da kinofülm wor total liab. wor mehr a dokomentationsfülm. a klanes dirndle hot iba a zeit long an fuchs beobochtet, bis da fuchs donn vatraun zu ihr gwunnen hot. absolot liabe gschicht und so vül scheene aufnohmen von da natur. miassts eich aa onschaugn. kummt ob 27.12. ins kino. des heite wor sowos wie a vurpremiere.

vurhin hob i den baam schon fertig aufgstöllt und aufputzt. natirlich mit hülfe von an klaanen weißen pölzign ungeheia mit zwa longe uhrwaschln. wos des gonze glei noch a bissale länga dauan hot lossn, da i mehr am bodn ols am baam schaugn hob miassn. sowos von navös wia de wor.
hihi, und hiatzand sitzts drunta und vasuacht ständig aufe zum kummen. oba gott sei donk hob i den baam hoch genug am tischal stehn.
des wird noch wos gebn de näxtn tog, bis se sich dron gwähnt hot und ihr des olles wieda wurscht is.

seawas! hiaza sen die schwiegatiga gongen.
mei bua hot ma noch wos am PC gmocht, i bin total fertig.
i sog seawas bis murgn oba lei vurmittog, nochmittog kriahg ma besuch vom chrischtkindle!
des wert sponnend.
======================================================
23.12.2007 19:51:
wos hast do wötmastalose zeit? i bin eh do, a bissale spot oba i bin do!.
i warat e frira kummen oba am vurmittog hob i koch hölf miassn noacha se bold de tiga kummen
Kochn: es hot fondue gebn, i hobs fleisch gschnittn und de sossn gmocht 4 vaschiedene: ma mocht a maionaise talt sie in 4 teile in an kummt curry eine
in an grantmamalade und knofl in de 3. de schorfe, kumt sambal oelek eine und in da 4. sen klan gschnipplte guakn einekummen. i hob jednfolls fost wieda sovül gessbn dos i fost geplatzt warat. unsare vegetaria hom käse fondue ghobt,
i hobs a probiert fleisch is ma liaba. oba des fleisch nit in öl sondan in gemisebriehe schmeckt a suppa.

23.12.2007 20:30:
wisst ir ana wia mA DOHARIN ANE BÜLDLEN EINABRINGT?
i was da scheffe wissats, oba des is siha voll gehoim.
no jo soooooooooo wichtig is des a nit

prima, fibi, i gfrei mi miet dia. åba tua lei niet z'vül grummln während da vurstellung. sunst sågg gaxt aana "maa, funtastiesch, gånz a muderna fülm, hiatzt gips drei-de mit giruch aa schon. wås a so a fux fier a fackhle ies!"

23.12.2007 16:37:
a wia? ies heite a wöltmaastalosa tåg? håt unsa andale gestern z'vül käcksalan g'gessn? oda wår da schweinsbauch z'fätt? oda ies unsa kuh krånk? andale, biestdennha???

*gggg* ruflo, danke, du schoffst es imma wieda mi aufzumuntern und mi zum lochn zum bringen. des tuat guat.

stöllts eich vur, hon i grod in mei postkastl gschaugt und find durt a mail, daas i von vier pfotn 2 kinokortn fir heite nochmittog gwunnan hob. taugt ma total. a liaba tierfülm, der hiatzand ins kino kummt. juuuhuuu. i hob noch nie irgendwo wos gwonnen. muass i schnöll essn, donn konn i ins kino gehn......

hallo fibi, wenns grummlt, tua lei aufpassn bei de darmwiend. de seind sowås von vaschiedn.
wia im riechtign läbn wia de metololognen ållaweil sågn.
då gips die bora und den uhrkahn und den turnahdo - des seind so vawierblte wiend - und a leises lüftle fåst wia a hauch, und den schierocko und den samummundsoweita. und dånn gips truckane wüstenwiende und feichte aus da arkties und den jauk, der ies mehr a wårma wiend und fållwiende und solche såchn.
ies bei ålte grufties niet so schliemm wenn se imkuntenentz-hosalan håbm, settene pämpers fier öltare siemesta.
åba bei junge fesche diandlen, auweh, då kånn des kfährliech sein.

23.12.2007 11:55:
hihi. die sally sietzt unta mein sessl und håt gråd träniern brupirt. i maan, des wår a wårma jauk. oda falleicht da föhn. ies åba eh lei es gleiche. hihi.
und dass man vom jauk schädlweh kriagn kånn, des stiemmt aa. sally, du saupartl, hiatzt låch i åba niamma.

morgäähn es christkindln und weihnochtsmänna!

da kuhli wert noch on an drittn gedicht schreiben denk i ;-)))

i wer mein christbaam heite am obnd aufputzn, damit i murgn ruah hob. is ma donn doch zu stressig ols auf an tog.

mah leit i sog eich, des wern weihnochtn werdn murgn in da christmettn. i hob grod vurhin an onruaf kriagt, da vota von an guatn freind von uns is heite in da nocht gsturbn. vurige wochn is von ondare freind da zwanzgjährige bua vom stiagnglandarutschn vom ongeblich 9. stock owagflogn. gehirntot. vur zwa tog homs de maschinen obgscholtn. donn des erste weihnochtn von mein freind ohne seina mama. wert wohl nit so ongenehm werdn murgn ibaroll. fircht mi schon.
und wos sich bei uns dribn tuan wert bei meine öltan, on des wüll i nuch gor nit denkn. warat nit weihnochtn, wenns nit weida streit gebn tat. oba hoff ma des beste. und singen "Oh du Fröhliche....."

23.12.2007 11:15:
donkscheen ruflo. geht schon wieda bessa. des grummln is wohl noch do. und a bissle schwindlig is ma aa nuch, oba sunst dirfts schon passn.

i wer' mein baam erst murgn aufstelln. christbaam maan i.

23.12.2007 10:52:
iesnheit miet 'm andale los? huckt er eppa går noch unterm gulta? odawia? oda brupiert er aa an baam aufstelln?

23.12.2007 10:58:
fibile, wia gehtzdadennheit? ies wohl wieda beessa?
tua lei fest gramüllntee trienkn, oda kumpost essn, ies wiechtig, dass ma vül fliessigkeit kriagt. fliessigkeit kånn nia niet iebafliessig sein. häxtns da ruflo miet seine bleedn gummentaare.

Jo vor 2 Woch`n hota gsog I kon 3 Woch`n dahambleib`n.Gestan noch dem Schockkuvert hon I ma gedocht muast`n nochamol onruaf`n und mi nochamol bedonkn.Do hon I Ihn noacha gfrog wonn I wieda erscheinen soll,do hots schon noch a bissl weniga geklungen.Schaugst holt amol die erste Wochn vabei,noacha seg ma schon wias Auftrogmäßig ausschaug hota gsog.Owa bis zu de Hl.3 Kinig tua I amol sicha nix.

23.12.2007 08:33:
Jo Anda Weihnachten` 46 des is voll liab.

23.12.2007 09:56:
Christbam steht.

kratuliere frounz, håst an klaassn scheffe.
und sunst gehtzdaguatha? wia lång håstn frei zua die weinnåchtn?
i wientsch da wås!

An guatn morg`n in olle.Bah gestan noch bis 4e gorbeitet und hez is owa genug.He Rudi hez tua I grod feste im Schloß Pöllan orbeitn.De olte Wind`n wert von de Besitza(gonz orme Leit Foscari-Khevenhüller und Oetker(Puddingwöltmastamilliardärvawondschoft)wieda hergrichtet.I hon schon ka Lust mehr khop zon buggln und hon a schon an Schleim auffn Scheffe ghop.Am Nomittog hot a ma a 6xa Tragl Bier a Schoklad und zwa Wirschtlen geb`n zu de Weihnacht`n.Und a klanes Kuvert.Hota gsog is a bissl a Prämie drin.Bän hamfoan hon I grätslt wiavül do eppa Prämie drin is?50 oda 100 oda gor 200 Euro?Daham hon Is aufgmocht,do hots mi fost am Oasch hintaghaut.500 Euro,des is ka Schaß.Is da Ärga von de letzt`n Tog wieda vagess`n.

wohl, i håb wieda amål den geblondetn munnbutztrågendn griensekater ieberlebt, der miet sein silberhellen kneedlstiemmlan vasuacht håt, die vurweihnåchtszeit noch a biessale unerträgliecha zan måchn. wer' i den florian eisnkupfa aa noch ieberstehn. oftamål wem gfålltz, und schließliech håt jå unsriega URF aa noch an büldungsauftråg zan erfülln odawia. und an haufn dollerantz muaß man hålt aa håbm. terf man jå niet so eguistisch sein, göllt!

an guatn morgen und an scheenen viertn apfent! und murgn kummtz christkindle.

23.12.2007 06:57:
du, kuh, aa wås ies denn då bei dem zweitn gidiechtlen ånders als wia beim erstn? ies des die åschn von an ånderm onklausamerika gwesn?