Seass Coolati!
I' bin a Eingeborena, der östlich vom Dobratsch, südlich da Drau und nördlich da Gail haust und von Årbeit is nix im Dienstvatråg vom Magistrat gståndn! Wenn'st auf die folgende Homepage schaust www.kradreiter.at , findest irgendwo sogar a Büldl von mir.

Griaß' Eich ålle mitanånda !
I' bin a wieda då, und um anige Frågn zu beåntwortn, I' bin a Mandl und mit kan Diechta irgendwie vawåndt, ålladings spirituell eng vabundn mitn berühmtn Villacha Bier. Bei den wöchentlichn bzw. 14-tägign Meetings in Spezialseminarräumen (umgångsspråchlich - Gåsthaisa) werd' ma vom Seminarleita dem "Stutzn" hålbstündlich motiviert und inspiriert. Und de so aufgenommene Energie muaß ma dånn in Form von Wurtmöldungen irgendwånn wieda åbgebn wern. Nur technisch håb I' noch Nåchholbedarf, wal I' glab I' håb vasehentlich ålle Ånfrågn und Ånwortn von Eich unglesn glöscht - bitte um Vazeihung !!! oba nåchdem ihr so a lustiga Haufn seid's, werd's schon klår gehn - hoff' I'.
Mit "kuhln" Villacha Gruaß
Yaxon

Griaß eich Villacha !
bin soebn unsånft aus mein Büroschlaf grissn wurn, bin eh nåch gånz tråmhappad :-) und damit I' a bissl a positive Energie aus mein Blechtrottel aussaziag, håb I' mi' glei auf die VILLACHER-Seitn ghaut!
Jetz' bin I' wieda voll då - und wünsch' Eich an schen Wochbeginn !!!
P.S.: Is die Årbeit schon von långa Daua, schau auf's Villacha.net - des gibt Paua!
Yaxon

Griaß' Eich !
Håb' de Seitn zufällig gfundn - a Schmankale vom feinstn!!!
Anfåch wia daham und des mit de Postkårtn is sowieso des Beste.
I' schaug hiatz jedn Tåg eina - übahaupt wenn's extrem haß is, wal des Büldl vom schneebedeckter Mittågskogel vaschåfft angenehme Kühlung.
Schen Gruaß
Jaxon
Kradreiter-Kärntn Tschäpta