sodala. håmma unsern morgenspaziergång hienta uns gebråcht, die sally und i. bei wenig regn und vül nebl. da bello ies aa a stieckle mietglooffn. åba lei a stieckle. håt er båld umgedraht der zoottl. håtta kaa lust niet ghåbt heite. a so a faula zegga ...
dafier håt uns a krah a wenig begleitet. ies vur uns her gloffn. håb i sie eh gfrågg "warum fliagst denn niet? fier wås håst denn zwaa fliegalan, ha?" åba de ies liaba z'fuaß g'gången. nåjå - jeda wia er wüll. gaxt håt sie gmaant "krah-krah-krah", håt åbghobm wia a konkord und wår furt. åba niex mit mach aanskommazwaa - lei miet untaschåll. haaßt jå niet felicks baumgartna.
die sally sietzt hiatzt auf da maua im gårtn und siengt miet die kierchnglockn a liadle und i såg "pfiateich, an guatn morgen und trotz dem (es lebe da dativ!) sauweetta an fröhliechn und scheenen sunntåg."
kuhle - wåch auf, es werd båld kruschpln!
11.11.2012 09:50:stölltz eich vur - es pfeiferle håt mir a mehl gschickt. er håt uns niet vageessn, åba er håt an murdzstress, sei xundheit ies aa niet die beste. mir wientschn ihm ållas guate und druckn ihm die daumelen. pfeiferle, måchs guat und schreib uns wieda amål und vielleicht gips wieda amål a v-net-treffn. des warat a gaude...
eich olle an schenen guatn morgn.