@pao lee:
jå herzlichen glickwuntsch, kinesa, ålta huntling! so a freid!!! a so a poppale is jå wohl dås scheanste, wås an fåta passiern kånn. ålls guate deim buzzale, und herzlich wüllkumman auf dera scheanen wölt! lei ans vaschteh i nit gånz: wia måcht ma denn dås, mitm schtorch. ha? mei mausale und i håmma unsare kinda selba zåmmgebastlt. warat vielleicht weniga anschtrengand gwesen, beim schtorch beschtölln. oda bei da kwelle, oda beim kastna und öhla. oda wås waß i wo. åbe hiazt is z'schpåt, auf jeden fåll gib dein töchtalan a schmåtzale vom åltn ruflo und von sein kåmpfhuntling otto.
seas, pfitdi, bleibts xund.

seas ålle mitanånda. i bin a wieda amål då. meingott, is jå schon so schean draußn. då kånn i niamma untam gulta huckn, då muaß i auße mit meim kåmpfhuntling. die fegalan tschwitschan und die zottlhosn blüahn und die briemalen und feigelen a. und die petzln flitzn durch die gegend und juchazn die hålbe nåcht und singan in senare weiba die kåtznsonatn vur dass lei a so a freid is und ålls lei so hillart. lei da otto håltet sich die waschln zua, åba der is jå nix musigallisch, der dolm. vaschteht nix von da gunst. jåjå, da friehling is då. und i gschpiers a in meine åltn banda.
bis zan nextn mål, pfiateich!

@obavellacha: seas lotta!
@pao-lee (kinesa): ma, is de groaß!!!
@cat: da meinige otto is so wås von intellidschent, der låsst sich nit in april schickn. der sågt zu mir "kumm, herrli, gehma gassi!" nåacha ziahg i mi ån und da hundling grinst und mant "seimma eh schon gwesn, du hirsch!"
@wuhte: dånkschean für die tolle villacher.net-adress.
pfiateich, seas, bleibts xund, des hunt!

a, wuhte, du manst, de hamt dås åbsichtlich so gmåcht, de fauesfauler, ha? ma, de hunt seint åba går nit bleed. nåacha wer i in die ådla åba fest die daumen druckn. da otto tatet a, åba der håt kane. daumen. viielleicht beißt er sich dafiier in schwaf. is a nit schlecht - hülft a viielleicht.
pfiateich ållemitanånda

@kuhlatti
måcht jå nix. wånn dei richtiga nåman nit coolatti is - sei froh, dass du iiebahaupt wås haßest. i, wånn i in schpiagl schaug, ingottswülln - iiebahaupt in da fruah - hearst, då daschreck i mi vur mia sölba. und außadem haß i jå, wia du schon richtig gmerkt håst, a nit ruflo, den scheanen nåman håt ma da wuhte vapasst - und i wear eahm ewig dafiier dånkbår sein. åch wia guat dass neamt nit waß, dass i ruflo von kreizn haß. kennst eh den rumplschtülz. seas kuhlatti!
@ ålle åndan: auweh, da fauesfau håt von die innschpruckcha ans aufn deckl kriagt. hunt, he, hiatzt miaß ma weita die daumen håltn.
pfiateich, bleibts xund.

wuhte, huntling, kånnst åba eh schon guat feela vabessan!
waßt wohl, i bin a amål in a folgschual gångan, håb åba nit går a so gfolgt, dawegn håt mi de fraln (håst de a schon im weatabiachl, ha?) ausgschumpfn und scheitlknian und winkeleschteahn låssn.
huditsch, dås wår åba gemein von dera! åba a biiiesele håt sie mi schon g'möcht, weil sunst hätt sie mi nit in jeda klass zwa jåhr gekåltn.
liaba hättet i wohl den wuhte åls leera g'håbt, war beschtimmt mehr gaude gwesn. åba hiatzt is z'schpåt, hiatzt bin i z'ålt und z'bleed fir de tanz.
pfiatdi, wuhte, seas kuhlatti und bleib kuhl, habedere die åndan - bis zan nextn mål

... und hiatzt nåch dera ånschtrengung geh i wieda huckn.
pfiateich, seas, gut neit.

@wuhte: a, fir wås brauch ma denn mia a alfabet (dopplbet, lottabet, himmlbet, ehebet, wåsabet, blumenbet, krautbet, mistbet, elisabet, ...) wånn ma mir a fiiielaha aufm tisch schtehn håm. tua dechta nit den årmen kuhlatti so sekkiern, wenn er de ardickl hålt går so gern håt.
is eh guat, wånn de huntling de werta nit so schnell findn, de se suachn, bleibm se wenigstns lenga im fiielaha-net

am sunntåg hån i vom dobratsch her ibarn erzberg, durchn koflachgråbm aufa zua uns auf die ebm (eben) eppes garbln g'heart. då bin i untarm gulta ausagekralt, håb mi amål åbgebeitlt, wia da otto (mei kåmpfhunt!) des a ållweil måcht, wånn er ibars biotop laft und beim diienen eis einbricht, nåacha wår i a biessele munta und hån gwisst: da wuhte håt bei die wintageims bröcklan g'låcht.
i man mei wintaschlåf geaht gach zan end. åba a wenig coolati is ållweil noch, ibahaupt wånn da blåse blåst. (kuhlatti? hiatzt waß i, von wo dem sei nåmen her kimmt. der is nit von da brauarei, sondarn von ana åndan getrenkefirma, von da okm!) .
i man hålt, i wer' a påa füttermiene fressn, damit i fütter wer' und wieda gach amål dem wuhte wås in sei gestebiachl einschreibm kånn.
ma, hunt, he, bin i hin! dås is beschtimmt de fruahjåhrsmiadigkeit.
pfiateich. bleibts xund, des hunt!

pinklånleitung: ma, huntling, muaßt hålt niedahuckn, wearst sehgn, dånn triffest ållweil. und z'erscht den deckl aufhebn. sunst geht nit so guat. åba måch da nix draus, dös is a wissnschåft, dås wiiischln;håt nit amål da otto gwißt, wia dås geht, is gach amål umgflogn dabei (nå, schteh du auf drei haxn), håb eahm åba i demonstriert, wia dås geht, huditsch! und hiatzt waß er.
pfiateich, seas, bleibts xund.

seas coolati, genau, die tschurtschln seind de, wo da otto ållweil vom spazierngehn hamzahrt, obwohl i eahm schon so oft gsågt håb, dass ma mir de daham nit brauchn, weil mir nit mit holz hatzn tuam. åba manst vielleicht, der hirsch nimmt amål a kånndl hatzöl mit ham? nit amål denkn. pfiatdi, seas.

... und da wuhte håt ibahaubts ka schånz nit, mi zan vakuppln, weil i erstns untarm gulta huck und i zweitns mei mausale håb, de wo des nit megn tatet und drittns - fir wås soll i ma so an schtress åntuan, håb eh den otto.

also mi wundat går nix mehr, dass i bei der költn då aufm berg bei uns harobm total zsåmmschrumpln tua. i huck den hålbn tåg untarm gullta, weil då is schean wårm. åba wårtets lei, bis da friiihling då is, dånn schprießn die schneaglögglen und de lebableampln und des åndare kreitlach. dånn wear i a wieda auftauen und enk wieda amål wås ins gestebuach schreibm. bis es so weit is - pfiateich, bleibts xund und seas von da kreizn åba.

sixt wuhte, drei monat håmtse gebaut am neichn schweineschtåll. und drin seind ållweil noch die gleichen fåckn. a waßt du, fir wås de uns frågn, wia se tuan solln?
seas, pfiatdi und hearz ma auf mit da bolüdük.

@ cat: hiatzt waß i, wia a mof ausschaugt. da manndlmof is der, der die weiba durchwamst und da weiblmof is de wo ållweil tschentscht und pläart, sogår im tefau.
@ hertale: meingottmeingott, mit dir tatet i derårt gern umanåndapritschln, åba i waß nit, wås då mei herzållaliabstesgoldschtick sågn tatet. scheeen guat, dass du nit in baden-baden wohnst, weil durt seint valeicht a a påår mofs daham.
@ wuhte: a bist no nit båld ausgschlåfn, ha , oda ausgschloffn?
@ ålle åndarn: seas, pfiateich, bleibts gsund.