kuhle, wenn dei flåchbüldschierm schreit - drah ihn bittscheen leisa. i håb heit die hålb nåcht niex schlåfn können. a so a grawall. und die hålbe zeit die sch...-URF-werbung, då kriagst jå die xxx-latz-kriehse. wenn då 5 mål in aana stund die familijenmutti am grohnleichta schauklt und da papi auf da matråtzn umahupft, nåachan reichtz... und då können de in aana nåcht zehnmål sågn "herbert, trink das!", des nutzt aa nix. då kånnst häxtens a påår laute fåhrn låssn, åba beessa schlåfn tuast niet von dem zeigs. lei vom URF-brugramm. åba biettscheen niet z'laut einschåltn. wenn nåachan die bessern såchn in unserm stååtsfernsehn (fier dås mir haufnweis gibührn zåhln, und dås uns dafier mit werbebotschåftn zuapflåstert), also wenn då die intaressanteren såchn so um zwaa oda draje in da nåcht durch den etter in unsre schiessln fliagn, nåachan schlåfn mir eh schon.
warum gips eigentlich in deitschlånd nåch åchte ka werbung mehr? meingott, seind de weit hintnnåch. odawia. gimeinheit.
nåch der vasautn nåcht (schult ies da kuhle!) wientsch i eich miet vapickte äuglen
an guatn morgen und an scheenen såmståg.
der Dauagrinsa