Grias eich olle mitnond!
Mah, des is oba a Ibaroschung. Do is jo quasi voll wieda wos los.
Firs erste des Wichtigste heite, wesholb i grod do bin:
Liabes Pfeiferle!!!
I winsch da OLLES OLLES GUATE zu dein GEBURTSTOG!!!
Vül Xundheit und Freid fir di!
Und hiatzand zu olle ondaren. Scheen, dass i wos von eich do lesn konn.
Werma wieda a bissle weitatuan do?
Vielleict schoff mas jo heia, dass ma a bissle de Genottnhöhe unsicha mochn, ha? Wos sogts ihr?
Sollt ma uns wieda amol wos vurnehmen?
Da Kuh wor aa im Kronknhaus???
Mah he, wos tuats den es fir Sochn. Ruflo....., wurscht, obs Schneeschaufln geht oda nit, hauptsoch du bist so wieda holbwegs beinond. Da Schnee schmülzt aa von allan furt. Du muasst guat auf di aufpassn, heast!!
17.03.2016 09:37:Wos konn i eich on Neiigkeiten von mir dazöhln....
Jo wos soll i sogn, hot sich vül geton in mein Lebn seit iba an Johr und vül vaändat. Ob zum Guatn oda Schlechtn, des honi sölbst noch imma nit aussagfundn.
Guat gehts ma nit imma dabei, oba i loss mi nit untakriagn und tua holt hiatzand des, wos ma so holbwegs guat tuat. Mei Hirnkastl losst mi holt imma noch nit so mochn, wias bessa warat, oba aa des wert wohl irgendwonn amol passn.
De Vagongenheit obschittln geht holt leida nit so anfoch. 22 Johr, send 22 Johr, in jeglicher Hinsicht. De send nit von an Tog aufn ondaren vagessn. Vor ollem, wenn mas eigentlich gor nit vagessn wüll und am liabstn wieda de Zeit zruckdrahn wolln würd.
Ansunstn wort i schon aufgeregt und sehnsüchtig auf den Frihling und noch vül mehr aufn Summa :)
Donn fongt wieda mei Zeit on!!
