@chrischtele: recht host. a bissle sündign ghert donn wohl aa dazua. ma muass sich schon hin und wieda aa belohnen.
29.03.2011 22:45:biiiiiittäääääääääääää, i muass ich wos dazöhln:
de liabe bea und i gehn heite am nochmittog a bissale auf da insl spaziern. beim retourweg steht do a so a neimodisches klumpat, wos sich "selbstreiningende toilette" schimpft. die bea sogt: des probier i jetzt amol aus, i muass eh! ..... guat!
olle baade les ma des lobeshymnenplakat, wie toll und selbstreinigend des neimodische heisl do nit is und dos der spass lei 0,20 cent pro benützung kostet.
beim geldeinwurfdingsbums steht olladings da betrog von 0,50 cent - wurscht -olso wirft de bea des göld durt eine und auf amol geht wie von zaubahond a schiebetir auf und mocht den weg ins neie wunda der toiletten frei. bea gonz eine - i schau lei, weil i trau dem zeigs nit - bea sogt, do is oba noss auf da brülln (obwohl des lobeshymnenplakat vaspricht - durch fönluft olles trockn). des wor des letzte wos i von ihr ghert hob, denn donn is de tir hinta ihr zuagongen. dauat olladings lei a poor sekundn, öffnet de zaubahond schon wieda de tir, bea steht und schaut imma noch vazweiflt auf die nosse brülln und noch vül vazweifelta zu mir ausse und maant, jo i bin jo noch gor nit fertig, wie so geht den de tir auf?
sprachs und schon wurde die zaubahond wieda aktiv und de tir wor schon wieda zua. mittlaweile hob a i an leicht zweifelnden gsichtsausdruck aufgsetzt - wie xogt, i trau jo dem neimodischn zeigs iiiiibahaupt nit und jetzt waaß i aa warum, denn: plätzlich her i an lautn wossafoll plätschan und kurz darauf an noch vül lautaren schrei!! donn wor mir klor, warum des gonze nit 20 sondan 50 cent kostet, es is nämlich a dusche um 30 cent vurm pinkln dabei. de zaubahond hot de tir wieda aufgmocht und vur mir steht a waschlnosse bea in an im hintagrund noch imma durch zaubahond sölbstreinigendn scheißhaus.
endeffekt: hiatzand wor unsa bea zwor sauba, oba aufs klo hot sie imma noch miassn....
