@schoba: i hoff, dass du aa a scheens weetta håst und dei wochnend a biessale genießn kånnst. bei uns schauggs jå derzeit niet so guat aus. de berglen rundummadumm håbm siech hienta an wolknvurhång vasteckt - åba wenigstns truckn ies es, und des ies jå aa wås.
@pfeiferle: jå, noch drei wochn, nåachan können mir dei neiche frisuhr biwundern. des werd a gaude... vül spaß beim zsåmmpåckn und vagiess nix dahaam (vurållm niet dei erika!)
an guatn morgen und an wunderscheenen, erfreulichn tåg und a guates wochnend zum riläcksen und kråft tankn fier die näxte wochn.
jå, da hierbest kummt. er håt schon seine tscherfl ångezogn und haatscht daher, scheen långsåm åba stetig. es jåhr werd ålt (und i aa) - åba vül sunnige und scheene tåg stehnt uns hoffntlieh noch bivur. a sunniger, goldener herbsttåg ies aa wås herrliehes. und es älter und ålt werdn gheart hålt aa dazua zum lebm. (wenn aan lei niet es zipperlein so plågn taatet...)
"you don't stop laughing when you get old - you get old when you stop laughing" so sågntze die inglitsch und im lånd der unbegrenztn unmöglichkeitn. und i denk mir des eigntlich aa. trüabsål blåsn kånn, wer wüll. mir fier unsern teil bleibm mehr auf da heitern seitn.
ich wientsch eich wås und pfiateich bis späta.
