Grias eich meine Liabn!

A bissle wos untanommen in de letztn Wochn.

Ende Mai (20-27.5) wori fir a Wochn auf Kos. Scheen wors. Und hot wieda mol guat geton a bissle Meerluft zum schnuppern.
A wenns mit an Flug vabundn wor. wor oba a bombn Schnäppchen, des ma sich nit entgehen lossen kennen haot.
Insl wor scheen, des essn voll guat, Wetta hot gepasst und i hob quasi die Sunn mitgibrocht, weil ob dem Zeitpunk, ols des Flugzeig wieda do in Wien gelondet ist, wor aa do wieda des Wetta bessa und is von Tog zu Tog scheena wurdn.

Vül bodn wori in de letzten Tog und aa sunst honi a bissle wos untanummen. Bringt jo nix bleed umasitzn und umaraunzn. Ändat sich nix und de ondren, de ongeblich sovül wegn mir leidn miassn, scheissn sich eh a nix drum, wias da geht. Is jo lei Mitleidschindarei und nix davon echt.

Radlfohrn, schwimman, Sunn geniesen.
Am Wochnende hiatzand wori am Neufelder See und am Wiena Kirchtog. Nit zum vagleichn mitn Villaha Kirchtog, oba bessa ols gor nix.

Heite is nit scheen. Wert schon grau draussdn und kühl. Oba am Freitog gehts wieda los fir a poor Tog in a fremdes Lond. Barcelona!!!!
Na i bin gsponnt.... :-)
Oba, jetzt is da letzte Flug guat gongen, werts a da nächste guat sein :-D

Nix mehr scheissn....so schauts aus....! ;-)