|
|
|
| ruflo am 20.10.2012 08:51 (vua 4423 Tåg) |
an guatn morgen und an scheenen såmstig wientsch i eich.
chrischtele, wås tuast denn du in da reha? gehtzdawohlguatha?
långschläfa (murmele) bien in kaana niet - håb schon den hiendischn murgnspazirgång absulwirt. åba büldn gips heit kaane. håb i wohl fotegrafirt, åba seind eh ållaweil die gleichn büldln, lei die wolknen seind a biessale ånders und heit' seind fåst går kaane niet. åba dafier liegt reif auf da wiesn, und båld werd da reinfrost kummen.
|
| ruflo am 19.10.2012 11:42 (vua 4424 Tåg) |
brauchst ka ångst håbm, andale, werst sehgn die katarakt-op ies niet so schlimm. und a påår stundn wårtezeit gehnt beim augndokta schon drauf. mein termiehn håb i jå schon im juni kriagt. so lång muaßt wårtn. ... mei neiche brülln wer' i näxte wochn måchn låssn. daweil amål tuatz noch die ålte (brülln). meine haxn (und die umliegendn weichteile) sågn "tua di lei a biessale ausråstn, in der wochn mögn mir nix mehr untanehmen!" wer' i schon sehgn, ob i folg oda am sunntåg mir wieda mei wampale auf da windischn voll schlåg.
|
| ruflo am 19.10.2012 11:24 (vua 4424 Tåg) |
kuhle - pscht! - niex schwätzen! da ruflo siehgt hiatzt wieda ålles - kontrolle von meine guggerlen wår ohne bifund, passt ållas. neiche brülln kriegt er, åba sunst ies heile wölt. und die wientapatschelen håb i mein' ford aa heite ångizogn, derwegn bin i a biessale später drån zum guatn tåg wientschn.
gsölchtes mit liensnen und rieppalan mit bier auf die nåcht - då brauchst di nit wundern wennst niex guat schlåfest, aa wenn dei lekker noch so zfriedn ies.
wenn i auf d' nåcht sowås essn taatet, taatetn mi a die håbergaaß und ållahånd fienstare gsölln bisuachn und mir mein schlåf raubn. taatet da scheenste gulter niex nutzn. jå.
da rosennock låsst scheen griaßn (so wia man ihn von uns aus sehgn tuat)
www.flickr.com/photos/dueller
farm9.staticflickr.com/8196/8102196267_fa0726a215_b.jpg
|
| ruflo am 17.10.2012 17:14 (vua 4426 Tåg) |
murgn håb i an termin beim augnårzt (kontrolle) und då werd wieda eingetropft. bin i wieda bliend wia a flåttermaus (terrisch sowieso) und då werd i då heriennen im villachernett a pause einlegn, aan oda zwaa tåg - jenåchdem, werdn mir schon sehgn. jednfålls wientsch i eich heit schon an nettn åbnd, a giruhsåme nåcht, an guatn morgen, an scheenen tåg undsoweita ...
kuhle, werst wohl a åndares viechle fiendn, dås dir vül freid måchn werd und dem du a scheens lebm bireitn kånnst. und sei froh, dass des hascherle gsturbm ies, bivur dass es zu dir kummen ies.
|
| ruflo am 17.10.2012 10:51 (vua 4426 Tåg) |
den sålzspeck gips schon noch, den kaaf i oftamål - weil er uns guat schmeckt zua an frieschn bauernbrot.
und meine äuglen håmtze mir in da augnklinik in klafu schon vur 10 jåhr (baade) aufgschlitzt und aane blastigliensn einegitån. håb auf baade guggerlen den grauen und auf aan zuasätzlich noch den greanen star ghåbt. und i siehg ållaweil noch wia a lux. lei wenn i se zuamåch, nåachan werds fiensta. sugår am hellliachtn tåg. jå.
|
| ruflo am 17.10.2012 07:12 (vua 4426 Tåg) |
jåjå, andale, nimm ihn mit - låss ihn då (den paraplüh) åba fier heit' håtze jå wohl wieda bessares weetta ånxågg (die wundascheene dahme ausm orf, de miet de hiemmlhochn haihiels, wo ållaweil in balaton-plattensee einezaagt, wenn sie vom bodnsee redn tuat und bei der auf da låndkårtn siedtirol in melk ån da donau liegt). lei kålt ies hålt wohl mit lei 3°. åba wås niet ies, kånn jå noch werdn.
i wientsch eich ålln an guatn morgen und an wundabårn tåg, iegahl wås da petrus då obm ålls siech ausdenkn tuat, damiet dass er uns då haruntn a biessale tratzn kånn.
andale - speck und sassaka tuamma mir lei jausnen, wenn a bsundara tåg ies. ies niet so wia frieher, wo man zua de schuala xågg håt "bring in leera a seitn speck miet, kriagst an aansa!" åba aanige leitln håmt aa xågg "vasteckts den speck, da leera kimmt auf bisuach!" und most sauf i kaan, kriag i die retzn. und bier aa lei aans am sunntåg. jå.
|
| ruflo am 16.10.2012 07:10 (vua 4427 Tåg) |
wientsch dir an guatn erfolg, chrischtele.
kuhle, biest a guata streichla? nåjå, des ies jå eppes, wås mir aa noch ållaweil können tuan taan. håb kaane katzlen mehr (håmma frieher immer ghåbt), åba die huntalan håmt jå aa a freid damiet.
an guatn morgen und an scheenen dienståg wientsch i eich! |
| ruflo am 15.10.2012 07:36 (vua 4428 Tåg) |
bravbrav chrischtele, tua lei scheen lernen. schlåfn kånnst noch lång ginua. i wientsch dir ålles guate und an scheenen erfolg.
an guatn morgen und an sunnign tåg, a wenns triab ies, wientsch i eich. |
| ruflo am 14.10.2012 16:12 (vua 4429 Tåg) |
es "kastl" ies ållaweil okeh gweesn, lei da neiche faiafocks-brauser. der wår nit in urdnung. aana spiennt hålt iemma.
14.10.2012 17:10:wüll er wieda hupfn, da baumgartner, oda aa niet, je nåchdem. wenn da petrus a ruah gibt und schlåft - passt. wenn er wieda an wind fåhrn låsst der degene weettaschäf - vurbei und zigtausnd euronen seind wieda in wiestensånd oda in die liefte gsetzt. iegal, mir wurscht, i taatet eh liaba eishockeh schaugn. vauesvau gegn katz. wenn auf servus-tefau ållas auf den felix wårtet und ka hockeh-iebertrågung kummt, schaug i hålt auf laola1.tv
dem felix wientsch i derwegn ållas guate - soll er hålt hupfm wenn er maant. mei herz "schlågt heite fier den vausesvau". jå. nudl.
håt jå baades geklåppt. da felix ies ghupft und xund ies er untn ånkummen, und da vauesvau håt aa gwunnen: 5 zu 2. SUPPPPA!!!
|
| ruflo am 14.10.2012 09:03 (vua 4429 Tåg) |
an guatn morgen, an scheenen sunntåg und ållas guate, bsunders unserm fibilen!
jå, bea, håb i eh wieda ane bieschn ausgriessn. und heit' gånz bsunders fier unsa fibile  |
| ruflo am 13.10.2012 10:11 (vua 4430 Tåg) |
da untaschied zwieschn mäntsch und softwähr ies hålt leida, dass beim mäntschn es åltwerdn ållahånd muckn håt. bei da softwähr seind des mehr die neichn ausgåbm. bsunders bei de, wo mir bezåhln miassen - de kummen am laufendn bånd - und kaum håst se inschtallirt und gizåhlt, schon brauchst wieda a apdeit. jå.
maa, warat des scheen, wenns fir uns mäntschn aa a apdeit gebm taatet. åba so muaßt hålt bis zum åblaufdatum damiet rechnen, dass die bugs, wirren und drojahna bei uns ållaweil haifiga zuaschlågn, und då gips a kaa antiwirrenbrugramm niet. und nei-inschtallatziohn ies niet drin. nudl.
_______________________________________________
kuh, du maanst es häggis. des tua i såmmln und fier di aufhebm, wenn mir uns wieda amål sehgn, kriagst den gånzn gatsch.
|
| ruflo am 13.10.2012 09:47 (vua 4430 Tåg) |
sodala. wia gsågg: bin wieda då. i håb die neiche wersiohn vom faiafocks (17) installirt ghåbt und de håt mi ieba 2 tåg ausm villachernett ausegsperrt. hiatzt bin i wieda beim öltern brauser und wieda då. ållas in puta.
gehtzeichguat? mir aa so hålbwex. wientsch eich an guatn morgen und a scheenes wochnend. |
| ruflo am 13.10.2012 09:41 (vua 4430 Tåg) |
hallihallo - i bin wieda då! dånkscheen wuhte, håb a åndare wersiohn vom faiafocks installirt (16.0.1) und hiatzt funzts wieda. momentale - bin glei wieda då |
| ruflo am 11.10.2012 08:46 (vua 4432 Tåg) |
brawo, schnecki ... åba pass auf, dass d' niet z'hoch aufe steign tuast. ies gfährlich beim åbahupfm. :)))
wientsch eich an guatn morgen und an scheenen, neblfreien tåg. |
| ruflo am 10.10.2012 10:26 (vua 4433 Tåg) |
auweh - link funzt niet, åba schauggs hålt sölba nåch, wia des wår. i bien jå ka wohltätta niet. naa.
andale, mir zwaa seind jå aa kaane felixe niet. und der degene höld ies schon von gånz åndare såchn åbeghupft: von die petronas towers, vom christus in rio, vom häxten wolkngråtza in taipeh und wås waaß i von wo noch. åba då håt eahm kaa ösischandarm dawuschn.
i bin aamål vur unsra haustier von da letztn stapfl åbeghupft und håb mir dabei den hax vaknackst. jå.
|
|
|
|
|
