jåjå, beale tua lei kupiern, so vül wia du wüllst. freiliech terfst.
lei bei de huntelen ies es kupiern vabohtn. bei de terf man es schwanzle und die uhrwaschln niet weckschneidn. ies jå türquellerei. då kummt in fiellah die frau windisch und zaagt di ån. und rächt håtze. weilwennst schon amål a huntale ohne schwanzle mietm schwanzle wedln håst gsehgn ... naa, des schaugt saubleed aus.
schaug da lei amål so an bockser ån, der muaß går niet schmeling oda vitali klitschko haaßn, kånn aa a fluffi oda a wauzi sein. a eingschlågene schnauzn und zuagspitzte uhrwaschl und nåachan es schwanzle aa noch minimiert? und warum aa weckschneidn, ha? a jeda soll des schwanzle håbm, wås ihm die mame natuhr gschenkt håt und wås er vadient håt und damiet z'friedn sein. nudl.
bea - wölt- oda wortmaasta bien i kaana, i plåppa hålt sowås daher, wås mir gråd so in meine - noch iebrign - grauen wiendungen kummt (wås da alzi noch niet gfressn håt) und maastns ies es eh lei ieberfliessiger bleedsinn. man redt hålt so, wås da tåg lång ies. oda wia se in stocknboi sågn tuamt: "plåppaschaaß treib aus die gaaß!"
