jå, bei da telekom kriagt man aa bei jedem einwähln a neiche IP-adress. bea, i håb aa schon 6mål fier dei büldl gstimmt. und wer' des a weita måchn, falleicht können mir doch noch wås dareißn.
an guatn morgen und an wunderscheenen tåg
wientsch i eich.
heite ies es so scheen, dass nitamål iii wås meckern måg. die sunne låcht vom himml und es håt schon fåst 15°. da summa ies då. werma sehgn, wias am siebenschläfertåg (27.6.) ausschaugn werd. weil a ålte bauernregl sågg: wenns ån dem tåg regnt, regntz noch siebm wochn.
und de regl stiemmt, so wia "kraht da baua am mist, ies lei da håhne z'faul zum krahn". meingottna, wenn lei unsre håhnen endlich z'faul waratn zum krahn... heit håmt uns de luadern um hålba viere aufgweckt. nåjå - mir lebm hålt am lånd. und då muaß man des agzebtirn (sågg die nåchbårin). und wer um hålbaviere noch schlåfn tuat, ies eh lei a faultier. so isser, der läben.
i såg daweil amål pfiateich, weil die huntalan wårtn schon und nåachan muaß i wieda amål aufs lånd ause, a biessale a göld vazarrn - damiet dass mir niet vahungern tuamt. weil schoppingzenta håmma mir kaans in da kreizn. naa.
