|
|
|
| coolati am 27.11.2010 15:18 (vua 5745 Tåg) |
bei unsre lieblings nocht born hassnze a "eiafrüchte"
des sen a gonz normale auberginen. nur brotn muassma sie kennen wal sie sovül fettn aufsaugn (oel)
und foschinks kropfn a kane nit |
| coolati am 27.11.2010 12:00 (vua 5745 Tåg) |
seawas irmi! des gedudl geht ma a am nerv lei da glühwein nit, kummt drauf on wiea vül ma tringt. so 1, 2 holbe bier gangatn schon. und de dekurazionen in de gschäfta ;-((((((
hiaza gibs bold wos zum essn. i wer amol schaugn wos
27.11.2010 14:32:
melanzani hots gebn.guat.gibrotene scheibn.
schmeckt wia fleisch, is oba kans. undbei dem gspül hob i a gwunnen.
27.11.2010 14:35:
de strosn zua uns eina is schon total appa. sie glänzt gonz noss |
| Irmi am 27.11.2010 11:56 (vua 5745 Tåg) |
@Ruflo, du sprichst mia aus da Seele mit dem Weihnåchtsrumml-Glitzakitsch-Dauabedudelung-oh du frehliche-besiennliche-kaafts-kaafts......
|
| coolati am 27.11.2010 10:43 (vua 5745 Tåg) |
guatn morgn! is wieda a bissale spot wurn a hondwerka is do. es schaugt wia wenns gschniebn hätt sogor die sunne scheint.
27.11.2010 11:19:
ah,is schon wieda somstog? i bin gonz durchanoda.
desorientiet sogt ma. in olle de noch do harin sen a an schenen freutog. |
| ruflo am 27.11.2010 10:21 (vua 5745 Tåg) |
jå, hihi, i bin da grinch. oda de grimmlaus aus da weihnåchtzgschicht von dickens. vom tscharlie, ...
waaßt eh wia des ies: jedem tierchen sein blähsierchen. åba soo ies es jå aa wieda niet, dass i weinnåchtn går niet måg, naa. wås i niet måg, seind die auswüxe und die kommerzialisierung, des wås die wirtschåft aus da "stillstn zeit des jåhres" gmåcht håt. soll noch aana sågn, weihnåchtn ies a besinnliches fest ... hahaha - då kriag i an låchkråmpf.
und gschniebm håts aa. niet vül, åba die kinda und die hundling gfreits.
27.11.2010 10:29:måch da niex draus, beale, tua lei schwörmen von die weinnåchtn. ies jå nix gfahltes, wenn die leit vaschiedana meinung sein tuamt. |
| schoba am 27.11.2010 09:50 (vua 5745 Tåg) |
guten morgen
ruflo - wenn du so wirgend iba weihnachten schreibst, kummscht mir eher vur wia hirsch - nit wia ölch! so schod, dass irgend eppas weihnachtn in dir hin gmocht hot - so wia a in dem grianen monsta "grinch" - oda wia der hetzt schnöll haast.....
na guat, wear i holt vasuchn so wenig wia meglich dariba zu schwärmen....klingbim
wean is ongezuckat ... sooooo scheeeeen! fost wia weihnachten!!! ah, hetzt hon i schon wieda.....ruflo, wollt i nit !!!
winsch eich olln an scheenen erschtn -wia sogat da ruflo- apfent |
| ruflo am 27.11.2010 07:01 (vua 5745 Tåg) |
an guatn morgen und an scheenen såmståg eich ålln.
fibile - dånkdascheen fier die berührenden liader. måch lei dei apfentkranzle - i bin sieha, dei klaane freindin schaugt dir von obm åba zua und gfreit siech mit dir. und nimm des, wås da rudolf florian, der ålte sudhäfn då untn schreibt, niet gåraso ernst:
apfentkranzlen und weinnåchtzdeckuratziohnen seind jå so a såch. i måg sie niet so gern, i håb am liabstn die wein-nåchtzkeckslen und i fråg mi iemma, warum man de erst am heilign åbnd essn terf, sågg mei mietzale, und nåachan wölgn se bies ostern in da blechtschåchtl umanånda. warum gips im august und im oktoba und so kaane weinnåchtzkeckslen und kuckucksbussalan? iebrigens schreit da kuckuck jå schon im fruahjåhr und niet erst im apfent odawia. familienkipflen seind aa wås guatz. åba apfentkränz? de kånn jå höxtens da kuhle fressen. i måg de niet. sowås kummt mir niet ins haus. und murgn ziend i då drauf es erste kierzle ån.
wenn iiii in aan gschäft "tschinglepells" hear, geh i am liabstn hintarische wieda ause und wenn de då "süßer die kassen nie kliengen" und "whaiiiit grissmäss" dudeln, kriag i die kriehse.
und wenn i des depperte liad vom bsoffenen rudolf mit da rotn nåsn hear - wer' i taamisch. jå såg amål, bien i falleicht a renntier oda sowås? ha? a ölch falleicht, nåjå, weil den ölchtesst håb i schon biståndn. åba a renntier? des gips jå lei bei die låppn. und håb i falleicht an roatn pöppl? ha?
|
| Phoebe am 26.11.2010 23:25 (vua 5746 Tåg) |
jo, de autos send schon matschig-weiß...
i tua grod weihnochtsliada fir mein papa zommenstöllen, doss er aa a bissle hurchn konn in sein "traum-domizil"....
sollt jo dabei eigentlich bei mir weihnochtsstimmung aufkummen, oda???
hmmm....?!?
27.11.2010 00:47:so, aus mit liadln kopiern und brennan. is jo schon fost murgn :) i sog eich guate nocht. murgn weri adventkränze mochn. oda aa nit. i waaß nuch nit, ob i des heia konn. bis hiatzand hot ma jo imma so a klaanes weißes ding gholfn. d.h. i hob a astale aufegisteckt auf den strohkronz und sie auf da ondren seitn wieda ans obegizupft :) heia wert kaana dabei gonz nervös umawussln und vasuachn tannenzweigaln zum onknabbern udn fur lauta aufregung und freid um mi und dem gonzn astlwerk hockn schlogn.... mei baby.... |
| smokedinpeace am 26.11.2010 16:37 (vua 5746 Tåg) |
ruflo es schneit bei mir a, åba vahungan wern ma beatimmt net, mir homma unsa wampale vollgschpeichert,und sogar fåltenlos,so i fohr hiaz los wås einkafn,bis nåcha. pfeiferle |
| ruflo am 26.11.2010 16:21 (vua 5746 Tåg) |
es schneibt, schneibt, schneibt, ... gånz fein und truckn, des ies a schnee, der liegn bleibt (wenns niet wieda würmer werd). derzeit håmma etwa 10 zentimetta. pfluag ies noch kaana gfåhrn. scheen guat, dass i glei in da fruah in feistritz wår einkaafn, hihi, brauchn mir ibern sunntåg niet vahungern. warat scheen schåd um uns - oda eppanietha? |
|
|
|
|
