du, andy und andalee: is enk aa schon aufgfålln: unsa wuhte is wia unsa bundesschiessl: schweigen im walde. haha.

@kuhlatti: i hån jå wohl a tochta. åba wånn i kane håbm tatet, - die andy tatet i glei nehman. åba ob de mi åls tate håbm möchtet, dås tatet i schon årg bezweifln. tua se du aportiern! oda haßt dås atoptiern?

bravo, andy, guat pariert! ruflo - marsch eine untern gulter!
und schåm di, du matscho.
åba waßt wås, andy: mir kriegn jå hiatzt seit erstn jänna jedn monat drei wurschtsemmln (lt. rechnung von NRAbg. frau fuhrmann 10 € = 3 wurstsemmeln) zuasätzlich zu unsara ieppign behnsion. waaßt wås - aane frieß i sölba, aane kriagt mei mitzale und aane gib i dir, de kånnst du nåacha sinnlos vaprassn. åbholn muaßt si da åba schon sölba, gell!

waaßt, wuhte, wås mia aufgfålln is? seit ma da andale-kuhlatti und i so hochwissnschåftliche dischkurse håbn tuan, heart ma nix mehr von unserm andyle.
siehsgtes, die weibaleit wissen hålt aanfåch, wo sena platzle is. daweil dass ma mia lötta bropleme wälzn tuam, stehn se am herd und kochn. so liab sein de zu uns. tatetmadennwennmadenithättetnha?

he, kuhlatti, wånn du mit liachtgeschwindigkeit fliagn tatest, då tatet åba da ålte bertl låchn, waßt eh, der wo gsågg håt „es is ållas relatief! und emzekwadrat a noch dazua.“ Und den kuhlatti sein scheinwerfa tatetn mir dånn als schtoppliachtle sehgn. tatest ausschaugn wia a mandrill oda wia de viecha haßn mit de roatn arsch. wabul!

siehgst, kuhlatti, des mitm zitronansåft und mit dem åbwåschzeigs håb i glei ausbrowiert. i waß hiatzt wenigstns, warum des so haaßt: wia i dås gsoffn håb, håb i so gebrüllt. derwegn haßts brüll. oda so.

und des mit die vülen liaben sterndilein, jåteifleine, wer wüll denn des nåchzähln, ha? i nit, då huck i liaba auf ana frischgschtrichenen bånk nieda. und nåacha bin i liniert. Haha

dass da tarzan kaan bårt håt, des håt mi aa schon g’wundert. der mentsch is a fenomään. åba falleicht is er a tarzanin und håt lei gånz klaane tuttelen, de man fåst nit siehgt. sunstn hättetn eahm schon längst de menetscha von dschilett fier die werbung entdeckt – glåttrasiert wia a bebipopo. uäääääiioiääääua!

und dass die diandlen ållweil påårweis aufs häusl laafn, is eh klår: die zweite muaß schaugn, wo die erste es zumpfale håt und nåacha witze wersa. finden tuambt se eeh mastns nix. lei gånz söltn gips a büologisches wunda.

und die åndarn frågn wer’ i ma im lauf der nextn monate durchn plutza gehen låssn. so schnell geht’s a wieda nit.

pfiatfdi, seas, ålta bawilonia.

nåchtråg zu mein kierbiss: hirn braucht ka serwiss, weil dås werd niamma gscheita.

åba ginau, wuhte. es is jå aanfåch unhaamlich, wås de technick heitigntågs schon ållas drauf håt. warum solls fiern kuhlatti kane illecktrischn äuglan gebm?
Wårt lei, bis da schwartlinga (oda haaßt der schwartlaua?) a zåhntechnisches lawuur aa noch kriagt. nåacha låss i meine beißerlen aa durtn måchn und roll aanfåch amål im jåhr mein kierbiss (nix bierkiss!) iebern fiellaha hauptplåtz åbe vur sena tier und såg: "amål dscheneralserwiß bitte: beißerlen, äuglen und uhrwaschl kontrolliern!" haha.

seas wuhte.

befur du hiatzn wieda in dein wochnlångan wintaschlåf vafållst und es andyle sågg, dass bei uns kana nix eineschreibm tuat, muaß i da eppes dazähln, åba pass auf, i såg da glei – des werd a långe gschicht. also blattl liaba weita, wånnst nit so guat bist beim lesn.

schtell da vur, i hån dem liabm teifl, wo mi ålleweil im tefau so herzlich ånlöchelt und sågg: „ihr robert schwartlauer“ zwaa neiche uhrwaschl åbgekaaft. elliktronische!
Seit dersebm hear i wieda die fegalan singan und aa, wås mei mitzale zu mir sågg, wånn se redt. zwaa! a linkes und a rechtes. ausschaugn tua i wia a ällien, åba weil i hiatztn jå wieda an guatn empfång håb auf meine lauscha, håb i mi gestan getraut, den ORF einzanschåltn. des wår a folle gaude!

z’erscht håm då de hintatupfinga såckhupfa gsågg, dass se a neiche zedee håbm tuan und dass ma mir de kaafn solln, weil de hiatztn derårtig gienstig is, a wånn ma mir se nit brauchn tuam – de vom ORF kriagn aa a biessele wås davon und dås gheart anfåch zua da gultur dazua.

nåacha is da scheene blonde hanseeee, waßt eh, der mit de zottatn munnbutz, kumman und håt g’juchatzt. då hån i es erste mål in meim lebm vur lauta riehrung greart, weil i seine sinnreichn texte vaschtåndn und gmerkt håb, dass der jå a biessele singen aa tuat.

åba dånn – i sågg da, na, wånn i amål hien bin, i geh da nit då obm aufe harfm und psalta schpüln – bei dera hitz! i wüll då åbe, wo se a fiellaha håbm tuan. hån ållweil gedåcht, untn is haaß und obm ångenehm küahl bei de engalan. jå, schneckn! der mit dem vaklärtn blick von de spatzlrutter kåstn, wo dås jå wissen muaß, håt nämlich gsågg, „ewig muaß da himml brennan“ (oda hån lei i fålsch vaschtåndn und da erste buckschtåb wår a „p“?).
nåjå, jednfålls håbm de aa a neiche zedee und „wånndimusischpült“ aa und mir solln dås uns jå schnell im ORFschopp kaafn. is wichtig, weil da ORF braucht es göld, damit dass er uns a gultur beibringen kånn.

und dånn - åba då wår i fåst a biessele traumatisiert – då håt ane a leeffele jockhurt gfressn und so laut gezwiellt „maaa is deeees guat!“ dass ma meine illektrischn uhrwaschl ausa gflogn sein.

wår als näxtes eh lei ORF-werbung fier schlosshotel und traumschief und rossamunde pieltscha und des kenn i eh schon und dås henkt ma schon durtn ausa, wo i meine zwa illektrischn schwartlauerlen eineschteck…

daweil dass de teppatn aufgeblåsanan hundling in roat, blau und grean an lotta auf die haxn ghupft sein und a zoodirekta gsågg håt, mia miassn aufpassn, dass uns da schpeck nit dawischt, håb i se wieda gfundn. die uhrwaschl. und im ORF wårn daweil de lustign ixixixlutzler. åba då bin i glåcht! haha. und nåacha håmt se gwurbm fier ållahånd schtinkasaftlen, zum bleischtift fier afterschweif (mit dem soll sich da tate es gfrieß nåch’m rasiern einpalsamiern)

die näxte sendung wår dånn „jörgale heite“, mit wieda neiche iewents und brojekte, und da gensa håt, wia imma, so liab åbagegrinst vom tefauschirm, i hättet ihn am liabstn herghålsn und a biessele niedagschmust.

und nåacha wår wieda werbung und då brauchst lei obm lesn, wås i då ållas gsehgn hån.
wia i beim jockhurt wieda meine waschln suachn gångan bin, wår eeh schon die ZIP drån.

då håt da schiessl (mir håmma aa an auf da wånd, då sehgn mir sunstn de illegalen tefau-senda) ane von seine söltenen wurtmeldungen g’schobm und håt unta ånderm behauptet unsa årma karlheinz is dodal unschuldig und mir brauchn åb safurt aal lei mehr dås vaschteiern, wås ieba 280 000 teuro ause geht. ållas wås drunta is, sein geringfiegige beträge. Då håb mi dånn aus dem zirkel der schteiazåhla vaåbschiedet, weil soo wenig göld wer’ i nianit håbm in mein lebm, und håb werbung gschaugt.
beim näxtn jockhurt sein mir die waschln niamma ausagflogn, weil i se eh niamma drin ghåbt håb.

und wia i dånn bei da sendung mitm första eingschlåfn bin und a påår festmetalan klaangsaglt hâb, und mi mei weible erweckt håt, håb i niamma gwußt, wia se haßt. åba gottzeidånk is ana von da schbårkassa kumman, der håt ma a so a rundes blastikglumpp ins maul gschteckt, då håb i wieda gwusst, se haßt mitzale. jåjå, so is hålt es gånze jåhr fåsching bei de kiniglhåsn am kiniglberg unfd obmdreinå ållweil gultur in reingultur.

und wånn hiatzt noch ana sågg, i bin a schreibfaula hundling – dem wer’ i’s åba zaagn. Der kriagt dånn de furtsetzung von meine tefau-alebnisse zan lesn. zum bleischtift, dass de beim ORF um viere in da fruah fier unsare liabn gschrapplen schon japsentrickfülme sendn. damit dass die madln und buabalan vurm schualgeahn aa noch a biessele gultur tankn können. miaßt’s es hålt aufweckn, enkare liabn klaanen, und wånn se tschentschn senen beibringen, dass gultur aanfåch sein muaß. denkt’s lei amål auf die pisser-studie…. und fier die maame håmma dånn eh am vurmittåg und am nåchmittåg wieda die zwaatausnddreihundertsexesechzigste wiedaholte wiedaholung von "schiach und årm". sovül zur gultur.

i maan , i hån mir mein wintaschlåf vadient und kriach untern gulta.

pfiateich, des hund – und bleibz xund!

jå, is nit schlecht, der såga. åba nit auf mein' mist gwåxn - is man i auf an von die fiellaha-bier-deckl amål draufgschtåndn. oda wia. irgndwo håb i des hålt schon amål wo glesn. åba is eh wurscht - hauptsåch: la bier rinnt!

gulturgeschichtlicha nåchtråg: am bestn håtz bei die åltn minoer der mini daurus ghåbt, weil, wo der gwohnt håt, håtz ghaaßn "la bier rinnt"

jåjå, andaleee, "dos cervezas" san fier mi noch nia a fremdspråch gwesn. åba dreie san ma noch liaba. änd wuen ju häf foor biier for miie, is ma noch liaba. lei bei unsare siedlichen nåchbårn is la bierra lei nåacha guat, wånn sege von fiellah importiert werd. sunst is beessa, saufst vino bianco oda rosso oda tinto wia ma mia ålte konkwistadores sågn tuam.
seas, du ålta fönitzia!

recht håst, kuhlatti, åba zwengwås redst denn auf amål in da schreibe?
seas, måchs guat. pfiatdi

@ wettn dass: i erkenn, wånn ana schpeibt, ob dås a fiellaha wår oda nit. weil, wånns a fiellaha wår, sågg da betreffende "schåd, dass ma dås ausm gsicht g'runnen is!" beim muraua oda ottagringerer sågt er "guat weck!"

hån i vagessen: gellt wuhte, de wo sich auskennen bei de schottnkaro haßn fåst ålle Rettl oda so?