jo i hob schon gessn. wor mittogs draussn und hob ma a kebab gekaaft. mei hasale hot siha aa den gonzn tog gfuattat. i denk mei mama wert schon guat dafir gsurgt hobn, dos nit vahungat, mei klaane vielfrass ;-)
schaugt echt org aus gä, de büldln von gestan. schlimm. mei freindin fohrt heite eeh wieda ausse um zum schaugn, ob schon olles weg is und ob ma de pferd wieda umstölln konn. i denk, es wert noch anige tog dauern, bis olles trockn is. vur ollem hots jo heite wieda gregnet. sie hot ma dazöhlt, dos dahinta nuch a klaanes hosngehege aa is, owa sie waß nit, obs de schon vurher in sichaheit gebrocht hobn. ihr is des erst daham eingfolln, dos de stollbesitza nuch hosn hobn. i hoff schon. de orman hasis heast. de hobn jo kaa chance. sölbst wenns a klaanes heisl durt hobn, bei dem hochwossa hülft des aa nix mehr. |