|
|
|
| ruflo am 25.08.2012 10:34 (vua 4479 Tåg) |
maaa - und wer ies da obaleera då hariennen? hiatzt trau i mi går niex mehr sågn, wenn ållas fålsch ies. i geh mi schåmen*) und kumm erst murgn wieda. nudl.
___________________________________________
*) eignschåmen und ausnåhmsweise niet fremdschåmen.
da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da da
|
| ruflo am 25.08.2012 10:21 (vua 4479 Tåg) |
dånkscheen herr brufesa. 25.08.2012 10:24:i maan DER krokodül håt kaane nüsse sundern apfalan. odawia???
is schon wietzig, dass da viech ginau durtn bådet wo es kurtale die wåssarechte håt. hihi - kånn des a zuafåll sein??? vascheuchn werd er's jå niet wolln. eha schon ånfüttern. miet henndlhaxnen und so. weil man waaß jå nianiet, fier wås so a allegahtor, wås taamisch beißn kånn, ållas guat ies. brauacht er sölba niet. jå.
|
| ruflo am 25.08.2012 08:17 (vua 4479 Tåg) |
gmorgen.
morgenspaziergång erledigt, wolknlos, 18°, suppa.
wientsch eich a scheens wochnend.
wietzig: seind drei deitsche aute unta da lindn gståndn. håmtze giparkt: DA, PF, SW. und i håb mir gidenkt: wenn aus darmstådt aana nåch pforzheim haam fåhrt, ies der schweinfurt.
|
| ruflo am 24.08.2012 15:54 (vua 4480 Tåg) |
i håb mein lucksuskerpa ziemlich entblösst, da windelata laaft und so ies es zum aushåltn. aa wenns niet so xund ies (muaß man aufpassn, dass an die hex niet daschiaßt) - åba so gehtz aanigamåßn |
| ruflo am 24.08.2012 15:09 (vua 4480 Tåg) |
... und bei die speläologen (höllnfurscha): "gut loch"? oda går "loch heil"? - i håb's jednfålls niet so miet dem wurt "HEIL", aa niet - und schon går niet - beim griaßn und wientschn. hextens dass sie "heil" vom berg wieda åbakummt. jå. des wientsch i ihrn schon von gånzm herzn. und i bin aa sieha, dass sie des spielend schåfft.
gut heil (fajawehr) und settene såchn måg i aa niet, des arinnert mi ån åndare Zeitn. de håb i als ålta grufftie jå noch als kind erlebt. mei våta, der ångeblich auf firngleita durch die pallavicini-rinne am glockner åbagidüst ies (schi heil!), lei so "zur gaude", der als sani ån vorderster front des größte massnschlåchtn ålla zeitn niet überlebt håt, erinnert mi aa drån, dass mir åls mehrfåch ausgebombte von villach aus in heiligngeist schutz suachn håbm miassn, weil mir ållas valurn håbm. also andale - dånkscheen fier die beleerung, åba i håb des wohl gwusst. lei mögn tua i's niet.
|
| ruflo am 23.08.2012 16:14 (vua 4481 Tåg) |
kuhle, kuhle, ... tststs ... wenn aana vegetarier ies, muaß er noch lång niet ... und so weita. åba i bin heit' friedlich und hålt mi zruck.
und i bin froh, dass i a tüchtige tochta und an ebnsolchn sohn håb, zwaa brave schwiegakinda und 7 enkalan, de i mir liaba und beessa niet vurstelln kånn. und die erstn schwiegerenkalan möldn siech aa schon ån. und dafier dånk i dem herrgott und fråg mi oft, mit wås i sowas vadeant håb.
und die fibi ies noch jung ginua und wenn sie wüll, werds schon werdn. odaso.
i geh hiatzt, meine fiaß ins kålte wåssa streckn (weil's inzwieschn wieda wolknlos und haaß wurdn ies) und wientsch eich noch an scheenen rest vom nåchmiettåg
|
| ruflo am 23.08.2012 10:40 (vua 4481 Tåg) |
hosnåntådara = hosnlaata, hosnfålta = hosntierle bei aana ledahosn.
und a bettschaare (schere) håmtze frieher ins bett eingesteckt, damiet dass du niet vom dieckn tierggnfedernsåck beim schlåfn aufn bodn åbawölgest. schaugt aus wia die zaaga von aana uhre. siehgst in klafu im musäum in da volkskundeåbteilung.
und wenn du maanst, dass heitigntågs die diandlen ka tuttnkraxn mehr brauchn, nåachen ies bistiemmt es süllükohn schuld. und niet i. |
| ruflo am 23.08.2012 10:01 (vua 4481 Tåg) |
seas brufesa. hosnåntådara, hosnfålta, hosntürle, hosnlaata, fiertachbandle, tuttnkraxn, fleidnsåck und bettschaare ... ies mir gråd eingfålln. ies des schon ållas im wertabiachle?
23.08.2012 10:07:... bin nämlieh beim umziahgn gråd miet an zeachnt im untafuatta von da hosn henkn gibliebm und derwegn seind mir de wearta eingfålln. håt niet vül gfahlt und mi hättets umglegt. jå, bei so an åltn krautara ies bessa, wenn er siech beim ånziahgn hinsetzt und niet umahupft wia a junga frosch. (wer kiesst mi denn schon und brinz werd i aa kaana mehr)
|
| ruflo am 23.08.2012 00:19 (vua 4481 Tåg) |
tuat ma laad, schnecki, bei dera hietzn bien i absuluht kråftlos. håb i jå prubiert schmeißn, ies nit gången. und wia i nåachan aan zur probe dei adress xågg håb und ihn nåch da stråßn åbegwölget (grollt) håb, ies der nietamål bies in kreizna sauzipf åbe kummen. håt er siech in aanzlteile aufglöst und ies in an kanahlgietta vaschwundn. der hundling. dabei håb i noch xågg "niemmst in pöllan draußn die autebåhn, geht schnella!"
wia i des gsehgn håb, håb i fåst giplärrt und den rest sölba weckgfressn. jå, leida!
dass man heit' kaum mehr leit miet an nåssn schneiztiachl aufm schädl ummalaafn siehgt, werd wohl drån liegn, dass es kaane stoffanen schneiz-zöttlen mehr gips. stöll dir amål vur, du muaßt a papierschneiztiachle nehmen, vier knotnen einemåchn und des in brunntrog einewaakn. hihi - und de sooß muaßt da nåachan auf die glåtzn pickn, ---
hiatzt wientsch i eich a guate nåcht und schlåftz guat.
und kuhle - sei niet bileidigt. biest jå kaa lebawurscht niet odawia. wenns dir spaß måcht, tuast hålt weitakruschpln. jeda wia er (sie) maant...
nudl.
================================
23.08.2012 07:58:årge nåcht - blietz und donna. und hiatzt plärrt da hiemml. jåjå tschentsch lei petrus - so schliemm ies es jå aa wieda niet. a biessale regn schådet niet. also låss hålt a biessale riennen, åba nåachan måch wieda a freindliches gsicht. wenn geht. und vagiess nit: noch ies da summa niet gånz umma.
an guatn morgen
und an scheenen tåg! |
|
|
|
|
