Jo griaß Goot !
@ Inge St. Des is gooonz anfoch. Schaug: Nebm den weißn Föld wo de schreibm tuast send gölb, klan å und groß Å. Brauchste lei onklickn wennst de Buchstobm brauchst. FERTIG !! Wo kiemst denn her...??? Waast mia send do neigierig !!!! I bin aus Spittal. Da Wöltmasta Coolati aus Wernberg und da Ruflo von da Kreizn. Phoebe sitzt in Wean und da Woldschneck is in Bayan, fost mei Nochba, weil I (leida) a im Ollgai (Bayan) wohnen tua.

Heeee, wo seits denn heit olle do ??? Bin I a wieda do und nix fasupft im Moor und Leich hon I a kane gsegn. Lei a schworze Moor-Quacke. Send ma fertig gwesn mitn wondan hots zum regnen ongfongen. Wia ausgmocht. Mmmmmh und da Wurschtsolot hot gschmeckt. Woldschneck hots a ibalebt es mitfohrn mit mein (wia sogt a imma...) "REISKOCHA"! Oba MEI Auto is imma noch bessa beinond ols wia sei Mülltonne auf viea Radln. !!!!!! :):):):)

Griaß Eich ! Nix obe gfolln auf da Alpe !! Es wor sogor trockenes oba koltes Wetta do obm. Gegrüllt hom ma a aufn Woldschneck sein sölba zommengschuastatn Grülla. Und heite hom ma grauen Himml und ka Suun. Trotzdem geh ma heite mit unsige Naturschutz-Kumpl wondan auf die Heh aufe. I winsch Eich an scheen Suuuntog in olle Richtungen.

Guatn Morgn in olle do! Regnen tuats und de Schoofsköltn hom ma a. Wurscht, um ölfe fohr I wieda auf die ALPE aufe, damit I nix mehr her und viiiiiel sieg. Mol schaugn ob I Wolknen daschieab. Oba de werdn wohl zweit weck sein. I winsch Eich woos, bis Somstog oda Suuuuntog.

Griaß Eich ! @ Coolatinga: Jo, so ähnlich. Im Waldorfsolot send oba noch Nussn drinnen und mandarienen. "Meina" schmeckt bessa !!!!! @ Woldschneck: Scheen is des. Soooo leise und schon send de Fliegl gstutzt von de Mauloffn. Von wegn "Mia werdn Europamasta"......! Auf wiedersehn, auf wiedersehn........! Heija wert Pantudorf Eiropamasta. Denen tat is vaguunen. :)

Ah woos is?? @ Coolatinga: A Schichtsolot is bei uns im Kärntna Landl niet so ollgänglich. I hon den a niet kennt. Schmeckt oba guuuuat. Muas ma ols genau noch Vuagoge eineschichtn in de Schießl. Zerst Söllarie donn Tschinkn gwirflit, Tirgnturtschkerna, Aja, Ananasstickln, Äpfl und donn de Majonees und obm drauf den Porree. A Nocht im Kühlschronk und donn zum Grüllfleisch dazua essn. I geh hetz Fußboll schaugn, so nebmbei, weil I noch a Drumm Wurscht essn tua aus Spittl Tschitti. MMMMMMMH. Bis Murgn.

12.06.2008 07:32:
Guatn Morgn!!! Hö....wosn los do??? Schloft noch ols oda wia. I bin heite a irgendwia miad noch. Kiemt daher dos I siebm Stund bei da Oma im Gortn wor. Davon hon I oba fünfe lei gratscht und mie wohlgfühlt mit de Mieta von da Wohnung im Haus. Tirkischn Tee getunkn und tirkisch gessn. Und hetz geh I mitn Hund, damit I woch wer. GÄÄÄÄÄÄÄÄÄÄÄHHHNNN...............

Jo, hetz wer ma Englisch. Und bei uns werts regnen. Wind geht schon. I wer hetz wos essn und norcha bei da Oma im Gortn ane Mohnbluamen einsetzn. De gfolln ma, de Staudnen. Blian sooo scheen Orantsch. Donn muaß I noch einkaafn fia de Hittn. Da Woldschneck hot sich an Schichtsolot gwunschn. Amol kane Blotschnen sondan der is mit Söllarie, horte Aja, Tschinkn, Tirgnturtschkerna, Äpfl, Porree und Majonees. Schmeckt guat. So, donn bis Obnts.

I foll niergents wo obe. Und wenn, norcha wert mie schon wer rettn. Send jo gnua Mannda dabei.

Griaß Eich ! A Wetta is in Onmarsch drausn. Mocht oba nix, weils drausn is. Am Wochnend geh I wieda auf die Hittn aufe. Hob ma Zimma ausgmoln und Vuahäng mit oba zum woschn. Mah, do wor a Dreck drinnen. A dunklschworze Suppm is ausagongen. Hetz is wieda ols scheen sauba. Ols aufhängen und Gleichnfeija mochn, des wert des Wochnend gschegn. Huuui, es Blitzt. Bis späta wenns aus gedunnat hot.

Griaß Eich! Aaaaaah hetz kenn I mie aus. IRMI wor in urlaub. Recht hot se !! @Cooli: Mei, Klognfurtz is jo am Somstog glab I voll im Fußboolfieaba. Do werts rund gehn mitn Bool. Bin I froh, dos I auf da Hittn nix mitkriag. Gwinnen werdn eh de bessan des waas I hetz schon. Gö, I bin gscheit ! :))) So, hetz wer I mei Lassanje einscholtn mein sölba gmochtn Gompa. Bis bold.

Guatn Morgn in da Fria! Kolt is gwordn, regnen werts. Oba Wurscht. I geh murgn derdawegn auf die Alpe, Hittn putzn. Und hetz glei mitn Hund. Bis späta.

Ka Lewakaas mehr ibrig gebliebm heite. Ols aufgfuattat. Und regnen tuats a. A scheen, kriagn de Blumelen amol Woosa und I brauch nix im Gortn tuan. I geh hetz meine zwa Serien schaugn. Vabotene Liebe und Marienhof. Bis späta, mol schaugn.

Kloor, kane Kaloien niet. Is jo da Taag schon mit butta und de Bresl und ibahaupt. Nah, Du tatest ma wos fuattan herst. So, Fensta giputzt dos da neie Deck plotz hot und hetz geh I mie Duschn. Zum TeVau amol schaugn wos kiemt, wascheinlich eh nix Gscheits wia ollaweil holt. In a poor Tog is es noch schlimma, wenn se wieda in Bool nochlaafn wia de Gstertn. No jo, in der zeit wer I donn holt Blumelen zöln gehn. Bis murgn amol.

Nah, in Goots Wülln wos fressts denn des ols zom do. Sempf mit Marüllnknedl und Kren. des tat I niet amol essn, wenn I schwonga wah! ha, ha, des mecht I segn, den Coolatinga bei ocht Kilo Lewakaas fanichtn. Mah he der Platzt jo des orme mandl herst ! und Erdäpflsalot dazua. Des gibt an Klescha wenns den donn zareist he.....! So, I geh hetz Fensta putzn. Suune is weck, norcha gibts kane Streifn im Glos von de Fensta. I winsch Eich wos.

Griaß Eich ! Oba so richtig Englisch oda wos des sein soll is es a niet weil Donkschen schreibt ma mit "th" und niet mit "s". Oba eh Wurscht, brauch ma mia jo eh niet fastehn. So, Obgekialt, regnarisch und de Bluamen, da Gortn und olls wos drausn so staab trockn wor hot DONKSCHEN gsogt fia den Platsch Regn. I geh hetz meine Kralln frisch wetzn und norcha einkaafn fia de Kirchn. Murgn gibts Lewakaas mit Erdäpflsalot fia 30 Leit. I winsch Eich wos.