marantana - wenn man so drieber nåchdenkt, kummt man diereckt ins vülosofiern. je ölta dass man werd, desto schneella laafnt de zaaga auf da uhre ummadumm. und die tåg rennent vurbei als wia die eironmänna. husch - seindse furt. und wås man frieha amål gmaant håt: "in meina bähnsiohn werd i ..." an schmårrn, geht niex, håst jå kaa zeit dafier. oda es zwickt und zwackt di ieberåll, dass d' gern dahaam bleibst. niet ållaweil, åba ållaweil öfta. derwegn ies am bestn, kaane größern vurhåbm auf die spätern jahrlen vaschiabm. es lebm spült siech heit åb und niet in da fernen zukunft. des maant da ålte ruflo.
und wenn's heit a recht grauslich is draußn und heit kaana von die scheenen tåg, wientsch i eich derwegn an settenen. und an guatn morgen aa noch dazua
i wer' hiatzt mein paraplüh nehmen und mei morgenrunde drahn. die sally und da bello brauchn des niet - de peitln siech åb und schon passt wieda.
12.11.2012 08:13:paraplüh håb i kaan gibraucht. niet, weil i mi åbpeitln håb können, sundern weils bei åll dem nebl und der gånzn unfreindlichkeit da natuhr wenigstns niet gåraso getropfetzt håt. und an haufn friesche luft håb i aa getankt. ies jå aa wås scheens.
