jå, es werd friescha. da hierbest pumpert ån die fensta und tiern und sågt "måchtz eich bireit, leitln, werd niex dauern und da wienta ies då!"
mein' ford håb i schon die schneepatschalan ångezogn, man muaß bei uns in 1000 m seehöhe schon miet ållm rechnen. werd niex dauern, werdn die staudn und baama am kreizna-båch vom reinfrost miet glitzasterndlen vazaubert sein. åba de måcht niet da swarowski. und im kreizna gråbm vaåbschiedet siech scheen långsåm die sunne. werd erst nåch mariä-liachtmess im feber wieder hienterm kowesnock auftauchn. und wenn die årmen leitlen då druntn a påår sunnenstråhln åbkriagn wolln, miassn sie zu uns auf die eben aufa kummen.
nåjå, die natur muaß siech hålt aa a biessale ausråstn, damiet dass sie uns näxtes jåhr wieda zaagn kånn, wås sie ålls zwegn briengt.
oda geht eppa echt am 21. dezemba die wölt unta, so wia des die meier miet senerm kalenda vurherxågg håbm? wer waaß. wenn mir am 22. dezemba aufwåchn, und uns tuat niex mehr weh - nåachan seimma gsturbm.
fier heit' wientsch i eich an guatn morgen und an scheenen tåg.
