is jå aanfåch såågnhåft: schtöll da fur. i tatet a kittale ånziahgn und iebarn fiellaha haubtplåtz schtotziern und då tatetn de, wo des kennan sågn: "schaug amål, då haatscht da ålte mcruflo! und seine wadln håt er aa mit ana krah getauscht". und wånn da wind blåst, nåacha tatetn a de, wo keine aahnung nicht haben tuan, sågn "åba der is schon aus da vawåndtschåft von de degenen bawiane, gell?"

wås de leit ållas so erkennen...
werst sehgn, kuhlatti, amål werd ana kumman zu wettndass und dem gschneckerltn långnåsatn berufsjugendlichn sågn, er wettet, dass er waß, dass ma mir ållezsåmm, de ma dådadå im fiellahanet schreibm, lauta todln sein. und dass da bleedeste hundling da ruflo is. haha! :))))))))

går a so lång håb i gestern nit zuagschaugt bei dera wettarei. i håb ma bei dem musta von dem tommü seim ånzug die augn varrenkt und bin untarn gulta gekrochn. waaßt eh, wo i mastns huck.... då håb i mi dånn wieda derholt. und heit gehz schon wieda.

wohl, andale, is a taubm. lei mit de waachn aja håb i mi getäuscht. von andyle fliagn lei kizzes åwa.

@ kuhlatti: brauchst nit beleidigt sein, bist aa dreifuaßat. lei die andy siecha niet. de is a zwaafuaßate taubm. wo du aufpassn muaßt, von wegn die waachn aja wås von obm åba kumman.

@ wuhte: klår håst du dreie. lei hängt da dei dritta hax nit ausm gsicht. åba wia gsågt: die dreifuaßatn viecha håb i jå aa unhamlich gern. pfiatdi.

seas chrissy.
na, bin i nit umegfåhrn, lei hinghaatscht, es rennen wår jå fåst vur meina haustier.
abrobo tier: i måg ålle viecher wo zwaa bis vier haxn håbm. i kenn an hund, der håt lei dreie, den måg i aa. und die mausalan und ratzlen und die wultschka, die murmelen und die roatarschetn åffn und so weita. de måg i ålle. und die fegalan mit zwaa fiaßlan de seind iebahaupt liab, de luadan. bei de taubm muaßt hålt aufpassn, bei de hunt, dass se da nit aufn kopf a aale aufe legn, a waaches.
und de elliphanten måg i aa, obwohl de jå fünf fiaß håbm - ana hängt senen ausm gsicht und obwohl mi in dailånd ana beim reitn fåst åbe ghaut håt. i måg se.
åba: kraggnen, zezefliagn und ållas sowas, wås mehr - oda går kane haxn håt (wia da bandlwuam, da bluategl und die nåckatn schneckn pfui teifl), de kennan ma gschtohln bleibm.
und die fisch - wo mastns aa kane haxn håbm, de ghearn zua die ausnåhmen
ende da büo-stund.

@kuhlatti: naa, i håb kan fåhrn - äääääh - tschuligunk - bin mit kan gfåhrn, weil unsrige haflinga und norika ållesåmt kane radln nit håbm tuan. i bin lei (so wia ållaweil) bleed umagschtåndn und håb auf mei olumpus gedruckt. dabei seind so beileipzig 140 büldln ausagflutscht und a påår davon håst du auf da hommpeitsch gsehgn. genau a so wårs und nit ånders.
schåd, andale, dass du nit då wårst, mir håmma nämlich aa a fiellaha-bier-hittn ghåbt, wo da guate såft massnhåft ausa g'runnen is. då hättetn mir zwa a hefale kippm können, und den wuhte hättetn mir aa noch ångsaftlt. pfiatdi, seas!

da rollmops håt sich griehrt: neiche büldln vom drautåla pferde-schlittnrennen auf meina hommpeitsch. schaug eine, wånnst wüllst, wånn nit, nåacha hålt nit. auf jedn fåll åba: bleibz xund, des hundling.

du, kuhlatti, i maan, wånn i mi untarm gulta einringl, bin i aa a rollmops. a håltn de aa an wintaschlåf? nåacha san se ma simbatisch.

andyle, håst wohl schon dei liabs gsichtle gwåschn oda bist noch ålleweil eingfarblt, ha?

na, na, so a ånschtrengung, ålleweil dådadå umanåndableedln. i maan, i wutzl mi hiatztn zsåmm und geh als rollmops auf tauchstazion. und wånn da friehling kummt, nåacha wer' i wieda munta. werst sehgn, dånn is da ruflo wieda då. - pfiateich, des hunt, bleibz xund!

i waaß, warum se gsågt håbm, "die andy is a fårbmkastl" - weil - de håts wieda amål bunt getriebn!
då wern in kuhlatti seine rollmöpse aa nit viel hölfn.
i tua lei nåacha fåstn, wånn ma mitzale nix zum essn gibt.

@andy: so vül kizzes fier dei freindin? gottzwülln, bist du a schmusekåtz!
schmatz-schmatz-schmatz- ...

kennst dås schon:

wås is a klågnfurza aufm mond?
a rätzl.

und wås is, wånn ålle klågnfurta am mond sein?
die lösung.

leilei

he kuhlatti, wånns nåch mein briaftaschlan geht, ist heit da 31. feba. åba dås kånn jå nit stimman?
wia i gråd hiatzt aus da kistn ausakral, ins bortmonnäää eineschaug und ins fiellaha-net, daweil dass meine mäls so scheen långsåm durchs modem einatröpfln (jörgale, a stimmt dås wohl, wås du då gsågt håst mit dem kärntna bratbåndånschluss fier ålle, oda håst lei wieda amål gmault?), håb i zu mia sölba stårk di stårk die famutung geäußert, dass es åb safurt an 31. feba aa gibt.
is eppa unsa bundesschiessl ieba unsarign kalenda huschpfusch drieba g'rauscht und håt er då ohne die effen zan frågn, wieda wås rephormirt? oda håt lei da grassa in meina göldkåtz gånz schnell a schteiarefurm durchgfiehrt?
sege werd sein. weil bei da letztn schteiarefurm im jänna wår es dås gleiche. (am ende des geldes noch so vül tåg iebrig! auweh!) und dabei brophitiern eh ålle davon. lei i nit.
und hiatzt geh i an kuffee saufn, (schaug amål auf die ua, hearst, is erst siebene!) damit dass i munta wer'.
und nåacha glei drauf a fiellaha, zåhlt da wuhte, weil der årbeitet in da brauarei. haha.
leilei und pfiateich und bleibz xund, des hund.

he, kuhlatti, hättest ohne weitas wintschn könnan, ostan is eh lei båld. hättet ma mir hålt eia gsuacht.

meine güte, andale, i sågs jå: des wernberga seids uns iebrigen kärntnern jå meilenweit vuraus. zumindestns um a wochn. oda mia seimma a wochn hintnnåch. wia du wüllst. bei uns is nämlich erst in ana wochn fåschingsåmståg. åba dafier feiern mir då nåacha ausgiebig.
leilei.