Dunnastog is. Lei mehr murgn und des Wochnende hot uns wieda. Scheen!

Vül konn i eich nit dazöhln. Mehr ols in de Orbeit gehn und aufd Nocht wieda "ham" passiert grod nit.
Gestan honi mit mein Auto a Runde in da Gegend von meina zukünftign Wohnung gidraht. Guat is ma donn nit gongen dabei. Irgendwia honi de volle Panikattacke kriagt und Ongst. Vur wos a imma. Daweil red i ma eh ein, dass i mi auf de Wohnung fir mi allan gfrei...hmmm...wert wohl doch nit so gonz wohr sein....

I winsch eich an scheenen Tog.....

Grias eich!

Na sewas, des wor a Schneetreibn gesten bei uns in Wien. De gonze Stodt is dastickt im Schnee und des volle Chaos is ausgibrochn. Nix geht mehr, wor des Motto.
A Orbeitskollegin von mir, de ausserholb von Wien wohnt, hot in an Hotel ibanochtn miassn, weil nix mehr aussegfohrn is aus Wien. 2 Meta hohe Schneewechtn hot de Busstreckn vasperrt ghobt. Olles zua.

Und wos is heite?
....nix....ols warat gestan gor ka Schnee gwesn. Olles iba Nocht weggitaut. Schwups und weg is...varruckt des olles...

I hoff eich gehts soweit guat.

Dix Bussaleeee......

A liabes Hallo aus Wien!
Eisigst kolt is heite brrr...
Schnee is noch kaana do oba wert nit long dauan. Schaugt schon voll donoch her.

@Kuh: Danke, mit mein Knack is mol bessa mal nit. Olladings is es in dem letzn Johr wesentlich bessa wurdn ols olle Johre dafur.
Wert schon sein Grund hobn, dos sich so aniges wos ma im Nockn ghängt is, doch a wenig aufgelöst hot :-)

Grias eich!

I winsch eich an scheenen Montog, auf des de Wochn guat valaaft....

I wor gestan mit Freindn rodln am Semmering/Zauberberg. Heite tuat ma olles weh von dera Muglpistn. Kraxl fost auf olle 4e durchs Biro.
Oba vül Schnee hots gebn. Scheen wors!

lLongsom kummt Hoffnung ins Grau.
i hob von ana Genossnschoft a Zuasoge kriegt, doss i de ane Wohnung, hobn konn, wo i gsogt hob, jo, de kenntat i ma ols Ibagongslösung vurstölln.
Mit 1.4. is donn soweit. Hiatzand muass i noch de gonzn Formalitätn mit senen obwickln bzw. de Oblösegschicht mit de Vurbesitza, weil de a bissle wos in da Wohnung drin lossn (Küche, Bod und an großn Schlofzimmaschronk).

Ob i mi gfrei, konn i noch nit sogn. Send holt noch a bissle gemischte Gefühle dabei.
Oba es ist holt wenigst amol wos. Wert aa noch Freid aa kummen.

I hob zumindest gestan schon amol Vorob in a Möblhaus gschaugt obs irgendwos gabat, wos ma gfolln kennt. Und siehe da, firs Wohnzimmer donn hätt i schon a bissle wos gsegn. Wos hast a bissle, des gonze Wohnzimma honi im Gedonn schon durcheingrichtet ghobt durt im Gschäft ;-)

Sodale, winsch eich wos scheenes.....

Bussale!!

an scheenen vaschneitn guatn morgen!

i hoff da tog wert bessa, ols de nocht.
miad gnua zum schlofn warat i ;-)

winsch eich an ongenehmen dienstog!!

sodale, ausse do aus dem Biro und ob zur näxtn Wohnungsbesichtigung. Heite stehn zwa am Programm...

Winsch eich an scheenen Obnd...

An scheenen guatn Morgen eich ollen!

Na schau KUH, kaum raunzt a bissle uma, schon send olle auf amol wieda do  ;-)

I lei nur kurz, weil i muass wieda weitaorbeitn. Sunst gibts kaa neie Wohnung fir mi.

I hob ma hiatzand schon sovül ongschaugt, oba irgendwia is nit so ganz des richtige dabei. Obstriche muass i wohl mochn, oba trotzdem. Bei ana bin i hiatzand auf da Wortelistn. Vlt honi ja Glick und i kriag se. Donn hätt i zumindest firn Ibagong wos, bevur i ma a urdentliche gscheite suachn konn, de so ausschaugt, wia i ma des vurstölln tat.
Is schon frustrierend des Gonze...
Am liabstn tat i glei gonz auswondan....

Sodale meine Liabn, donn winsch i eich daweil wos nettes...

Bussaleeee......

Grias eich und an scheenen guatn Morgn!

Sodale, bini wieda do im Biro noch 6 Wochn.
Hot sich oba aa nix vaändat do. Kennt i direkt glei wieda hamgehn

Winsch eich an scheenen Tog,

eia Phoebe

Grias eich, meine Liabn im neien Johr!

I hoff, ihr seids olle guat grutscht und hobts de letztn Wochn scheen und vur ollem xund vabrocht.

I bin schon seit 5 Wochn neama in da Orbeit (Kronknstond) und aa mein PC honi bis hiatzand nit aufgedraht ghobt. Ibas Handy kumm i nix eina do ins V-Net.
Wiedamol lei lesend.

Is a bissle vül los bei mir seit Oktoba und i wor desholb in de erstn 2 Dezembawochn in Bad Pirawarth auf Reha, weil i nit so ganz mit ollem fertig wurdn bin.
Bis 9.1. bin i noch "daham" und donn muass i mi wieda ins Olltogsleben und ins Biro schmeissn..
Wert schon irgendwia gehen :-)

Und wenni endlich a eigene Wohnung gfundn hob, donn werts wohl aa wieda bessa gehn. Donn konn i wieda onfangen ins Leben :-)
Dann gemmas wieda on....
Hoffentlich....

I winsch eich wos Liabes, wos Scheenes und vur ollem vül Xundes.

Dix Bussale,
eia Fibi :-*

an liabn gruass aus wien in eire richtung.
de wochn wert aa vagehn...
und gschwind aa nuch...

hoff i zumindest ;-)

na, sunn scheint do bei mir kaane. egal ob innen oda aussn....

Grias eich meine Liabn!

I winsch eich an scheenen Sunntog....

hmmmm....söltsomes vaholtn....obschicken is gongen. donn steht durt....und plätzlich wieda weg....
hüüüülfeeeeeeeeeee.....

17.10.2014 16:43:
den Roman von vurhin schreib i hiatzand neama. weil sunst tipp i wieda uma sunst und es bricht beim obschickn ob.
drum schick i eich lei liabe Griass und winsch eich a scheenes Wochnend...

Bussaleeee.....

@kuh: olso, wenn i a bierle trink, schlof i gonz besondas guat  
oda bessa xogt, grod deswegn schlof i ;-)

sunn und wolkn wechsln sich ob...hmmm....nur sunn warat ma liaba.
oba mon konn jo nit olles hobn.

i winsch eich an scheenen tog.

dix bussale