@ruflo: jo mei, da hat’s ma ja schia genau g’ratn – da schaugt ma nach etla Johr wieda amol eina und do trifft ma genau an ruflo sein Festtag ! ruflo, lass‘ die feian, lebn sollst hooooooooch, dreimal hooooooooch und xund sollst bleibn. Und wann i in ane 10 Johr wieda amol einaschaug, nochad mecht i di allaweil no frisch und munta segn da im seibaspeis vo die Villahahaha. Host no a guate Zeit vor deina, wann i denk, mei Vatta war agrad heit 99e worn (die 89 hat er no dapackt samt alle seine Leidn), nachad wirst as du oisa xunda bursch scho bis zan 100er packn. I selbm konn do no net recht mitredn, oba wann i mei Johrzohl umadrah, nachad kimm i scho a bis zu deina zubi.

Oisdann – lass‘ da’s bsundas guat geahn in dein naglneichn Lebensjohr und bleib alleweil frisch online !! In 20 Johr muasst nachad eh gar neama aufn peze umahack’n, bis dann hab’m ma olle vielleicht scho an USB-stecka am Hian, nochad miass ma‘s lei denkn und scho steht’s im Villaha.net! (naaa- vielleicht bessa net, den schaas mecht i net segn, wos do so alles zsamm’denkt wurd!!)

 @ruflo: schean, das ma di noch so vül johr wida amol siagt und dass da guat geaht - aba des is net zwengs deina so lang gwesn - mi hat's a weng umag'scheucht. Woasst as no, I bin der wo in Bangkok war. Und nachat ham's mi auf Korea g'schickt und in die Wüstn vo de Saudis. Und hiatzt bin I aa a Rentna. Und I schaug ma oft no deine Büldln von Fliaga aus an, an Glockna und Zell am See ... ja und in da Zwischenzeit tua I fleissig übn, dass "nur" "lei" hoasst - aba nix karntnarisch - I bin a Teilzeit-Tirola worn ! Aba als Rentna  kimm I vielleicht do amol aa auf Villach obi oda eppa gar in die Kreiz'n, schaugn, obs ane rosn in see gibt ...