaweil wieda a neiche). irmile, schaug åba von deina wolkn. mir denkn ån di und hoffn, dass du aa a friedliches weihnåchtsfest håst und kaane schmerzn mehr. mir vageessn di niet. |
| ruflo am 23.12.2012 17:53 (vua 4358 Tåg) |
i wientsch eich an nettn åbnd und a guate nåcht. ___________________________________________________________________ 24.12.2012 01:22:a wundascheenes,
fröhliches und xundes
weihnåchtsfest
wünschn eich
es mietzale
und da rudi.
die sally schliaßt sich ån.
dånkscheen
fier enker freindschåft!
|
| ruflo am 23.12.2012 07:25 (vua 4358 Tåg) |
pfeiferle schlåf guat und traam wås scheens.
und ålln åndern, auf dera seitn vom groaßn teich: wenn des ausakralts unterm gulter: vierta apfent!!! und murgn kummts christkindle.
an scheenen sunntåg wientsch i eich und hoff' es geht eich ålln guat.
|
|
|
|
|
