jåjå, da kuhlattling, der ålte frießling, taatet am liabstn bei sein eigenen leichnschmaus aa noch dabei sein.
tuat ma laad, dass i erst hiatzt kumm, åba wår a stressiga tåg. wår beim dock - und wås sågtz, mei bifund ies då!
derzeit ka OP notwendig, amål åbwårtn und in 6 monat erneute kontrolle. åba zum uhrologn muaß i gehn, der werd mi wåhrscheinlich umstölln auf summazeit, odawia.
und nåachan wårn mia in zlan am friedhof. naa, niet probeliegn, sundern da schwiegamuatta ihr gråb herrichtn.
dånkscheen ålln gratulantn zu mein burtztåg. schåd, dass i ka legastehnicka bien, sunstn könnet i sågn, i bin siebmezwanzg. åba wenn i des sågn taatet, taatet eh a jeda an låchkråmpf kriagn.
i sågs eich, a so a ålte mummie wia i --- beim stiafmiattalansetzn bien i fåst niamma aufdaståndn und hättet mi glei båld zua mein schwiegamiattalan dazuaglegt.
und hiatzt werd da ruflo hungaliech, drum geht er wås essn. und murgn kummt er wåhrscheinlich aa niet, weil då håt er miet sein' mietzale den 46. hochzeitståg. i kumm vom fajan går niamma ausa
pfiateich und bleibtz scheen praf und måchtzes guat.
kuhlattling, frieß niet z'vül! | 
