grias eich und an scheenen mittwoch in de runde!
i hoff es geht eich ollen guat!?
ah, is die bea nix do??? jo is sie leicht vaschollen in kärntn??
wert doch nix passiert sein, ha?
vlt hot sie anfoch vül zum tuan in da orbeit oda ihr computer is putt...
bei mir hot sich aa aniges giton. i bin mit papa am dunnastog am nochmittog um 2 uhr nuch mit da rettung in spitol gfohrn. noch lainz. anziges freies spitol zu dem zeitpunkt. durt hättn sie eahm sufurt aufgnummen auf da neurologischn. er hot des mitkriagt und hot gmaant, noch dem i xogt hob, de ärztin wert entscheidn, ob er bleibn muass, naa, des entscheid imma noch i. daraufhin hobn sie durt aus ana aufnohme gleichzeitig wieda a entlossung gmocht. wos den gonzn nochmittog und obnd gidauert hot. uma holba 10e in da nocht bin i donn mit papa wieda daham gwesn. er im sölbn zuastond wie zuvor, dafir mit an schreibn von an kronknhaus mehr.
am nächstn tog in da frih, hob i donn von da mama an onruaf kriagt, dos um 2 in da nocht de rettung do wor, um eahm WIEDA ins spitol zum bringen. er is im bodezimma zommengibrochn und de mama hot eahm natirlich nit hochgibrocht mit ihre "40 kilo aussa nossa". seit dem is er im spitol und es wird von tog zu tog schlechta. sei geisteszuastond is total schlimm und er is kaum zu an kloren gedonkn fähig. es is jetzt nuch a lungenentzündung im kronknhaus dazuakummen, de eahm zusätzlich schwächt und des eh schon nur mehr wenig aktive gehirn ongreift. da er durt am somstog 2 mol hingflogn is, hobn sie eahm aa sediern miassn, wos natirlich nix guat fir sein geistign zuastond is. ajo und a harnwegsinfekt hot er aa nuch. olles dinge, die fir an alzheimer- oder demenzkronken absolut schlecht is.
jo, hiatzand haaßts obwortn, dos de gonzn organischn kronkheitn geheilt sind, erst donn kennen sie mit da obklärung beginnen, in wölcher form de alzheimer/demenz grod is und wölche richtign medikamente er kriagn muass, um eahm holbwegs hinzukriagn. wos sein konn is, dos er in dem zuastond bleib, indem er sich jetz grod durch de gonzn beruhigunsmedis befindet. und des is: allan nit mehr lebensfähig.
i hob mi gschreckt, wie i am wochnende drin wor. er wor in da letztn zeit wohl schon a bissle vül verwirrt und schräg drauf, oba des hiatzand, seit er im spitol is, is echt a wohnsinn. gonz siha bin i ma nit, ob des so a guate idee mit dem kronknhaus wor. i hob a bissle des gfühl, de mochns schlimma, ols es wor.....
er redet und mocht sochn, de echt erschreckend send. folls er ibahaupt redn konn. zum teil vasteht ma nit amol, wos er zommendichtn vasuacht. nochmittogs is am schlimmst. i wor gestan bewusst schon am vurmittog drin, weil mir nochmittogs imma olle pflege dazähln, na, am vurmittog, do is eahm sooo guat gongen, hot gessn, gredet und und und.. wenn i am nochmittog kummt, is er praktisch nit onwesend. hiatzand honi schon fost den vadocht ghobt, de dazöhln ma an bleedsinn. und i wollt mi sölbst davonb ibazeign, ob des stimmt, dos er so fit is, wie se imma olle sogn. und i muass sogn, es is wirklich a ständige vaschlechterung zu beobochtn, je länga da tog dauert. i wor uma ölfe gestan drin, do hot er nuch gschaut und gredet. wenn aa nit gscheit und schlecht vaständlcih. oba er wor holbwegs in da loge richtige ontwurtn zum geben. je länga i drin wor, umso vawirrta is er gwurdn und umso mehr hot er bleedsinn gredet und vur ollem aa zum aggressivwerdn ongfongen. i wor bis 4 am nochmittog drin. und hob mi donn vaobschiedet mit den wortn: papa i geh hiatzand einkaafn, damitst murgn zum "frühstück" dei marmelad host. er hot nämlich auf amol unbedingt wolln, dos i eahm - wohin aa imma - marmelad streich, obwohl er gestan gor nix essn oda trinkn hot derfn, weil er sunst dastickt, hot da pflega xost. danoch wor de mama drin, do wor er lei mehr wüld und narrisch.
najo, wie xogt, obwortn und des beste hoffn is holt daweil onxogt.....
sovül zum "kurzbericht" aus der kausa "phoebes familie" ;)
da klaanen phoebe gehts recht guat. sie frisst, hupft und mocht bleedheitn. oba des näxte zittan steht schon vur da tir. freitog! do muass i wieda mit ihr ins kronknhaus zur neierlichn kieferabszesskontrolle.
longsom hob i des gfühl i wohn schon in solchane einrichtungen ;)
oba sunst, is olles o.k. :) |
bin heite a fruerer aufhstånd wal bei dera hitz konn man tågs iba nix åders tuan als wie schwizn.gestan homma fest gebådad bei ane bekonntn de hom an grosn swimming pool,35 grad wert`s heite wieda und i tua trozdem mei brot pochn.und glei nocha wer an åpfelbam einpflonzn, der fost 3 meta hoch ist ,donn wist e wås fra porzion loch i ausgrobn muas////
