hihihi, jo den fiat 500, hob i heite im vurbeigehn eh aa gsegn. owa glaabst, gibts denn aa mit schiebedachl, damit i mein kopf aa mitnehmen konn? :-))))) der ist nämlich ech a zwergale und niedrig.

najo, wo bin i heite drin gsessn:

in an
-) lancia musa (der ist zwor nit vül grässa ols mei fiesta wor, dafir hoch gebaut, hob i ma amol des prospekt mitgnummen) warat im moment im ongebot mit 14.350,--
-)im kia ceed (der is jo von aussn von da optik her gonz liab und vom preis her o.k rund 15.000,--, mit 109ps, owa innen olles lei billig plastik gmocht. des wocklt jo schon beim hinschaun)
-) kia carens (jooo, des warat schon mehr meina gwesn. schaut aus, wie so a geländewogn, schon bessa ausgeführt von innen, um 20.200,--)

donn hob i ma doch wieda beim ford wos ongschaugt. da kuga is echt zu teija, is wirklich a bleedsinn. 35.000. drum bin i donn amol bei de gebrauchtn schaugn gongen. da warat a focus c-max um 17.300, a johr olt, mit 23.000km drauf. und a normala ford focus, ebnfolls a johr olt mit 6.000 km um 16.300,--. da c-max warat a hohes wagale, da focus a normala. hiatzand muass i ma des amol durchn kopf gehn lossn, ob nei oda gibraucht.

@Ruflo, des mecht i sehn daß Du an Haxn ausm Fensta hängst. Und des Miezele tät sagn:"Ez schpinnt da Alte komplett". Hihihi....

de tog sen de letztn von mein firaschein wenn di BH nit vagisst. hiaza bin i lei mehr mitfohra is eh klass, do konn i saufn wos i wüll.
oba amol schnöll wohinfohrn is neama. i hob mi damit obgfuntn, es gibt schlimmares. zb z´fuassgehn im regn, bei da nocht.

08.08.2008 16:12:
Phoebe
den neichn fiat 500 sollast da amol onschaugn, der kostet lei 12000 euols a neia!!!!
is a liabes wagale.

08.08.2008 16:18:
======================================================werts segn die phoebe kummt mit an daimler AMG daher, der is nit nieda, kostet "lei"100.000 und is fesch do konnsie den brad pitt aufreissn oda den
sean connery, elvis,schworzeneger, jörgi h............ oba i tat ma glei den lambo nehmen der kostet nur gooooooooooooooooooonz wenig meer.
oda glei an pferarri

seas irmi! a scheens wochnend!
von wegn aute - i håb an ford fusion, des ies es riechtige fier ålte herrn. bikweem ein- und aussteign, scheen hoch drobm sietzn, gipäckraum scheen ebn (guat fier die bierkiestnen, hihi und fier die sally, wenn se mietfåhrn tuat) und a tolle tipptronik-autematik. brauchst lei aan hax, den linkn kånnst daweil beim fensta ause henkn låssn, wenn a haaßa tåg ies. und zur not ies jå wohl a glimmer-ånlåge aa drien. und den rechtn hax: gaasgebm und bremsn, des ies ållas.

und i hob de drei zwülling glockt, da giulio is soooooooo liab wo i ihm gsogt hob i bin da "onkl opa" hot er lei glocht. de dirndln vastehn so an spass noch nit is jo ka wunda de hom lei schlofn wolln

sodala, die fibi geht autokaafn u. i håb wochnende!!!!!!!

gestan auf'd nåcht wår asoa sturm und es håt gschiettat wia tamisch u. jetz is sunne, regnschaua, gwitta im wexl

da "kia ceed" is jo aa gonz putzig. der is holt wieda a niedriga und klaan. dirft so in da größe von an golf oda so sein. na egal, i geh jetz amol schaugn....

dazöhl eich am obnd, wos i ma fir ans gnummen hob ;-)

@ Fibi, so an Haflinger wia da Coolati ghabt hot gäb`s scho günstiga. *g*

grias di kuh!

jo eh fir de autos, de i vurher aufgezöhlt hob. holt so hohe. i denk do sitzat ma siha bequema und zum aus und einsteign is aa bessa. owa de kosten olle ab 30.000

seawas Phoebe! schen dos es da guat geht.
fir wosn fir a auto tates di intrressiern?

08.08.2008 11:31:
schnecki
du denkst on de damen mit de engen reck?

wia i beim bundesheer wor hob i ane mitnehnen solln, de is nitamol in mein "haflinga" eine kummen.so an engen rock hot de onghobt.
hafliga= Puch haflinger schaug do amol im net noch a witziges autole.

Jaja - höhere Autos sin praktisch füa olte Damen, da tuan se sich leichta mit ein- und aussteign. Hahaha....
(auweh,ez gibt`s Haue)

morgen olle zommen!

mei nochuntasuchung im kh hob i hinta mi gibrocht. da orzt sogt, es is olles normal, wenn ma olles weh tuat. des kummt erst noch 2-3 tog so richtig aussa und mind. a wochn werts onholtn und donn longsom bessa werdn. passt! damit konn i lebn ;-) sollts bis montog doch noch schlechta werdn, soll i noch amol hin. onsunstn wors des.

i wer heite am nochmittog amol a bissle autoschaugn gehn. i waß holt nit, wos i ma neies kaafn soll. gfolln tat ma schon so an zwa modelle ,-) owa de send holt teija und eigentlich fir mi nit wirklich notwendig ols stodtauto. owa mol schaugn. i hätt holt gern a hähares auto. der "nissan qashqai" tat ma so guat gfolln, oda da neie "ford kuga". schaugn a bissle so geländewognmässig aus. owa holt schon riesn trimma und siha nit billig im vabrauch. da toyota rav4 is jo aa so a ähnlicha....oda da "honda cr-v".... hmmmm...... nix weiß was sollen tun......

na super schnecki

Morgän,
i bi fertig mit meim Programm - Wochenend - jippie.

guatn morgn in olle do harinnen
es wettat wieda, i geh auf volles risiko
und ghoglt hots< a schon des is a summa, oba bessa wia wenns schwül is.
wias da pebe eppa geht? de wert albträume ghobt hom zwegn ihrm unfoll. oba hiaza passsiert ihrn nix mehr weils auto eh hinich is.