griaßeichållemietanånda, gehtzeichguatha? wieda a wochnend.
weetta ies mehr bischeidn, åba noch schneibtz niet.
i håb mei runde mietn hund hienta mia. guat ies gången, niex ies gschehgn. die sally håt wieda amål mietn bello fången gschpült, dass lei so a freid wår.

åams chrischtele, tuast ma so laad, dass du de schüsse von hientn niet mitgenießn derfst....

fibi, dei fülm von de zwa lieban viecha ies sowås von siaß....
håmma mia aa amål ghåbt: unsa hündin uschi håt vier junge ghåbt und a roata petzl wår sena freind. der håt niet lei auf da uschi ihrn buggl gschlåfn, (und durtn gachamål seine krempl gspitzt, bis die uschi gizwiellt håt) sundern der håt aa mit de hiendlen aus aana schiessl gfressn. und dafier håmt de wölpn im kåtznklo umagigråbm und an schåtz gsuacht, lei gfundn håmtze niex. des wår a schou!
kånn ma schon vül freid erlebn mit unsriege vierhaxertn freind.

05.01.2008 18:15:
auweh, då wår heit a bitrieb....
i geh hiatzt aa. pfiateich bies murgn. odaso.

06.01.2008 09:44:
griaßeich, an scheenen sunntåg.
jå, so gehts, ka kuhlattling då - kaana, der uns a schweinsbråtnritzept varråtet. wern mia miassn die frau mienista kdolsky einlådn, dass sie uns aans schieckt....

i bien heit aa furt: mia håmma hiatzt fajawehr-jåhreshauptvasåmmlung mit ånschl. gimeinsåmen miettågessn beim staber, und nåacha muaß i glei nåch fiellah zum gratulirn, unsa schwiegatochta håt purtztåg.

pfiateich und måchtzes guat.

Guatn Morgn in da Fria!
@Phoebe: Onscheinend is da der Burga gestan oda bessa heite noch guat im Mogn glegn, wenn de um dreiviertl aans noch ins V-net bist!!! *g* Nocht fuabei, an neia Tog bricht on. Da Hund wert schon wortn und mei Olta fohrt auf a Olm zum schieaßn. Vielleicht geht jo amol a Schuß noch hintn los. Pfuuuu und des in da Nocht, olle flichtn ause ausn Matrotznloga.....! Bin I froh, dos I (wieda amol) ALLAN daham sein terf! Bis späta.

heite, wobei, eigentlich schon gestan ;-) im steakhouse hots sogor wirklich wos fir mi a gebn. an guatn burger. wie beim mäci ;-)))))
oba sovül wos do noch beilogn dabei worn, uuuah, honi richtig kämpfn miassn.
soda, jetz schmeiss i mi ins bett. in nit so gonz beinond. nochdem i in de letzt tog kaum wos gessn hob, weil i nix owe bring, liegt ma da burger ziehmlich schwa im mogn und mir is lei schlecht. und i hob nit amol a schnapsale daham :-)

guate nocht und bussaleeeeeeeeee......